دردشة بنات فلسطين, دردشة حوامل فلسطين, تجمع بنات فلسطين

[um jo0ody]

حبيبة قلبي كلك زوووق والله ربي يخليلي اياكي ويسعدك اكيييد يا قمر كل ما الشخص بيكبر بتزيد خبرته بالحياة وبكتسب معلومات اكتر ،،، والله زوجي يا عيون نومه قليل عادة يعني لو ينام 5 ساعات باليوم بحسهم كفاية وبكون نشيط بس دايما بحكيله مو منيح السهر وقلة النوم متعبين للصحة بس هو هيك متعود ،، وكتير بساعدني بحمود والله ربي يخليلي اياهم ،،والله انا من دونه بجد بتعب مع محمد ابني غلباوي كتييير وزنااان كتييير كمان ،،، شوفي حبيبتي والله معك حق بالنسبة لهبة انا لو بنفس مدينتها اكيييد كنت هروح اشوفها واحاول اطمن عليها والمشكلة الاكبر انه ما حدا معه رقم موبايلها ،،، بجوز تكون عند اهلها او ممكن تكون نفسيتها لسة تعبانة وخصوصا انها حامل وبعدين هالفترة بالجامعة الاسلامية في امتحانات فانا بحكي بجوز تكون مشغولة بالامتحانات وبالمشروع ،، الله يكون بعونها ويطمنا عليها ،،،

[um jo0ody]

الله يبارك بعمرك ويحميكي حبيبتي

[عيـ‘ـون المهـ‘ـا]

و يبارك في عمرك **ان شاء الله تدخل و نطمن عليها
لانو بجد هالتجمع كتير قربنا من بعض * و بعتبر كل صبيه هون اخت الي و اكيد بهمنا امر كل وحده **
يعني متل ما تحكي هون بيتنا التاني ياللي منتجمع فيه و الله
يديم التجمع عامر و يضل الكل بخير
حاسه في اشياء مشتركه بين زوجي و زوجك
من ناحيه كتير عندهم طولة بال للصغار و انا متلك برمي شوي حمل على زوجي من ناحية ادوم بساعدني كتير
ئد ما اوصفلك ئدية زوجي بضحي عشاني و عشان اولادنا ما بوفي حقه ~ الله يخليلنا اياهم يارب و يضلولنا
و كمان زوجي نومو خفيف يعني بيصحى كتير بدري مع انو بكون معاه وئت كتير بس بحكيلي خلص هيك تعودت و ما بحب اضل بالسرير لدرجة كنت اعصب عليه
يعني عطله او لآ بئوم بنفس الوئت

الله يخليلك حمودي بس انتي من هلآ ما تعوديه انك تعطيه كل شي بدو ياه ~ يعني مرات في كلمة لآ~ الله يخليك اياه

ام جودي بدي استأزن منك و ان شاء الله منضل على تواصل
لا تطولي اوكي ~ بوسيلي حمودي
بتمنالك نوم هااادي تصبحي على خير هههههه مع بداية صباح جديد =)

[um jo0ody]

ما شاء الله فعلا في صفات مشتركة بيناتهم سبحان الله ربي يخليلنا اياهم ،، ولا يهمك من ناحية حمودي صحيح زنان وعنييييد كتييير وبيضل يبكي لياخد الشي الي بدو اياه بس احيانا بتركه يبكي وبحاول اشغله بشغلة تانية تلفزيون او شي لعبة او اي شي تاني ،،، هو مجنني بحكاية الحمل بس ما برد عليه احيانا هي واحيانا هيك يعني لما بحسه زهق بلف فيه لفة بالبيت وبرجعه يلعب تاني بغير جو هههههه ،،، حبيبتي يا عيون وانا بتمنالك يوم سعيد مع زوجك واطفالك الامامير ،، حتى حمودي نام وهلأ هنصلي انا وزوجي الفجر وننام يلاااا بشوفك حبيبتي ان شاء الله ،،، كل يوم موجودة انا هون بس انتي ما تغيبي عنا اوووك يا قمر ،،

[احساس أنثى]

صباحووووووووو سكررررررر :)
الله الله ع الناس الماكله الدردشه حكي :)

ام جودي الحمد لله تطمنا عليكي واجت سليمه فداكي كل شي بس تضلي انتيوحنود وجوزك بهير

عيون المها / مبارح حضرت مع جوزي فلم اجتبي واجيتي ببالي انتي ساكنه بمنطقه كلها عرب ؟؟؟
لان امريكا كلها عصابات ومخدرات كيف الوضع عندك مابتخافي ؟؟؟؟

[beboo]

صباح الفل

هلا كيفك انت؟

الله يتمملك حملك على خير

وعقبال قومتك بالسلامة ويهون عليك الوحام والولادة ياعسل

[لولو الفلسطينية]

يا هلا
beboo شو انتي جديدة هون ؟؟ شكلي اول مرة بشوف اسمك
الحمد لله تمام
انتي شو اخبارك و من وين انتي ؟؟

[جارة القمر]

صبااااااااااااااااااااااااح الخييييييييييييييير::

ام جودي:
الف الحمد لله على السلامة...............


حيفا:

حبيبتي ربي ينولك اللي ببالك ياااارب

[um jo0ody]

يسعد صباحكم يا حلوااات ،،، ما لحقت انام يا دوب نمت ساعتين وصحاني حمودي ،،،

حبيبتي احساسووو والله صدقتي اهم شي السلامة والحمدلله على النعمة الي احنا فيها هلأ بجد بهالحرب عرفنا شو يعني نعمة الامان ،،،
والله انا شايفة انه الدردشة متنشطة كتييير ما شاء الله،،، الله يزيد ويبارك ودايما تضل الدردشة عامرة فيكي وبالصبايا يا قمر

لولو وبيبو منوراااات حبيباتي ويسعد صباحكم

[um jo0ody]

جاااااارة حبيبة قلبي الله يسلمك ياااا رب ويسعدلي صباحك يا قمر ،، كيفك وكيفهم زيد ويزن وكيف شغلك ؟؟ والله اشتقتلك كتيييييير يا حلوتي