دردشة بنات فلسطين, دردشة حوامل فلسطين, تجمع بنات فلسطين

[غُمُوض أُنثَى]

المشاركة الأصلية كتبت بواسطة أم عزمي

غموض أنثى
أنا عمري 20 ستة
من غزة
صارلي سنة و نص متزوجة
و حملت مرة وولدت طبيعي بس ولادة مبكرة في أول التامن بسبب اتساع بعنق الرحم
وابني عاش بالحضانة 5 أيام و بعدين توفى
أصله ما صرخ لما ولدته لأنه الرئتين ما بيكونوا مكتملات للجنين المولود بالتامن
و هلأ و الحمد لله أنا حامل بآخر أسبوع بالسابع و كمان 5 أيام بدخل بشهري الثامن انشاء الله
و اطمني الحمد لله أخدت غرزة بعنق الرحم مشان ما يصير ولادة مبكرة
و أخدت ابرتين لاكتمال رئتين الجنين احتياط يعني لو لسمح الله صار ولادة مبكرة بيعيش الجنين
و انشاء ما بيصير الا كل خير و الحمد لله على كل شي و اللي اله كاتبه بيصير
و أتمنى اني أكون أفدتك و عرفتك عن نفسي
و هلأ بدي منك تحكيلي عنك حبيبتي

منورة حبيبتي لساتك زغنونة هههههه العمر كله يارب
ان شاء الله يكمل حملك وولادتك ع خييييييير يارب
هوا دايما اول حمل الاغلب بكون في مشاكل بس هلأ ان شاء الله يكون كل شي تمام وتفرحي بالبيبي .. برضو الواحد يعمل حسابو وياخد احتياطاتو فعلا انتي عملتي الصح

انا عمري 23 سنة متزوجة من 9 شهور شوي وبنصير سنة ان شاء الله
مخلصة هندسة معمارية من الجامعة الاسلامية بغزة كنت حامل وبآخر التاني اجهضت والحمدلله ع كل حال وهلأ موقفة الحمل لفترة ..
وعايشة بتونس حاليا مع زوجي " مغتربة " للاسف ههههه ومشتاقة لغزة واهل غزة كتير والله

تسلمي حبيبتي نورتي والصبآيآ هون كلهم حبوبات وامورات ..


-

لولو متى حيجي زوجك ياخدك ؟؟ واديش رح تقعدكو في غزة انتي وياه ؟
موفقة حبيبتي

-

عسولة كيفك اليوم حبيبتي .. في اسماء كتير حلوة للبنوتات " يـآرا وميرآ " مثلآ

-

بينك روز , حواآء , جآرة , عيون المهآ , سهى , بنت الضفتين والبنوتات كلهم

نهآركم سعيييييييييييد يـآرب

[جارة القمر]

ام عزمي ............انتي جارتي وانت القمر ...........اسم هويده حلو وغريب
وبيكفي انك رح تبسطي زوجك لما تسمي باسم امه ............بس والله حزنتيني على زوجك كيف عاش بدون ام .
يلا انتي هلا زوجته وامه وكل شي بحياته ولما تيجي هويده رح تكمل جو العيله ان شالله

[أم عزمي]

تسلمي بينك روز أنا بعرف انه الاسم قديم
بس كمان وجوده مش كتير
و أنا حبيت انه يكون هالاسم شي من ريحة حماتي يعني
أو هيك شي

[أم عزمي]

تسلمي جارة لأنك بجد فهمتي عليا
أنا كتيير حنونة على جوزي لأنه تربى يتيم
و حبي اله كمان بيدفعني للحنان أكتر

[أم عزمي]

هلا عيون المها
بنوتي منيحة الحمد لله اليوم كان عليا معاد بالعيادة
و فحصت و كل شي تمام
و أنا راح أسمي هويدة و شرحت السبب و لما تقرئيه ردي عليا
اذا عجبك أو لا
أوكي؟؟

[جارة القمر]

حبيبتي ام عزام الله يديم المحبه بينكم...............وكمان بيني وبين زوجي ههههههههههههه الله يخليلنا ياهم والله
انهم بالدنيا كلها ...............

[لولو حمادة]

مرحبا
فعلا جارة ازواجنا بالدنيا كلها
انا اشتقت لزوجي كثير
ام عزمي حلو اسم هويدا

[بينك روز]

الله يخليكم لبعض يا ام عزمي فعلا فقدان الام مصيبة
الله لا يحرم كل وحده من امها يارب
وان شاء الله بتشوفي هويدا وبتعوضكم عن كل شي خصوصا ابوها
والله يتمملكم على خير يارب

[أم عزمي]

تسلمو يا صبايا
جارة انتي كم عمرك؟

[أم عزمي]

زوجك وينه يا لولو؟
يعني ليش اشتئتيله كتير هو بعيد عنك؟؟؟