اطرف المواقف اللي مرت عليك اثناء ولادتك الاولى‏

[om manooor]

صباح الخير ياحوامل مواقفكم كلها تضحك
انا حصلي موقف في ولادتي الاولى كنت قاعده طول الوقت اترجى السستر اقولها بليز سستر ساعديني طبعا وانا ااشر لها بيدي كأني قاعده اطر من عندها واهي قاعده بس اتطالعني حسيت روحي هبله لين ماولدت والحمدالله الله رزقني ببنت مثل القمر الله يخليها ويحفظها
والله يسهل عليكم جميعا

[مودي]

انا الي سار لي لااحسد عليه كل ما اتذكر ابكي
اولاكانت ولاده مبكره مو في موعدها
ثانيا اول مادخلت كشك الولاده سو الازم بس لسى ما خرج النونو
وجلست تحت الملاحظه ساعتين
وفي الساعتين طبعا من الخووووووف ابكي واصرخ وراحت الدكتوره وجااااابت لي ابره منومه
المهم نمت وحسيت وانا نايمه بالم فضيع فتحت عيني اصرخ وجات الممرضة وقالت ولاده البيبي يخرج وشوي وجاااااااااااه دكتور وهذا الي جنني اكثر ومعااااااااااه خمس طلاب شباب انا تجننت
وسرت ارجف من الخووووووووف واصرخ من قلبي
وهم متاثرين مره شوي وبيبكو معااااي وقمت وسحبت الشرشف اغطي وجهي بس اللمشكله الشرشف قصير اغطي وجهي يرفع من تحت اه اه
وجلست اعاني حتى خرج البيبي وخرجو الحمد لله

[جود الاماسي]

سترك ياااااااااااااااااااااااااااااارب هذي مو ولاده
الله يعيني باقيلي اسبوووووووووووووووعين

[فتاة الميزان]

انا لسة ما جربت انشا الله بتكون سهلة
انا هلا بالشهر الرابع

[أحب أولادي]

أهلين لكل المشاركات بصراحه الموضوع حلو كثير وحبيت أذكر قصة ولادتي بولدي الأول جاني الطلق الساعه 2 الظهر وفرحت وما خبرت أحد وكان ولد عمي بيجيب زوجته بيتنا وكنت جالسه معهم وأسالف وكل ما جات الطلقه أسكت وأبتسم لين المغرب مشوا وزوجي بيطلع قلت له عندي لك خبر يجنن الليله أو بكره بتصير أبو اوهو فرح وخاف وقال لي يللا أجل المستشفى قلت له لا ما راح أروح وبعدين اهو طلع راح عمله وقال أي مضاعفات عطيني خبراشوي اللا أمي اتصلت تقول قربت ولادتك وما شريتي سرير وأنا أتألم بس ما بينت لها قلت خلاص وأسكر بعدين طلعت من غرفتي وخوات زوجي جالسين ينظفون ربيان وجلست معهم وأنا الطلق ذابحني بس ما خليت أحد يحس بأي شي بعد ما خلصت سويت تنظيف عام لغرفتي وبعدها خذت دوش ولما دخلت الحمام لقيت دم وماي ينزل لكن ما قلت لأي شخص وقلت أنتظر زوجي وأنا الألم راح يقتلني يوم جا زوجي الساعه12 بالليل سألني وقلت له الألم راح يذبحني وينزل ماي ودم قال يللا أجل قلت لا لين ينا مون أهلك أستحي قال لي يللا مجنونه ورضيت وأنا بطلع قالت أم زوحي الوحده مو بس تحس بالألم تروح المستشفى ما تدري إني من الظهر وأنا أعاني قال زوجي لها كل شي طبعا مسكينه خافت قالت يلا بسرعه ودها ووصلت المستشفى وقالوا مفتوح الرحم 7 سم وعلى طول صعدوني غرفة الولاده والألم يزيد والحمدلله إني ما صرخت لأني بس كنت أدعي ربي في قلبي لين ولدت الساعه1 إلا ربع
عذرا للأني طولت عليكم بس الولاده مغامره حلوه

[الحب لك وحدك]

ماشالله عليك ام اولادي
مودي وليه رضيتي لهم الدكتور والطلاب
الدنيا مو فوضى
جود الله يهون عليك وعلى فتاة الميزان


نورتواا صفحتي يالغواااالي

[غموض]

انا موقفي يحزن ويبكي مو يضحك

بس

بحكيكم موقف وانا في غرفه الافاقه عشان جلست طلق من يوم الثلاثاء الى يوم الخميس
وحالتي حاله >>النفسيه معدومه والجسميه تعبانه وكله في كله

المهم
جت وحده جنبي دوبها ولدت
ضحكتني وبكتني

اول مادخلت شفتها
تقول اااااااااااااااااااااه وتصررررررررررررررخ بقوه وتتالم


خفت وكنت ابكي

شويه

قالت الله يلعنكم وحده وحده وهيا تصرخ >>انا بدأت عندي حاله ضحك
وشويه تقول
لعنه الله لعنه الله
الخياطه يوووووووووووووه يالخياطه
ليه ماسويتو ليا قيصريه الله يلعنكم

وقالت قولو للي جنبي تولد قيصري
الله يلعن والديكم

وانا مرررررررره عندي ضحك من كلامها

واللي خلاني اضحك من جد تقول استشورو ارجولي
جيبو استشوار والسسترات يقولو اش بيجيب الاستشوار هنا
وهيا مصره وتصرخ

وامها دخلت صرخت في امها تقول ليه ماقلتيلي انها صعبه
ليه كذبتي عليا انو الولاده سهله؟؟

والله حزنت عليها وبكيت وكمان ضحكت


اما انا عن مواقف صارت لي
مافيه ولاموقف

[طال العنا]

حياكن الله خواتي

انا نزل مني مويا الجنين وماحسيت بالطلق ولما رحت قالوا الرحم مانفتح لازم طلق صناعي عطوني تحميله ومااستجاب الرحم بعدين عطوني ابرة طلق

بعدها جلست ساعتين وانا احس بالم خفيف قلت الله وعلم بولد قريب

هذا ولله الحمد بفضل دعاي ان ربي يهون علي الولاده وتكون اسهل مايكون
واكيد عشاني اكلت رطب زي مريم عليها ابسلام

الحمدلله
وماراح اقول لاحد ان ولادتي بها السهوله عشان العين

وبعد ساعه واشوف الموت الاحمر ويلي ويلي ويلي

وانزل من السرير واقول عطوني عباتي ابي امشي خلاص هونت مابي اولد

الاويصرخوا فيني وسدح على السرير وتبدا المعاناه من 8ليلا ل6الصبح

وصفارات الانذار من غرفتي والصياح والتشهد كاني بساحه الحرب وبعد كل طلقه وثاني انادي باعلى صوت


انجدتني يارحيم
يارحيم

وبعد كل هالالم جاني دكتور مصري وقالي انتي ماتدفعيش صح
وانا اصرخ عليه

قالي اخرصي

قلت اخرص انت الله لا يرحمك

بس بصراحه تجربه مبكيه مضحكه
لكن بولادتي الجايه باذن الله ماراح اصرخو بصبر باذن الله

[فقيرة وأرجيه]

هههههههههههه ياحلاة سوالفكم ..........
أنا في بكري نزل معي ماي ولا حسّيت بشي ولما رحت المستشفى دخّلوني غرفة الملاحظة وطق سوالف مع الممرضة واسمع اللي حولي يتألمون شكلهم 7سم و6سم ....أقول يالله .... انا الحمد لله صبورة مثل امي ...
شوي والا اسمع الأذان ... قلت للممرضة ابيغى الباث توضيت وطلعت قلت لها وين القبلة؟؟؟؟؟؟؟ خوش بنت بغرفة الولادة وتدوّر القبلة !! فتحت فمها قالت .. نعممممممم؟؟!!! ليش إنتا مافي دم ؟ قلت .. لا ...
المهم اصلي وأدق حنك معها سوالف ...... شكل المره ملّت ودقت عالطبيبة . جت وكشفت علي وقالت .. تحسين بألم قلت .. لا الحمد لله ... ياااااااااعيني عليّ بس ..
قالت تبين تجلسين هنا والا تروحين تنويم ليمن يشتد الألم ...؟؟؟؟؟؟؟؟
قلت لا والله أبجلس هنا >>>> على بالي منتزه مادريت الا والضحكة الجماعية من الطبيبة والممرضات ..... قالوا لا مدام تنويم ...
ويقرّبون الكرسي .. تفضّلي مدام . قلت .. لا عادي أبروح مشي >>>>>>> أم الولاده بس ...
المهم رحت تنويم .. نمت وقمت وماحولي شي .. كشفوا علي وتصرخ ذيك الصرخه ولادة يلّه على غرفة الولادة وانا ماأحس بشي .. رحت الحمّام وجيت لاوبروح معهم مشي بعد >>> أم التواضع بس ...
المهم سدحوني وحطّوا المغذي ويغرزون فيه ذيك الإبيرة وأنا اوزع ابتسامات ....... وش علي صبور طالعة على امي ..
قالت يلّه ارفعوا الثوب وتطالع ولا ّ ملابسي علي >> ماشاء الله ع الستر بس ...
ضحكت الممرضة وقالت .. استغـــــــــــــــــــفر الله .. ملابس في غرفة ولادة ويطيح وجهي ...... شوي ولاّ الموت جاني طلعت ذيك الإبرة طلق صناعي >>>>>>> وعلّمني معنى الصبر والتواضع اللي شايفة نفسي فيهم .....وسلامتكم ..

[ღ°•√ غ ـيرٍ البشرٍ√•°ღ]

لسسسسسسسه بكريه بالشهر الشابع و ماجربت الولادهـ>>> خايفه
وان صار لي موقف طريف علمتكم