مواليد<<شهر ربيع الثاني♂ ♀ فبراير (1435,2014)

[امنيه 28]

صباحكم ورد
بنات
وش الحل مع القولون
يارب رحمتك
البارح اتعبني مره وعجزت انام واكلت مسكنات مافيه فايده
من تعرف مسكن زين وآمن للحامل
الدكتورات ماعندهم الا ادول :(
استغفر الله البارح ماغمضت عيني من هالقولون وندمت اني تعشيت لو اكلت خبز وجبن ارحم لي

[امنيه 28]

جريحه ماتشوفين شر يارب
اشربي منقوع الليمون الاسود ممتاز للاستفراغ
الله يشفيك ويشفيني وكل حامل تعبانه يااااارب :(

[ندووش]

صباح الخير

كيفكم

[ندووش]

امنيه سلامتك ما تشوفين شر شوفي عليك بالنعناع مره مفيد للبطن
و مرررررررره ابعدى عن الفول و الطعميه نهائيا و اكيد اى شي حار

جريحه سلامتك ما تشوفي شر و قدامك العافيه

[ندووش]

غريبه وين احساس مختفيه ؟

ان شاءالله انك طيبه

[يغار الحلى]

صبااحكم ورد حبيبااتي

قدامكم العااافيه امنيه و جريحه

جريحه اكيد هاذا برد الله يعينك ..

امنيه جربت من ردتاغ لبنتي والله غسيل و لبس الى اﻵن ماشاءالله مافيها شي

بستخدم بعضها لنونو الجديد بإذن الله .. انا احب عنده البناطيل تجي حلوه ع الجسم

ضيقه ماسكه تعرفي اطفال ماعندهم اجسام ههههههه حقت سنتر بوينت كبيره تجي ..

[احساس طفوله]

هلا بنات اخباركم ندوش حبيبتي مانفقدين غالي مو جوده بس انشغلت صاحباتي 2 جابو بنات ورحت لهم بس زين رحت لهم وارتحت كنت كل يوم اجلها؛؛؛؛؛
وفاء انثى ياحياتي ضحكتيني بس حلو عرفتينا عليكي وان شاءلله تعرفين نوع جنينك وترتاحين
جريحه يمكن برد مثل ماقالو لك البنات دفي نفسك زين البرد بدا يدخل ؛؛؛؛؛؛
امنيه الله يعينك ع القالون متعب زوجي كذا ولله اغلب اكله مسلوق يقول اريح لي انتي لاتاكلين الي فيه ابهارات كثير يالله مابقى شي الله يتمم لنا ع خير ؛؛؛؛؛؛؛ يغار بجرب ردتاغ ماقد اخذت منه بس انا بابدا قضي من الشهر الجاي ان شاءلله ؛؛؛؛؛
عشرينيه مختفيه ان شاءلله تكون بخير

[جريحة المحبه]

امنيه. ندووش. يغار. احساس

حبيباتي الشر مايجيكم تسلمون والله الحمدلله اليوم احسن

[جريحة المحبه]

اللهم صيبا نافعا

اااه تجنن ريحه المطر حمدلله يارب

[عشرينية]

مسا الخيرات حبايبي
وربي فقدتكم اكثر من فقدكم لي بس وش اسوي هالاسبوع ضغط اختبارات شهرية
فيني بكية من كثر الضغط
وجسمي فيه خمول مو طبيعي لو ما اقوم نفسي من السرير ماصحيت
لبس النونو ولبسي بشتريها شهر صفر
الحين ابغى اشتري مفرش للسرير ومدسات للنونو وابغى اختار توزيعات للي بيجوني وبشتري طقم قهوة وشاي وابغى طوفريتين للمالح والحلو وااااااااااااااخ بس مدري متى بلحق اسوي كل هذا
على طاري المطر
كل مناطق المملكة امطرت الا الرياض
الله يرزقنا يارب
امنية بخصوص القولون
جيبي زمزمية فيها مويا حارة وحطي فيها نعناع ويانسون وشمر وزنجبيل طازج مبشور وحطيه ع المويا وخليه ربع ساعة وبعدها ابدي اشربيه
طبعا السكر براحتك تحبي تحطي او لا
والله يطلع كل الغازات اللي ببطنك ويريح القولون بشكل
انا كذا مع الحمل احيانا يقوم القولون وماينفع معه الا هالطريقة
صح نسيت اقول لكم رحت صلحت تحليل سكر وبدق بكرا ع المستشفى يعطوني النتيجة
يارب مايكون عندي سكر والله مره خايفة منه