حبيباتى سيدات ليبيا تفضلو لأعرف ما حالكم

[جوهرة ليبيا]

السلام عليكم ورحمه الله وبركاته


نقرا الصفحات ونجيكم

[أثري في مدادي]

من كل بستان زهرة ~~~~

قـــﺎﻝ ﺍﺑﻦ ﺭﺟﺐ ": ﻛﻴﻒ ﻻﺗﺠﺮﻱ ﻟﻠﻤﺆﻣﻦ ﻋﻠﻰ ﻓﺮﺍﻕ ﺭﻣﻀﺎﻥ ﺩﻣﻮﻉ ﻭﻫﻮ ﻻﻳﺪﺭﻱ ﻫﻞ
ﺑﻘﻲ ﻟﻪ ﻓﻲ ﻋﻤﺮﻩ ﺇﻟﻴﻪ ﺭﺟﻮﻉ " ﻟﻄﺎﺋﻒ ﺍﻟﻤﻌﺎﺭﻑ ' 1/217 '

~~~~~~~~~~~~~~~~~~~~~~~~~~~~~~~~~~

قـــﺎﻝ ﺍﻟﺤﺎﻓﻆ ﺍﺑﻦ ﺣﺠﺮ ﺭﺣﻤﻪ ﺍﻟﻠﻪ : " ﺇﻇﻬﺎﺭ ﺍﻟﺴﺮﻭﺭ ﻓﻲ ﺍﻷﻋﻴﺎﺩ ﻣﻦ ﺷﻌﺎﺭ ﺍﻟﺪﻳﻦ "
ﻓﺘﺢ ﺍﻟﺒﺎﺭﻱ

~~~~~~~~~~~~~~~~~~~~~~~~~~~~~~~~~~

ﻗﺎﻝ ﺑﻌﺾ ﺍﻟﺴﻠﻒ : ﻛﻴﻒ ﻳﻔﺮﺡ ﺑﺎﻟﺪﻧﻴﺎ ﻣﻦ ﻳﻮﻣﻪ ﻳﻬﺪﻡ ﺷﻬﺮﻩ ﻭﺷﻬﺮﻩ ﻳﻬﺪﻡ ﺳﻨﺘﻪ
ﻭﺳﻨﺘﻪ ﺗﻬﺪﻡ ﻋﻤﺮﻩ !!! ﻛﻴﻒ ﻳﻔﺮﺡ ﻣﻦ ﻳﻘﻮﺩﻩ ﻋﻤﺮﻩ ﺇﻟﻰ ﺃﺟﻠﻪ ﻭﺗﻘﻮﺩﻩ ﺣﻴﺎﺗﻪ ﺇﻟﻰ
ﻣﻮﺗﻪ !!

~~~~~~~~~~~~~~~~~~~~~~~~~~~~~~~~~~~~

ﻗﺎﻝ ﺍﻟﻌﻼﻣﺔ ﺍﻟﺸﻴﺦ ﻋﺒﺪﺍﻟﻌﺰﻳﺰ ﺑﻦ ﺑﺎﺯ ﺭﺣﻤﻪ ﺍﻟﻠﻪ -: "ﺍﻹﺳﺘﻐﺎﺛﺔ ﺑﺎﻟﻘﺒﻮﺭ ﺷﺮﻙ ﺃﻛﺒﺮ
ﻭﻫﻮ ﺩﻳﻦ ﺃﺑﻲ ﺟﻬﻞ ﻭﺃﺷﺒﺎﻫﻪ ﻣﻦ ﻋﺒﺪﺓ ﺍﻷﻭﺛﺎﻥ " ☑ ﺍﻟﻔﺘﺎﻭﻯ ﺍﻟﺒﺎﺯﻳﺔ ) ٣٢٢/٥ (

[أثري في مدادي]

وعليكم السلام ورحمة الله وبركاته

آنست وشرفت

ولكن..........................................

عيوني بيتغمضوااااااااااااااااااااااااا

ودودي سلامتها نامت
بالك نحصل غفضـــــــــــــــــة

تصبحوا علي خير ~~~~~

السلام عليكم

[جوهرة ليبيا]

تصبحي علي الف خير اثري


ومشكوره كل من حست بيا وواستني وصبرتني

وانا مكتبتش الا لاني اضايقت وبالنسبه للقطه السونيه كانت مقصوده جو انا نافس ولازم ناكل انتي شن دخلك انست اني حامل وممكن تقعد في خاطري

ومستحيل نكتب موقف شاكه فيه او مش مضايقني او مر وفته وماقعدش في خاطري انا كتبت لاني مضايقه بسسس

وانا فضفضت وربي يسامحني ويهدي الجميع

وكش لازم نحكي اكثر وشن صار اليوم لان اصلا ماعندي منقول مصدوووومه ربي يهنيني ونقوم بواجباتي في حوشي ولسلفتي واللي نقدر عليه وبنحتسب الاجر عند ربي وبندير الخير باش ربي يكتبلي الاجر والله والله ماقلت لواحد علي هالشئ الا ليكم

وراجلي اتعاودله امه ومعادش يبيني نمشي الا اندير واجبي ونهدرز سويعتين ونروح

وربي يسرلي حملي وولادتي ويحفظلي بوي وامي وبنوتاتي وراجلي وخواتي حبيباتي وخوتي الاولاد الغالين


اوشي





ولد اختي قاعد عنده طفح في جسمه احممممررررر والحمد لله بطل عياط وحرارته اعتدلت

وبارك الله فيك ياغاليه

[جوهرة ليبيا]

لاباس علي عمتك جنوده وربي يشفيها ويعافيها ياااااارب

[جوهرة ليبيا]

غدوه باذن الله راجلي صابح عمل وبيصيم خايفه عليه لان يتعب من العمل ولابال وهو صايم واول يوم صعب

ربي ايعاونه

وانا الاثنين بنبدا كان قدرت



تصبحوا علي الف الف خيييييييييير

[sosolibya]

السلام عليكم ورحمة الله وبركاته


كيف حالكم اليوم

ذبحنا فروج عربى وتوا على النار مدايرة رز مبوخ بإذن الله
مطيبة حتى لسلافى


منو موجودة

[sosolibya]

شنجو بنات

ربى يهدى جيجي الله غالب الواحد يدير يللى عليه وخلاص


فى حاجة بنحكيهالكم من رمضان وماصارش ماحكيتهاش توا بنحكيها اليوم

[sosolibya]

صديقتى وفى نفس الوقت قريبتنا وقاريين مع بعض

المهم

خذاها ولد عمى وهى تكون أصلا بنت خالته
بشوية بشوية باش ماتتلخبطوش

وولد عمى يللى خذاها خو سلفتى
يعنى هى توا أهل خو سلفتى

المهم وراجلها يللى هو ولد عمنا صديق راجلى هللللللللللبة

وأقترحت على زوجى إن نعزموهم فى رمضان سهرية

بس ماواتاش

وإن شاء الله قررنا غدوة انادوهم عشااء بإذن الله

لأن امتعينى بيروحو قريب الخميس ممكن
إن شاء الله

فقلنا انادوهم قبل مانلهو فى مرواحة امتعينى

ووووووووووووووووو

وتوا درت بسبوسة وصبيتلها عسلها وغطيتها وخليتها لغدوة إن شاء الله

وعاملة فى بالى بندير رشدة إن شاء الله

ونبى ندير كمان بيتزا مليحة و معبية حاجات

وكمان عندى امبطن

وووووووووووو وبوريك

وووووووو نبى ندير هذيكا يللى حطيتلكم طريقتها(عجين حشو عجين)


شنو رايكم



لو فيه أى اقتراحات تفضلوا

وتعرفو مش متضاااااااايقة بكل أو واكلة هم

لأن هما بس يعنى كله عالخفيف شوية شوية يعنى مش حيكيدنى مثلا البيتزا طاجينين الفطيرة طاجين وهكذا

ممكن الرشدة نكثر باش ندز سونية لإمتعينى

[sosolibya]

تعرفو لأنى قبل لما انادى ح أو نعزمو حد يعنى زحمممممممممة

يجو عيالى وأمتعينى
أو نحنا يعنى انادو فيهم
وبعدين باللل يجو الأغلبية فى الحوازة مثلا نساوين عمى وهكى يجو يهدرزو بس المرة هذه لااااااااااااااااااا

ماخاطرى نقول لحد احنا وهما بس ونقول لأمى تجى تهدرز بالليل وبالك أحسنلى نخليلها ريم العشية باش نخدم على راحتى

لأنى كله نبيه طازة إن شاء الله

صح أحسن وله