دردشة حوامل الأحساء- تجمع بنات الأحساء - الحسآويآآت

[دلع الأحساء]

اميره اكييد في ستاير

[وردة الأحساء]

هلا حوامل شلونكم مع التعب ..؟؟

اللي تبي تجهز تلحق على التخفيضات في محل الطفل بالعثيم جنب محل سبلاش بالصراحه أخذت شغلات حلوة أسعارهم بطانيه شتويه بـ44 هذا الشتوي لاني بلحق على الشتا بالولادة وبعدين بيرتفع أسعارهم بالشتا وأما لصيفي على 26 أو 28 والفوط مرة حلوة اشكالهم واسعارهم هم زينه وشنط لأغراض الأطفال مميزين كثير حلوين ... ورضاعات الأطفال أشكل مرة حلوة ومو صناعه صيني ... طبعاً في أشيا غاليه ممكن تأخذينها من محل ثاني ...
واللي يعرف محلات حلوة لمفارش النفاس وراحت شافتهم تعطينا خبر عشان تستفيد بدل الحوسه ..

طيب نجي للمستشفى بنات تنصحونا نولد بمستشفى الولادة والله خايفه وانا بكريه مادري !!!

[اميره باوصافها]

وردة الاحساء...للاسف خلصت تجهيزات ولا شكل اسعارهم حلوه ..مابقي غير البانيو واغراض السباحه
وعن المستشفى ياليت يفيدونا اكثر واكثررررر

[ام اسكندر]

بنات شاركونا بالتصويت للمشاركات

هنا الموضوع الاول

http://forum.hwaml.com/t133297.html

وهنا الموضوع الثاني

http://forum.hwaml.com/t133302.html

طريقة التصويت عبر الاستطلاع الموجود اعلى الصفحة

[دلع الأحساء]

ورده وناسه شكل الاسعار خيال بس انا توني برابع وماعرفت وشو في بطني ولا ولدتي راح تكون في الشتا

[شوووق1]

بنات انا توني فالشهر الاول
ومن يومين نزل علي نزيف رحت للمستشفى سووا لي سونار
بس الدكتورة ماشافت كيس ولاجنين !! شلوووون
هل طبيعي انو مايبان في الشهر الاول
اللي سمعته ان ممكن يكون كيس بدون جنين
بس انا لاكيس ولاجنين >>مع انه فالتحاليل حامل
متوترة حددددي وخايفة
من صار له زي كذا وبعدين بان الكيس

طبعا هم الحين سوو لي تحاليل هرمون بس ابي اتطمن شوي على ماتطلع النتيجة
خااايفة انا حملت ثلاث مرات قبل كذا بس اول مرة تصير لي هالسالفة واول مرة اتوتر بهالشكل :(

[دلع الأحساء]

شوق توك شهر يعني صغير حملك بس غريبه كيس الحمل المفروض يبان ع الثلاثاساببع بس الجنين مايبان بسرعه
اذا الهرمون رتفع بسرعه وفي حمل وفي نزيف ولا كيس ولا جنين مبين يعني خارج الرحم لا سمح الله

[شوووق1]

تسلمين دلع الاحساء عالرد
اليوم رحت المستشفى واخذت نتيجة تحليل الهرمون
قال الدكتور النسبة نزلت حيييل معناتها الجنين نزل
وعمل لي تصوير واشعة عشان يتاكدون
بس الحمد لله اني مااحتجت عملية تنظيف وان شاء الله ماراح احتاجها
بس عطوني علاج عشان ينزل البقايا
والحمد لله على كل حال
الله يعوضني بس مو الحين
ابي ارتاح:(

[دلع الأحساء]

الله يعوضك يارب ويفرحك بشوفت بيبي

[أم النجلاء333]

مرحبا حبيباتي
اخباركن طيبين ان شاءالله
الله يعوضك خير شوووق
انا في شهر 4 هجري ماتأخرت الدوره بس حسيت بتعب ودوخه ورحت سويت تحليل حمل المنزلي وطلع حامل
ورحت للدكتوره واعملت سونار طلع مافي كيس ولا شي وقالت حتى جدار الرحم مو ثخين يعني غريبه يطلع لك موجب ولا فيه كيس وسويت تحليل حمل وتاخرت النتيجه ويوم طلعت مكتوب فيها wake positiv
انا قريتها قلت يعني حامل ويوم شافتها الدكتوره قالت هذا حمل ضعيف وراح تنزل عليك الدوره بعد ثلاث ايام او انه حمل متأخر بس اللي صار انو حمل ضعيف ونزلت الدوره معي وقالت استمر على حمض الفوليك والحمدالله حملت بعد هذي الدوره والله يتمم على خير يارب