ياااريت بنات جده يتفضلووو...

[:::..خجل..:::]

المشاركة الأصلية كتبت بواسطة أم عوآطف

والله ياقلبوا انا زوجة اخوي ولدت فيها قبل كم سنه

المستشفآ كويسه .. بس ما اعرف عن دكتورتك

..

اانا زيك بالسادس وع التأمين برضو بس اخترت اولد بالسعودي الالماني

مع دكتورة اميرة ومرتاحه ومجربه المستشفى من اخواتي كلهم يحبون يولدون فيها

وبس

والله يسهل علينا وعليك وعلى كل حامل يارب

تسلمي حبيبتي على مرورك، السعودي الألماني كان من ضمن اختياراتي..بس الأطباء اقرب لأهلي في جده لااني الحين مقيمه في الرياض عشان كذا حبيت اسأعلى الكويس ولأقرب,
اذا انتي مرتاحه للسعودي الألماني الله يكتب لك الي فيه الخير
ويسهل عليكي وعلى كل الحوامل يــارب, اشكرلك ردك واهتمامك..

[حنيني]

والله ياعمري بنت عمتي ولدت في الاطبااء ومره تمدحه وارتاحت معاهم

ولدت عند الكتوره ريم محلي

[:::..خجل..:::]

يالله يــــاابنات جده ابغى تجارب اكثر بليز..!

[ام احلى بنيه]

هلا اختي خجل

انا بقولك عن تجربتي ببنتي رحت للاطباء المتحدون بعد ماعديت الشهر التاسع وكان الطلق بارد حطوني بغرفه والجهاز حق الطلق على بطني والممرضات اناديهم مايردون علي الا متاخرين واحيانا يطنشون كنت خايفه عشاني بكريه ولا ادري هي ولاده والا لا الرحم فاتح سانتي ونص والمغص خفيف بعدين جتني الدكتوره وسألتها ولاده قالت لي انتظري للفجر قمت اخذت بعضي ومشيت

لان ماعجبتني معاملتهم نهائي وانا عندي المعامله اهم من الخبره رجعت البيت ودخلت النت واشوف اي مشتشفى يمدحونه اكثر استخرت ورحت لمستشفى جده الوطني الجديد الفجر جتني دكتوره هنديه وسوت لي كشف لقت فاتح ثلاثه سانتي لان طول الليل كنت امشي بس الطلق خفيف قالتلي ولاده واخذتني فوق وقالتلي اختاري الغرفه بس وقتها كنت خايفه مرره مع اني ماني حاسه بالم قلت المهم ابي اولد مو مهم الغرفه واخذتني على غرفة الطلق وكانت معاي امي وزوجي حطت لي مغذي والظاهر حطت طلق صناعي لان فجأه انكبت موية الراس وصار الالم يجيني ويروح كل ربع ساعه يجي ويروح وكانو الممرضات طول الوقت يطبطبون علي ومعاملتهم مره كويسه وهي تروح وتجي كل نص ساعه لحد مافتح الرحم سته سانتي جلست عندي لحد مانفتح ثمانيه سانتي واخذتني على غرفة الوضع ونقلوني من السرير واعطتني ابره بفخذي مادري ايش هي للحين عاد جت دكتوره ثانيه مصريه الله يذكرها بالخير قبل طلعة الراس بدقايق ماطولت بس قالتلي مرتين ادفعي والحمدلله ولدت ماحسيت بطلعة الراس ولا الخياطه وخياطتها مرره حلوه ماشاءالله

والحين بنتي عمرها سنه وثمانيه شهور وحامل بالشهر الساسبع ورحت للمستشفى وسالت عن الدكتوره قالولي كل القديمات سافرو بس حصلت وحده مصريه شكلها طيبه وان شاء الله تكون زي اللي قبلها وشكلها تعرف شغلها كويس طول الوقت تطمني وتهون علي ومثل ماقلتلك انا ارتحت لهم كثير لان معاملتهم مره ممتازه

عموما الولاده كلها تساهيل من ربي واهم شي الالحاح بالدعاء كل ماصليتي وكثري صدقه بنية انها تتسهل لك باذن الله

وربي يسهلها علي وعليك وعلى كل حامل ويرزق كل محرومه

تقبلي مروري

[bano]

الله يخترلك الخير انا سمعت ناس مدحوا وناي ذموا وكله تساهيل من رب العالمين

[:::..خجل..:::]

ام احلى بنيه:
تسلمي حبيبتي على الرد اسعدني مررورك واهتامكــ والحمدلله انو عدة على خير
والله يسهل عليكي وعلى جميع الحوامل ونولد طبيعي وكل شي بأجره ان شاءلله
عطرتي صفحتي...
bano
تسلمي حبيبتي والله يكتب الخير للجميع ان شاءلله اكيد الناس تختلف في الأراء لا شك في ذالك,بس مو غلط الواحد يساءل ويستشير,بس مثل ماقلت لك التساهيل بالأول والأخير، بيد رب العالمين والحمدلله على كل حاال،
يسلمو حبيبتي على الرد الجميل..

[lilia omar]

حبيبتي انا اراجع عند دكتور يوسف ابراهيم في الاطباء ممتاااز مررررررره وشاطر ومريح
وقبلها بنات خالتي ولدو عنده عشان كذا انا اروحله والحمدلله للحين مرتاحه

[:::..خجل..:::]

مرحبا حبيبتي الله يتمم لك على خيـــــر يارب وتولدي بالسلامه وتفرحي بالبيبي,
يعني انتي مرتاحه في المستشفى,من ناحية مواعيدهم وكل شي يخص المكان؟
وشاكره ردكـ واهتمامك عطرتي صفحتي..

[:::..خجل..:::]

مشكروه حبيبتي على مرورك واهتمامك..اخت حنيني..
طيب بنت عمتك مدحت في الدكتوره تبعها ؟ريم محلي؟ ويوم جاء موعد ولادتها جات ولا لازم يكون وقت دوامها؟ وكيف قالت عن الخياطه تبعهاا واسفه قلبي كثرت عليكي بألأسئله ...

[:::..خجل..:::]

طيب وين البااااقي حووامل معقوله مااحد له تجربه شخصيه معى الدكتوره فااطمه النمرررر مو معقوووووله بليز ابغى تفااعل حووامل الله يجزاكم الجنه....!!