رحلتي مع الحمل

[جنون الحب]

لا حول ولاقوة الا بالله فيه ناس بهالسوء الله لايحطنا تحت رحمتهم
رحمة الله اوسع وربي يسهل على كل حامل
ننتظر التكمله

[خيال الارض]

أهلا فيكي اختي .و...و ربنا يعوضك على بنتك.....و يعوضني على طفلي...و يجمعنا معهم في الجنة ان شاء الله
بس يالي حكيتيه عن المستشفى احنا في بلدنا كثييير عادي...لا يرحمو حدى.... ربنا ينتقم منهم
ننتظر التكملة..... ان شا الله تكوني ولدت بخير وسلامة

[اسيا امل]

السلام عليكم .اختي خيال الارض باذن الله راح يعوضك ربنا.اكمل الحكاية بدا الوجع يجيني خفيف ويادوبني احس فيه وكل نص ساعة يجي الدكتور والطبيبة يشوفوني وعلى الساعة 2 بعد الزوال كان الرحم مفتوح 2سم فقط وبدا الوجع يزيد وانا استحمل واقرا قران .بس الرحم مابدو يفتح فقررت الطبيبة تنزل المية عشان يفتح وكان ذلك على الساعة
4 والله تعبت كتير وبعد ساعة فتح الرحم 5سم وزاد الوجع والشيئ اللي يصبرني هو سماع نبضات قلب بنتي وعلى الساعة 8 انصدمت الطبيبة لما كشفت عليا والسبب انو الرحم تسكر ل3سم واجا الدكتوروكتشفو انو السبب كان في خياطة المشفى الاول اللي كانت زي الزفت واللي ماخلت عنق الرحم يتمدد فقررو ان يعملولي كا نص ساعة توسيع

[اسيا امل]

السلام عليكم انا اسفة على الاطالة.المهم صارو يعملولي توسيع وعلى الساعة 23ونصف كان الرحم مفتوح 7 ونص والدكتور مارضى يستنى كتير وخاف عليا وعلبيبي كمان هو عرف انو مارح يفتح اكثر وقررو انهم يحاولو يولدوني مع انة ماكنت احس بالبيبي يدفع وخدوني على غرفة العمليات صدقوني يا جماعة الطبيبة تولدني وواحدة ماسكة راسي واحدة ماسكة ايدي وواحدة تعملي مساج على بطني واثنين كانو يستنو معاهم لحتى يدخلو .الدكتور مادخل قال اذا صار شيئ بيدخل. المهم بدات الطبيبة تقولي ادفعي وانا ادفع والوجع دابحني وهنن يشجعوني دفعت لدرجة اني ماصرت اقدر والبيبي مارضى يخرج فجاة توقف النبض والكل انصدمو وانا بديت ادعي واقول اللهم اني لااسالك رد القضاء ولكن اسالك اللطف فيه وصارت الطبيبة تدور بالجهاز على بطني وسمعنا دق القلب الحمد لله البيبي نزل. بهذيك اللحظة حسيت بدفع البيبي وقامت الطبيبة بفتح الخياطة الاولى وخرجت بنتي الحمد لله وجاتني نوبة بكاء شديدة وانا اشكر ربي وسمعت بكاء البنوتة .بعدين خرجولي المشيمة بكل سهولة وبدون دفع وخيطتني احلى خياطة مع التخدير مو مثل المرة الاولى بالمشفى بعدين نظفوني وغيرولي ثيابي وودوني على السرير وكانت الساعة 1 وجابولي اتعشى وقضيت عل الاخضر واليابس........تابعوني مازالت مفاجاة .انا ولدت ب 25 فيفري 2016 وبنتي قاعدة هلا معي يومين وتدخل بالتاسع هي كثير عاقلة ماتعدبت معاها ابدا ماشاء الله والحمد لله راح اكمل بعدين تصبحو على خير

[اسيا امل]

انا بعد موت بنتي الولى ماحملت الا بعد 14 شهر يعني لحتى حبست العلاج واللي بدها تعرف ايش سويت لحتى رزقني ربي تقول والله مارح ابخل عليكم وراح اخبركم طريقتي

[حلم وردي 85]

الله يجعل بنتك طير ب الجنه ويعوضك بااختها

وين كانت ولادتك الاولى هذولي شكوى ع الاهمال اللي صار

[ردينة عمرو]

حسبيا الله ونعم الوكيل .. ربي يجعل بنتك شفيعة لكم بالآخرة
والحمد لله الله عوضكم فالدنيا .. الله يحفظ بنوتتكم ويرزقكم برها وطاعتها وتشوفوها مثل ماتتمنو ..

[سعاده الروح]

الحمد لله ع كل حال أنا مريت بنفس ظروفك وخسرت أبني بس الحمد لله
عندي هلا ولد وبنت الله جبر خاطري فيهم بعد معانات
ربي يحفظ اطفالنه

[ماريا ماريا]

حبيبتي بجد قصة بدآيتهآ مؤثرة وصعبة كتير ربنا اعانك واخرها ربنا عوضك الحمدلله رب العالمين ربنا يسعدك وتشوفيها من الصالحات
احكيلنا شو عملتي لحتى نعمل متلك وربنا يرزقنآ يآآآآ رب

[غربة وحنين]

حبيبتي
دمعت عيوني من قصتك
يا الله معقول في ناس بهالقسوة وعدم الرحمة هاي
للازم كنتي رفعتي شكوة ليهم وع ممرضاتهم ولازم كان زوجك بهدل اكبر واحد فيهم حياة الناس مو لعبة وانتي بتدفعيلهم فلوس مقابل خدماتهم شو هاد ب اي زمن احنا
حسبي الله بقليلين الضمير
الحمدلله ربنا عوض صبرك خير ويخليلك بنوتك الحلوة ويرزقك كمان وكمان
بس يا ريت تحكيلنا شو الي عملتي خلينا نستفيد كمان