ترجيع الاجنه ..طمنوني

[حلمي أحمل]

اختي أم ان شاء الله ماقصررررررررت نفس كلامها
يارب تنجح عمليتك وتبشررررررررينا بحملك آمين

[أم إن شاء الله]

ياعمري ارتاحي حيل هالأسبوعين والأكل لاتأكلي كثير ساخن لأ كلي دافئ

حافظي على أجنتك ولاتتعبي ولاتتطلعي درج وتنزلي خليكي منسدحة على ظهرك معليش كله عشان نفرح معك وكل هذا هو أخذ بالأسباب بعد الله سبحانه وتعالى وربي يحفظهم ان شاء الله

يالغلا لاتنسيني تبشريني ان شاء الله يارب ومهمتي أنا أدعيلك وربي يستجيب دعوآاتنا

[بسمة بلبل]

تسلمي ياام ان شاءالله فعلا من امس وانا نايمه على ظهري مااتحرك الاللصلاة او حركه عاديه حتى شغل البيت سبته وطبعا الخرجه مستحيل اخرج من بيتي لاني في الدور 3 ومافي اصنصير ......دعواتك ياقمر

[jroo7]

الله يثبتهم يارب وتشوفينهم جدامج

الدكتورة تقول بعد الارجاع الراحه التامه والنوم على الظهر لمده 3 ايام ويفضل اسبوع
والابتعاد عن المنبهات ( القهوه والشاي والمشروبات الغازية بكل انواعها والتدخين والكحول )
عدم سياقة السيارة لمده 24 ساعه

تجنب الرياضات الثقيله والسباحة

والابتعاد عن الاتصال الجنسي

عدم صعود ونزول السلالم


والله يثبت اجنتج ان شاء الله ياختي وديري بالج عليهم وحافظي على نفسج نامي على ظهرج وشوي شوي فالقومه والقعده

انا احتمال بكره يرجعولي الاجنه بس بعدهم ماكلموني وانا انتظرهم ابي اعرف كم جنين اتكون

وان شاء الله تبشرينا بالاخبار الحلوة

اختك
جروح

[بسمة بلبل]

مشكوره اختي جروح الله يتملك على خير وتحملي لاتنسي اثناء الترجيع تذكري الله وتقولي اللهم استودعتك اجنتي يامن لاتضيع لديه الودائع اللهم احفظهم واحمهم من اعين الانس والجن ,,,,اللهم امسك مافي رحمي واتمم له على خير

[حليمة احمد]

اختي بسمة بلبل الله يوفقك ويرزقك ماتتمني ابغى استفسر منك أنا اراجع الدكتورة فاطمة العتيبي بمستشفى الدكتور سليمان فقيه واليوم هو اليوم الثاني من الابرة التفجير الي اخدها وأنا متخوفة من عملية السحب ابغى افهم الطريقة ابي اطمن لان الدكتورة مرة وقتها زحمة ماتقدري تستفسري منها........ومن الخوف ابي اوقف الموضوع وما استمر

[بسمة بلبل]

أختي حليمه توكلي على الله ولاتوقفي خساره عديتي مراحل مابقي الا القليل ترى كنت زيك خايفه ويوم العمليه رجولي تنتفض لكن الحمدلله عدت على خير ..زوجي دخل معايا وقاعد عند راسي واعطوني بنج كامل ماحسيت بشي صحيت لقيت نفسي على السرير واعطوني مسكنات ودوا غثيان والحمدلله مااحتجت لدوا الغثيان وبعد العمليه حسيت بمغص ولما اخذت المسكنات يروح...وبعد يومين دقوا عليا عشان الترجيع وعمليه الترجيع اسهل بكثير كلها دقيقتين بدون بنج وماحسيت بشي
الله يسهل لك حبيبتي قوي قلبك وان شاءالله نحمل ونرتاح من العلاجات

[ألم الجراح]

بسمة بلبل كيفك مع الترجيع
ان شاء الله مريحة نفسك ولا تتحركي
كثري من شرب الماء واكل السفرجل لانهم يثبتون الاجنة
الله يتمم عليك بخير وتبشرينا بحملك

[بسمة بلبل]

ألم الجراح تسلمي ياعسل الحمدلله بخير انا في اليوم7من الترجيع ومااحس بشي احيانا يجي مغص في اليمين واحيانا في اليسار لكن مريحه نفسي ومااخرج واشرب مويه كثير لكن السفرجل مااعرفه ......وربنا كريم

[ألم الجراح]

السفرجل فاكهة تشبه الكمثرى لكنها خشنة تحصلينها عند الخضار