دردشة بنات فلسطين, دردشة حوامل فلسطين, تجمع بنات فلسطين

[حلا الماس]

صباحووووووو ..

صباحك سكر لولو ... نشيطة ما شاء الله

كيف صبختي اليوم ؟؟

[لولو الفلسطينية]

ههههه هلا و الله
الله يسعد صباحك حلا
انا الحمد لله مشتاقتلك هههه صارلي 8 ساعات ما سمعت اخبارك ههههه
انتي كيفك ؟ شو اليوم دوام المدارس عادي و الا برضو اضراب و ما راحو ولادك ؟؟

[Heba T]

صباح الخير :)

[حلا الماس]

هلا فيكي حبيبتي ..

اه من زمان ما سمعت اخبارك هههههههههههه ... وانا كمان اشتقتلك ولكل الصبايا وخصوصي الي الهم كم يوم ما دخلوا

لا اليوم السبت ما بنتي .. عطلة اليوم

وهيهم بناتي جنبي اصلا صحيت عال7 ونص ليقتهم صاحيين :(

نفسي انام بس خلص ما عرفت منهم

[حلا الماس]

صبااااااااااااااااااااااح الورد يا هبة

كيف صبحتي اليوم ؟؟؟ خف الزكام والرشح ولا كيف ؟؟

[Heba T]

زاد الرشح كتيييير ، هلأ صار عندي وجع ببطني قمت ع صلاة الصبح عنجد حموت من الوجع
مبارح اخدت ليمون و برتقال و شوربة عدس و اش ما بدك ، مش عارفة اش اعمل اكتر
كل اشي الا ما ياخد وقتو

[حلا الماس]

سلامتك الف سلامة عليكي ..

ديري بالك كتييير عحالك .. وروحي عالدكتور خليه يعطيكي دوا

لانو المرض مع بداية الحمل مش منيح .. وربي يشفيكي ويثبتلك حملك يا رب

[لولو الفلسطينية]

حلا هههه و الله نسيت انو اليوم السبت ..... تركيزي صاير صفر ما تواخديني ههههه
هبة اهلين يا حلوة سلامتك الف سلامة ما تشوفي شر
احسن شي تروحي عالدكتور ممكن فيه مضادات حيوية خفيفة و ما بتأثر على الجنين
و الوجع يلي في بطنك ازا بشبه وجع الدورة بس خفيف يعني طبيعي ما تخافي
ربنا يطمن قلبك و يثبت حملك و يتمملك على خير

[حلا الماس]

قولولي شو بدكم تطبخوا اليوم ؟؟

والله محتارة ومش عارفة

بفكر اعمل مجدرة .. بس يوم ما اعملها ولادي ما بياكلوا لانهم ما بيحبوها وبيحردوا عن الاكل

اعطوني افكار ..

[لولو الفلسطينية]

اليوم ما بدي اطبخ حماتي رح تطبخ النا و الهم بس ما بعرف شو بدها تعمللنا
حلا اعملي معكرونة اسهل شي ههههه