تجمع اللي بيولدون في شهر ذو الحجه

[GhoOosha]

دادو ..الف سلامه عليكي يارب وما تشوفي شر ابد ..وربي يجعلها ساعه سهله ومريحه وتخرجي انتي والنونو بصحه وعافيه

ياارب تكفينا شر الغفله يارب وتحفظلنا اطفالنا

عسله...انا اليوم اشتريت اشياء المستشفى وملابس النفاس..بصراحه انا ما احب الجلابيات والارواب الا اذا كان طقم ستان ..اخد بيجامات ستان وقطن واحد روب طويل للمستشفى والله يكرمك سليبر وشراريب لانو وقتها ترا يكون في هوا بارد بالذات الرياض هنا بارده في الحج

اجوان..مين سمعك انا اخدت صبغه ومشقر جسم واشتريت كم فستان قصير لبعد الولاده..لانو زوجي يكره منظر الارواب والبيجامات فلازم النيولوك على طووول

[حبيبة موني]

يااااربي يابنااات نمت وصحيت افكر في دااادو ،، الله يقومها بالسلامه ،، سرت كل ماجاني الم اقول يالهووووي خلاص ولاده خخخخخ

انا اول امس روحت المستشفى وادتني الدكتوره حبوب متلتله عشان ماكنت اخذ الحديد والكالسيوم واخدت مني تحاليل بس الحمدلله تحليل السكر طلع مزبوط والمراجعه حتسير كل اسبوعين ،، ومقهوووره ماسوت لي سونار قالتلي بعد اسبوعين :( ،، بسوي سونار رباعي بس خايفه انفجع من شكل النونو لانو شفت صور للرباعي يخوفو والله

[عسله]

صباح الخير ياكروشات
كيفكم؟؟

GhoOosha

ماشالله لبس العافيه

بس مافهمت عليكي مشقر الجسم ؟!!

والله دادو شاغله تفكيري الله يقومها بالسلامة هيا والبيبي

[قلبيــ مدينهــ]

dado ظمنينا ان شاء الله عدت الأزمـــــــــــــــــــة !!!

[حبيبة موني]

صبااااااااحوووو اشطه عسله


كيف النوووونو ؟؟؟؟

[عسله]

حبيبة موني
هلا قلبو
ليسا ماما تسألني كيف النونو
أقولها ماادري خليها ع رب العالمين

افكر اروح لممرخه تعدل وضع البيبي
والله لمن أحط يدي ع راسه ااااه ياقلبي يوجعني عليه
نفسي اقدر اديه بوسه ههههههه

[حبيبة موني]

عسله هههههههههههههههه

كيف تحسي انو راسو انا ماعرف فين يدو من رجولو من خشمو ماحس شي وبطني مرررره صغير مدري كييييف

[حبيبة موني]

ياشيخه اتوكلي على ربنا وان شاء الله يقلب في التاسع

[اجوان]

ghoosha,,
تصدقي ذكرتيني اشتري سليبر الله يذكرك الشهاده ,,والله كل مااقول خلصت يطلع لي شي من تحت الارض..

عسله,,
ترى في دكاتره يقلب البيبي وهوا في بطن امو انا خالتي طفلها كان معترض جا الدكتور حركلها بطنهاا بايدو الين قلبو يعني شوفي دكتورك اذا يعملها بس طبعا مو دحين لا اذا قربت الولاده ولاتخلي الممرخه تحوسك مايعرفوا هدول..



حبيبة موني,,
والله انا زيك بطني صغيييره مره بنت خالتي جتني الاسبوع الماضي وتشوفني وانا جالسه تقولي والله وانتي جالسه شكلك ابدا مو حامل ,, ماعرف ايش قصة بطني هدي ليش ماتكبر بس ماشالله فيها حقها فيني ثقل كانو بطني اكبر بطن في الدنياهههههه



بنات امس كنت في مجمع العرب اشتري بجامتين من لاسنزا وبعدين طلعنا المطاعم نتعشا وطحت لي على محل روووووووووووووووووعه حق اطفال واكثر شي مواليد اسمو كارتيز هوا امريكي ويقول مافي بجده الا هدا الفرع ,,بصراحه مع اني مشتريه ومخلصه بس ماقدرت اقاوم واشتريت ثلاث قطع للنونه..

طبعا هما قطعتين بس زوجي عجبتو قطعه ولونها مره مو حلو والا اخدها وانا مو مقتنعه بعدين حسيت انكسر خاطرو قتلو طيب يلا جيييييييييبهااااا وبعدين لمن طلعنا من المحل قال مره ثانيه اذا بغيت اشتري شي ماراح اخدك معي انتي ماتعرفي تختاري ههههههههههههههههههه
والله العظيم هوا اللي مايعرف يختار دايم يجلس يلقط لي اشياء عجيبه بس لا مانكسر بخاطرو اصلا هو اللي راح يدفع هههههههه
بس لمن رجعت البيت لقيت رحيتهم زي المبيد الحشري وقلت لازم اغسلهم كيف اغسلهم بمويه وصابون عادي ولا ايش؟؟؟؟؟؟

مامات اشوف ناس ينزل من صدرهم حليب انا اجلس اضغط فيه ماينزل حاجه هههههههههههه ايش السالفه؟؟؟

[Dado]

ماكان قصدي اخوفكم ولا حاجه الله يتمملك على خير يارب ياكريم
انا الحمدلله ولدت وجاني ايمن واخيرا بس ماحيرجع معايا البيت لازم يكمل بالحضانه شهرين
ولو تحسن قبل ممكن يطلع
الحمدلله كنت خايفه من مشكلة التنفس بس قالولي انو بدايه كويسه انو بس حاطينلو انبوب مو جهاز يساعدو عالتنفس، لأن بالعاده يحطوهم على جهاز تنفس للي يولدو هالسن

وحجمو كمان كويس مع اني اشوفو مررره صغير بس قللي الدكتور بالعكس حجمو كويس بالنسبه لعمرو دايما يجو اصغر من كدا

بكره حيشلو عنو الانبوب ويحطو واحد اصغر عشان يتنفس لحالو بس لو مامشي الحال
حيرجعوه للاول

باقي الاشيا حيقولي عنها اول باول وهدا الشي اللي يوتر
حقعد قلقااانه لحد ماتمر الفتره

دعيتلكم وانا بولد ربي يسهل عليكم
الولاده مع الابره كانت ولا اسهل الحمدلله
قعدت اعاني من الطلق 4 ساعات وكل ساعه العن من اللي قبلها لحد ماقلت خلاص هاتو الابره والحمدلله ولدت طبيعي ولاحسيت بشي

دعواتكم لولدي بأتم الصحه والعافيه والله قلبي يتقطع لما اسمع بالغرف اللي جمبي صوت البيبهات
وانا ماعندي احد والله حتى ماشفتو غير من بعيد لما نزلوه وقعدو ينعشو فيه
بس زوجي جبلي الصور وحاسه ماني قادره انزل اشوفو

الله يخليكم ادعولو وخلو امهاتكم يدعولو
بكدب على امي بقلها كويس مافيه الا العافيه عشان خايفه تقلق وانا بغربه ولحالي

ربي يسهل عليكم ويرزقكم يااااااارب اطفال اصحاااء كاملين الخلقه ياكريم