دردشة حوامل مصر - دردشة بنات مصر - تجمع حوامل مصر

[somia]

يا بنتي بسألها وتقولي مفيش حاجة أو أنا مش مضايقة ولا حاجة وأفضل أكلم فيها وأهزر معاها وهيا ولا هنا والله يا بنتي ساعات كثير بحس ان انا شحاته وبشحت منهم ..ربنا يهديهم من عنده

[MALAK2010]

يعنى انتى عندك كوكتيل اخوات الزوج على سلفات ههههههههههه ربنا يقويكى
بس الحمد لله ان حماتك طيبة واخت جوزك حتى لو واحده مش مشكله
احسن مايكونوا كلهم

[somia]

المصيبة عندي ان مينفعش نقلل الاحتكاك لان احنا أصلا بناكل كل يوم تقريبا مع بعض وبنقضي وقت طويل تحت فغصب عني بفضل اخد كلام وحرقة دم من هنا للصبح وانا اصلا مش فالحة في حاجة غير العياط ولابعرف اخد حقي ولا ما يحزنون

[MALAK2010]

طيب انتى بتقولى لجوزك ان اختة بتيجى غصب عنها معاكى

[somia]

والله يالوكة انا خلاص نفرخي هينفجر بس اللي مصبرني ان عندي وحدة صحبتي أخت زوجها اتخطبت وسبحان الله أهل خطيبها بيعملوا فيها زي ما بتعمل فيهم .. عارفة مش مشاتة بس بجد نفسي يدوقوا من نفس الكاس عشان يجربوا العياط والخناق مع زوجي كل دقيقتين اللي بيبقى بسببهم

[MALAK2010]

خلاص يا سمية ماتطلبيش منهم حاجة ولا تحاولى تعرفى مالها خلاص انتى حاولتى قبل كدة
وطول ماهى حاسة انك محتاجة ليه هتفضل تعمل كدة
فى بنات مش بتعرف تعمل الواجب او تتحمل مسؤلية

[somia]

الأول مكنتش بقوله امبارح أما قالي قلتله انا مش عايزة أتخانق معاهم انا مش ناقصة مشاكل دول بيحسسوني اني بشحت منهم قالي انا اللي هطلب قلتله انت بتطلب وبيقعدوا يتلككوا عشان ميجوش وان جم بحس انهم مش طايقيين اصلا وجايين غصب عنهم واستمرت المناقشة وانتهت بخناقة طبعا كالمعتاد

[MALAK2010]

هى شكلها مدلعه وكمان هى مش الكبيرة فمش بتتحمل مسؤليه حاجة
المفروض مامتها هى اللى تعلمها انها ازاى تعمل واجب لاخوها وتساعده
مش انتى اللى هتعلميها
فخلاص ماتضيقيش نفسك وحاولى تصرفى نفسك وطلباتك من غير مساعده من حد انتى وجوزك بس

[somia]

ما هوه ده اللي بعمله فعلا .. عارفة يا بنتي والله العظيم شوية الحاجت اللي جبتها اخر مرة معايا فرجتهم لحماتي ومقدرتش أفرجهم عليها حسيت ان ده فرحه والله متعبش معايا ومشالش همي في تعبي ميستاهلش انه يفرح معايا أصلا

[MALAK2010]

يعنى انتى وسلفاتك واخوات جوزك بتبقوا عند حماتك طول اليوم