دردشة حوامل أهل الامارات - دردشة بنات الامارات - تجمع حوامل الامارات

[اقصوصه]

ملاك: الله يسلمج الغاليه، ماقدرت انام طول الليل، انام عشر ودقايق واقوم بروحي كأني شبعانه نوم، والصبح ما قدرت اروح المستشفى مع اني لبست وجهزت بس صابتني رجفه غير طبيعيه وبروده لدرجة اني قمت ارجف وهذا اكيد كله من التعب وقلى النوم، فرجعت نمت وما رحت، بس المغرب بعد انيم العيال ان شا الله برد اروح عشان اتطمن، وعسى الله يكتب لي اللي فيه الخير:(

ام منصور: صدقتي والله محد ينفع حد بس انا اللي كاسر خاطري العيال واليوم كان اول يوم دراسي لهم ما قدرت اودرهم، الحين ان شا الله ع المغرب بعشيهم وبرقدهم وبرد اسير الكورنيش وان شا الله يطمنوني ان كل شي بخير.مع اني احس ان الوضع مش طبيعي بس الله يستر:(

االودو : المشكله اني حتى النوم ما اذوقه ، اواجه صعوبه كبيره لين انام ولو نمت اقوم بروحي بعد عشر دقايق واكون شبعانه رقاد ومستحيل ارد اواصل رقادي مره ثانيه الا عقب ما تطلع عيني لين ارد انام :( والله وايد احاول احافظ ع برودة اعصابي وهدوئي بس للاسف امس انجرت وتميت اصيح بطريقه هستيريه اكثر من ساعه ونص وهالشي هو اللي سبب لي الانقباضات ، الحين احاول قد ما اقدر اعدي نفسي وما اتضايق بس عشان البيبي ، والله يستر ويكون بخير :)

mama-nono : هلا فيج الغاليه والله يتمم لج حملج ع خير يا رب ، عن نفسي راجعت مره عن دكتوره سحر اللي فمستشفى النور اللي داخل بوظبي بس للاسف اكتشفت انها فاشله لهالسبب ما انصح حد فيهاـ وما لي تجارب اخرى مع مستشفيات خاصه لهالسبب ما اقدر افيدج, عن نفسي اتابع واراجع في عيادات حكوميه لاني اثق فيها اكثر :)

[MALAK2010]

ازيك يا mama.nono
عاملة اية اهلا بيكى فى تجمع الامارات انا كنت كلمتك فى تجمع مصر انا مصرية زيك
ربنا يقومك بالسلامة انتى والنونو ان شاء اللة
هنا هتلاقى بنات لطيفة احب اعرفك بيهم

ام منصور: دى حبيبتى بحبها اووووووى ربنا يعوضها خير ياااارب
الودود : عسووولة التجمع
اقصوصة : بتحب القصص ربنا يقومها بالسلامة خلاص هانت وهتولد ان شاء اللة
فراشة الشارقة :اول واحدة اتعرفت عليها فى المنتدى وان شاء اللة هتدخل يوم 23 وهى فرحانة لما تتطمن على البيبى
:asoom: عسولة وشقية التجمع وربنا يرجع زوجها لها بالسلامة لان البيبى بتاعها اشتكالى من كتر عياطها
:marmah: ربنا يرجعهالنا بالسلامة
سمو الاميرة - دلع -ام وافى : بحبهم كلهم وبيدخلوا على فترات وبستنى ردودهم وبقولهم وحشتونى

وانا : ادعيلى بالذرية الصالحة

عرفتك اهو على التجمع بتاعنا وياريت اشوفك كمان هنا وفى تجمع مصر

[اقصوصه]

ملاك : حلو عليج دور المذيعه ، راكب ولايق لك لوووووووول :)

[اقصوصه]

اسوم : الله يسلمج ان شا الله ، امين يا رب ، ان شا الله بعد ما اعشي العيال وارقدهم بسير المستشفى ، ولو ما رقدوني ورديت اليوم اكيد بطمنكم علي، ولو ما شفتوا رد مني اليوم يعني نوموني :(

[سمو الأميره]

هلا اقصوصة ..انا مااعرف عن الخطوط البيضاء الا عقب الحمل الثاني

وماادري انها ماتروح بس يالله خلنا نهتم هالحمل ومشكورة ع الرد

اخت الودود يزاج الله خير ع الخلطات بس انا زين ادهن بزيت زيتون

عاد بسوي ها كله والله ..ع قولتهم اللي يبى الزين يشتغل

مشكورة فديتج ...

اقصوصه وام منصور انا من نفس الشارع خخخخخ انا من الوثبه

[سمو الأميره]

هلا اسوم ..يعني التشققات ورانا دهنا ولا مادهنا !!!!!!!!

انا مثلج استخدمت زبدة الكاكاو بس ع صدري عشان يعور التشقق

تسلمين ع الرد ...

ملاك الله يرزقج ان شاء الله بس احسج وايد مستعيله ف معرفة الحمل

خليج ريلكس عشان ماتتوترين وتمين تحاتي الحمل كل شهر ...واشغلي نفسج

ف اشغال يدوية او حفظ القرآن او دورات وماشاء الله انتي ف شارجه عندج مجال

لدخول الدورات الدينييه والفقهية ..بالنسبة للأعراض انا ما أذكر انه ف عرض

يخليني أشك ف الحمل اكيد بس الدوخه والكسل بس ..

أم منصور وين سجلتي بنتج اي روضه ..ماشاء الله انتي فخليفه عندج خيارات

لكن انا ف قلعة ابليس ما قادرة اودي بنتي وايد تتعب من الباص

الله المستعان

[سمو الأميره]

اقصوصة سلاماااااااات ليش الزعل والصياح ..شو هالكبد اللي يخليج تنفجري

ساعة واايد ...وانتي حامل ..هالله هالله بالمسؤوليه لا تخلي النفسية تعبج ...

واستغفري ربج وقري قرآن عشان ترتاحي وتفائلي بخيير عشان يعطيج

طاقه اجابية تتحول للجنين وتعطي جرعة للحيوية ..واذكري الدنيا رايحه

وهمج صغير وهموم الناس ماتخلص ..وحاولي ماتتحسسين

وطمنينا عليج ...

اخت اسوم احتمال شعور الوحدة خلتج انسانه مرهفه ...وغير شي ريلج مسافر

وتنتظرينه بلهفه هالشعور انعكس ف شخصيتج وخلاج تستوحشين ...

يالله تفرحين بردة ريلج ...ايام وتنقضي والله يوفقج


يالله خواتي اخليكم عاد عندي شغل اريد اشرح الدروس من الحين عشان

ما أراكم ع عمري ...يكفي تعب اللحمل وادعوا لي الطالبات مايزعجوني

الله ويااااااااانا

[ASOOM]

المشاركة الأصلية كتبت بواسطة اقصوصه

اسوم : الله يسلمج ان شا الله ، امين يا رب ، ان شا الله بعد ما اعشي العيال وارقدهم بسير المستشفى ، ولو ما رقدوني ورديت اليوم اكيد بطمنكم علي، ولو ما شفتوا رد مني اليوم يعني نوموني :(

ياااااااااااااااااارب تكوني بصحه زينه وترجعي بصحه وسلامه لبيتك وعيالك

المشاركة الأصلية كتبت بواسطة سمو الأميره

اقصوصة سلاماااااااات ليش الزعل والصياح ..شو هالكبد اللي يخليج تنفجري

ساعة واايد ...وانتي حامل ..هالله هالله بالمسؤوليه لا تخلي النفسية تعبج ...

واستغفري ربج وقري قرآن عشان ترتاحي وتفائلي بخيير عشان يعطيج

طاقه اجابية تتحول للجنين وتعطي جرعة للحيوية ..واذكري الدنيا رايحه

وهمج صغير وهموم الناس ماتخلص ..وحاولي ماتتحسسين

وطمنينا عليج ...

اخت اسوم احتمال شعور الوحدة خلتج انسانه مرهفه ...وغير شي ريلج مسافر

وتنتظرينه بلهفه هالشعور انعكس ف شخصيتج وخلاج تستوحشين ...

يالله تفرحين بردة ريلج ...ايام وتنقضي والله يوفقج


يالله خواتي اخليكم عاد عندي شغل اريد اشرح الدروس من الحين عشان

ما أراكم ع عمري ...يكفي تعب اللحمل وادعوا لي الطالبات مايزعجوني

الله ويااااااااانا

ايه والله مكانه كبيراول مره يسافرويبعدعني اهئ اهئ
شكلك مدرسه صح باي مدرسه ؟الله يعينك ووين تراجعين حق حملك.؟

[اقصوصه]

,سمو الاميره : شنسوي الحياه متعبه :( انا اصلا عصبيه بطبيعتي وهالحمل كنت وايد اكبت عصبيتي ووايد انقهر واسكت عشان ابيبي بس امس ما قدرت انفجرت مره وحده وطلعت كبت هالشحور اللي طافت كلها ههههههههه.الحمدلله رجت المستشفى وسوولي فحوصات وصوره تلفزيونيه للبيبي بس استغربت لانهم راووني ويه البيبي بصوره ملونه وكان نايم وماد بوز ومتضايق وايد بصراحه قلبي عورني :( الحمدلله انهم ما قالولي ولاده، بس بعدها التقلصات عندي بس خفت عن امس والدكتوره قالتلي ان يبيلي راحه عشان تختفي التقصلات بكشل كامل
وعن العيال انا ولدي الصغير روضه ثانيه وخليته هالسنه فالشويفات والعام كي جي ون كان فروضة البدور اللي فمحمد بن زايد ، ماشالله عليهم روضتهم يديده ومرتبه ونموذجيه واهتمامهم جدا رائع، بس انا نقلته الشويفات هالسنه لان دراستهم اقوى وانا بغيته يتأسس تاسيس عدل عشان يوم يروح صف اول يكون اوكيه :)

[اقصوصه]

اسوم : الله يسلمج عزيزتي ، انا الحمدلله طلعت من المستشفى والحمدلله ما رقدوني، بس سوولي الفحوصات المطلوبه مع صورة تلفزيون وتخطيط قلب للبيبي وقالولي ان الوضع احسن اليوم من امس والتقلصات خفت بس لازملي راحه عشان تختفي التقلصات بشكل تام :)
مشكوره الغاليه ع سؤالج واهتمامج ما قصرتي ويزاج الله خير :)