أحلى تجمع لحوامل التوأم الجزء الرابع

[الشموع المضيئة]

الله يسهلك ياجود انا الدكتوره قالتلي لو واحد راسه تحت وواحد فوق ماراح نخاطر حيكون قيصري اضمن لهم الاثنين وخايفه مررره مالي خلق للقيصري لاني باتعب من بعدها اكيد مع عيالي وغربه وبيت

وشايله هم الطبيعي لا سمح الله تصير مضاعفات او شي ويتضرروا خصوصا انا عيالي ما يطلعون من الدفع لازم يشفطوهم

مدري ماشيه واقول الله يكتب لي اللي فيه الخير

[أشـــــواق~]

مساء الخير ..
الشموع انا الطبيبه بالمستشفى الحكومي العام قالت لي كذا ..
بس طبيبتي بالمستوصف قالت لا مابينهم فرق والوضع عادي يمكن بينهم 2 غرام فرق بالوزن ويوم بالأشعه ،،
المهم انها قاست لي عنق الرحم ودخلتني بحيره مايعلم فيها الا الله ..
قالت انا من وجهة نظري تحتاجين ربط وعطتني تحويل للمستشفى الكبير وقالت احتمال كبير هم يقولون ماتحتاجين ~
قلت وش هالحكي احتاج او ما احتاج انتي قرري قالت لازم تاخذين رأي استشاري لأنها هي اخصائيه ..
عاد قلت مالي خلق بهذلة الطوارئ بروح لأستشاريه ممتازه بالحبيب اثق فيها هاديه وراكده وقرارتها نفعتني بأول حملي لأنهم وقتها روعوني وقالوا حمل خارج الرحم ومشيت على حكيها وماخيبت ظني بروح واخذ رايها بموضوع الربط واشوف وش تقول ~


دعواتكم يابنات مره ضايق صدري ومحتاره ~

[سووود العيووون]

أشواق

من الاستشاريه اللي بالحبيب؟؟؟

انا اراجع بالحبيب،،، وودي اغير دكتورتي أبي وحده فااهمه

[الشموع المضيئة]

الله يسهلك يااشواق غاد النفسيه عدم من غير شي كيف لو احد يقلك شي

انا طفشوني بالتحليل حق سحب المويه للجنين الصغير بس الحمدلله اخر مرهـ الدكتوره قالت ماله داعي
وعندي موعد ان شاءالله الاربعاء الله يسهلها

اشواق افضل استشيري استشاريه افضل وتكون كويسه والله يسهلك

[Miss Huda]

الله يطمن بالك يا اشواق

وبالنسبه للحبيب انا فاتحه ملف عندهم وتنقلت مابين اكثر من استشاريه ولما قررو لي عمليه نقلت ملفي عند الدكتور السموءل الحاكم هذا الدكتور عجيييب ماشاء الله تبارك الله تحسين شخص فااااهم جدا عمله ونفسيته مرره حلوه

[أميرة قلبه]

أشواق
ألف لاباس عليك والله يطمن بالك ويكتب لك الخير
عند مين تراجعي بالحبيب ؟
لأن أنا بالحبيب ودكتورتي حكت لي بالموعد اللي راح اني مااحتاج
وقالت الموعد الجاي أاكد لك اللي هو بكره باذن الله

طمنينا عليك

[هيبة أنثى]

اشواق كم لك بالثالث والله انا بعد شايله هم الربط ):

قالت الدكتوره نحدد الموعد الجااي وانا كل يوم اموت من الخوف
جود حبيبتي لو انا بمكانك اطلب قيصري افضل لك ولهم
الله يسهلهاعليك يارب

[soso3]

الله يتتم علينا وعليكم الحمل ويرزقنا اياهم تامين الخلق والخلقة

انا الدكتورة امس قالت لي لازم اعمل ربط احتياطا مع انو وضعي طبيعي وطول عنق الرحم تمام
بس تخاف بعدين تسير مضاعفات
سالتها في خطورة بعملية الربط قالت 5 ٪ اجهاض
مرا من امس وانا افكر محتارة مادري ايش اسوي
بروح للدكتورة ثانية والله يكتب اللي فيه الخير
ادعولي :(

[أميرة قلبه]

الله يطمنك ويريح بالك سوسو
الله فيه خير لك حيصير

طمنينا عليك

[أشـــــواق~]

المشاركة الأصلية كتبت بواسطة سووود العيووون

أشواق

من الاستشاريه اللي بالحبيب؟؟؟

انا اراجع بالحبيب،،، وودي اغير دكتورتي أبي وحده فااهمه

سود العيون أنا بالقصيم واراجع بالحبيب بريده عند عائشه الشيباني ~

المشاركة الأصلية كتبت بواسطة Miss Huda

الله يطمن بالك يا اشواق

اللهم آمين ياحبي لك

المشاركة الأصلية كتبت بواسطة Miss Huda

وبالنسبه للحبيب انا فاتحه ملف عندهم وتنقلت مابين اكثر من استشاريه ولما قررو لي عمليه نقلت ملفي عند الدكتور السموءل الحاكم هذا الدكتور عجيييب ماشاء الله تبارك الله تحسين شخص فااااهم جدا عمله ونفسيته مرره حلوه

اسمع عنه كثير يمدحونه
أنا اتابع مع الدكتوره عائشه وهي استشاريه يمنيه تابعوا معها خواتي وهي ولدتهم انسانه رائعه ونفسيتها حلوه وانا سويت عندها كوي بارد من فتره يدها خفيفه
حطيت الثقه فيها بعد موقف صارلي ببداية حملي ..
قالوا لي مستشفى الولادة والأطفال انه حمل خارج الرحم وبهذلوني بالأشعه من تحت والتحاليل وجلست بالطوارئ كم يوم مافي سرير وحالتي حاله وكانوا الا شوي بيعطوني الابره اللي تجهض لان الهرمون يزيد وكيس الحمل مو مبين بالأشعه
ولما اتصلت فيها وقلت لها قالت كم نسبة هرمون الحمل لوين وصلت قلت 2400 انهارت وقالت لسا بدري لاتخلينهم يلعبون فيك ولايسوون لك اشعه الا بعد مايوصل الهرمون 4000 لأن الكيس مايبين اكيد الا بعد هالنسبه وهم بتدخلهم المبكر لعبوا بنفسيتك وبيعرضونك للإجهاض ~
وفعلا اسوي اضراب عن الاشعه واستمر بس على التحليل كل 48 ساعه ولما وصل الهرمون 6000 سمحت لهم ياخذون اشعه وفعلا بين معاهم كيس الحمل وطلعت الحمدالله من عندهم ..

من تعاملها مع خواتي انا عرفت انها انسانه راكده وفاهمه وفعلا ماخيبت ظني لما استشرتها بمشكلتي اول الحمل ~

المشاركة الأصلية كتبت بواسطة أميرة قلبه

أشواق
ألف لاباس عليك والله يطمن بالك ويكتب لك الخير
عند مين تراجعي بالحبيب ؟
لأن أنا بالحبيب ودكتورتي حكت لي بالموعد اللي راح اني مااحتاج
وقالت الموعد الجاي أاكد لك اللي هو بكره باذن الله

طمنينا عليك

اذا انتي مثلي بالقصيم انا اراجع عند عائشه الشيباني ~

المشاركة الأصلية كتبت بواسطة هيبة أنثى

اشواق كم لك بالثالث والله انا بعد شايله هم الربط ):

قالت الدكتوره نحدد الموعد الجااي وانا كل يوم اموت من الخوف

لي 12 و3 ايام

****

رحت للدكتوره عائشه الشيباني الاستشاريه وقبل تاخذ اشعه وقبل اي شي قالت ولادتك اللي قبل قيصري وحامل بعدها بتوأم انصحك وبشده بالربط مع ان ولدي الأخير عمره 5 سنوات ~
يعني عمليتي القيصريه لها 5 سنوات ..
قالت عشآن ماتتفاجأين بولاده مبكره بالأسبوع 27 او 28 من الحمل ..
علماً يابنات انو انا طول عنق الرحم عندي 3*75 اقل من الطبيعي بـ 1/4 بس شفتوا كيف
الطبيعي من 4 وطالع مايحتاج ربط ، بس لله في ذالك حكمه ~

استخرت الله وبسويها عندها بالحبيب موعدي الأربعاء تحاليل واشعه ومقابلة اخصائي التخدير < تفاجأت انها تخدير كامل
والله يسهل ويتمم على خير لي ولكم اجمعين ~