تجمع الكروشات اللي ولادتهم في ربيع الاول 1434ه

[يارب الجنة]

قُلْ للنّفوس إذا صَحَت من نومها
تَرْفع لذي العرش العظيم يداها

وَلْتَحْمَد الرّحمن جلّ جلاله.
فهو الذي من موتها أحياها

أسعد الله صباحكم 🌹

[أمومه ومحبه]

بنات مفاصلي ويديني ورجولي من الألم ماني متحمله
ومتنفخه بعد

[أنا مسافر]

أمومة استشيري طبيبة
وما تشوفي شر

انا الم في رجولي لما نهاية الفخد
احس الم بالعظم كانه كهرب
شكله نقص كالسيوم لاني
اذا اكلت حبة كالسيوم خف علي
تأكدي من دكتورتك وسلامتك

[أنا مسافر]

شنطة المستشفى ، المفروض مجهزة
من أول الثامن احتياطاً لو حصل ولادة
مبكرة :

- للأم:
أغراض شخصية:
( مزيل عرق - عطر -معجون اسنان - فرشة أسنان
مشط للشعر - ربطة - توكهـ بنس - فازلين )

شاحن جوال
استشوار ( اذا جو اهلك يرتبونك )
كلوتات للاستخدام اليومي
كلوتات عادية 3 حبات
سنتيانات مريحه 3 حبتين
بناطيل شتوية داخلية 3 حبات
شرابات ثقيلة 2 حبة
شبشب فخم ومريح
قميصين ثقيل للنوم
قميص للاستقبال ( اذا جو الضيوف )

- للطفل:
منشفة حمام
منشفة صغيرة 2 للترضيع
صدارية 2
بربتوزات 4 حبة
بلوفرات 4 حبة
لبس رسمي واحد ( طقم مهاد
مع لبس مع صدارية مع قفاز مع قبعه )
اذا طلبوا اهل زوجي يشوفونه باطلب
من السستر تلبسه قبل، لاني ما احب
لبس المستشفىٰ.
بطانية للطفل + مهاد 2

هذا الي جهزته تقريباً
ان كان نسيت شي ذكرونا
لاني بكرية واول مرة أرتب
بس عشان الي طلبت منا
نزلت لها اغراضي
◠‿◠

دعواتكم ربي يقومنا بالسلامة
خايفة من الولادة مررره :""""(

[احلى ماما ~]

تسسلميلي أنا مسسافر لا تخافين الولادة تيسير. من الله ومبروك دخول التأسسع الله ييسرلك ولادتك

[شقاوي]

الله يعين يابنات
لازم نتحمل شوي خلاص هانت
ماتشوفون شر ياكروشات
من اللي بدات تمشي
أنا هاليومين كل أحلامي عن الولاده
الله يسهلها يارب

[يارب الجنة]

شقاوي أنا داخلة التاسع من يومين بس قالوا لي في المستشفى الاخصائيات لاتمشين الا بعد أسبوعين من التاسع ذلحين أمشي المشي العادي اللي كل يوم نص ساعة بدون اجهاد وفي منتصف التاسع ممكن تمشين ساعة أوأكثر بس برضه لاتجهدين نفسك عشان وراك ولادة ، الله يسهل على الجميع .
أنا مسافر لاتنسين الفوط الخاصة ماأشوفك كتبتيها والمر ضروري خليه في كيس صغير شميه بس لا تستخدمونه غير كذا لأنه يضر هم أكيد يعطونك إبرة في المستشفى عن الشمم بس المر ضروري الزوار أكيد بيكونون متعطرين غير إنك إنتِ بتتعطرين أكيد أنا أمي قالت لازم تخلينه بالشنطة جبته من روح الطبيعة عطارة جابر القحطاني جديد ونظيف في حي المروج .

[H R A E R]

مساء الورد

اخباركم والاوجاع
يالله تهونها

[ياهم ربي كبير]

[QUOTE=بنت كازابلانكا;2788955]

المشاركة الأصلية كتبت بواسطة ياهم ربي كبير

ههههههههههههههههه
الله يسهل لكم .. انا ولدت وارتحت من زمااان
صار ابني عمره 20 يوم :) عريس يدور على عروسه خخخخخ
ولدت قبل موعدي باربع اسابيع تقريبا ، كنت بالاسبوع الـ 36 ويومين[/quote
الحمد لله على سلامتك ويتربى فعزك العريس الله يحفظو من كل شر بس حبيت اسالك عن سبب الولادة المبكرة ؟ وكم كان وزنو؟

الله يسلمك حبيبتي
والله مادري ، بس بأخر اسبوع قبل لا اولد عرفت انو عنق الرحم عندي كان قصير!!
والشغلة الثانية كانت تنزل مني موية بس على اجزاء ، وماعرفو سبب نزولها بس قالولي اني مارح اطول وانو الولادة قرررربت ،وفعلا بعد كم يوم ولدت ، والحمدلله كانت سهلة ..
الله يرزقكم انتم بعد بولادة سهلة وميسرة

المشاركة الأصلية كتبت بواسطة فانيلا بالفراولة

كيفكم بنات من يوم الجمعه جاني التهاب بحلقي مفاجىء ماقدرت لااشرب ولا آكل

ماغير اتغرغر بهاالليمون وآكل برتقال وحليب دافي وعسل واليوم الحمدلله خف كثير تغير الجو لاعب فينا

انا مسافر انتي الأكل ماينهضم وانا مايمرساعه مايبقى شي بالمعده بس ارجع اتصلت ع الدكتورة تقول عادي الترجيع والحرقان لأن البيبي

صار كبير ويضغط بس ناوية آخذ دوا للحرقان في حبوب مص وفي شراب اظن اسمه موسكال مثل كذا وآمن للحوامل اذا رحت موعدي

السبت بخليها تكتبه لي لآن الحرقان شي لايطاق والمشكله ماآكل زين ولا أشبع واكلي مودسم ..الألتهاب جربي البيرة والشعير يكون

بالتوت ماقد قلتي انك تشربي اشربي كل يوم واحد. وشوفي

ياهم .. الف مبروك الله يحميه لك والعروسه عندي بنوتتي الحلوة ^^ ماشاء الله آخر مره دخلت

تجمعكم كنتي بالسابع وانا بالسادس وكنتي تقولي لي ثقل وتعب الأيام تمشي بسرعه عقبال مااولد بالسلامه

الأسبوع 36 هو اول اسبوع بالتاسع صح ماتعتبر الولاده فيه مبكرة ولا لا في حريم يولدون بداية التاسع

ولادتك كانت طبيعيه ؟؟

اهلين حبيبتي
ايه اذكرك يوم كنتي تدخلين عندنا
وتفيدينا :) خاصة للبكريات زينا ههههه
الله يحفظلك العروسة
ايه صح الاسبوع 36 مو خطير ، بس عندنا بالسويد يعتبرونه ولادة مبكرة
مع ذلك مايحتاج البيبي يبقى بحضانة :)



باقي البنات شخباركم؟ وسلطانة حبيبتي اخبارك ؟؟
الله ييسر لكم يارب

اللي سألت عن تجهيز البيبي واغراض الشنطو والصيدلية الخ
هذي صورة تسهل لكم الاشياء المهمة :)

[- تـالـيـن ..]

مراحب كيفكم
عن نفسي من دخلت الثامن وانا تعبانه يا كحه يا سخونه يا حلقي
الحمدالله على كل حال

الف مبرووووك فانيلاا انا مسافر يارب الجنه واللي دخلوا التاسع وعقبال الولاده السهله
انا باقي لي اسبوعين ان شاء الله وادخل التاسع دعواتكم تعدي هالاسبوعين على خير