دردشة بنات مصر , دردشة حوامل مصر , تجمع بنات مصر

[*رحمه*]

ربنا معاكي يا مروه و يكمل الباقي على خير ان شاء الله

[أم سلسبيل]

ربنا يخليكى يا رحمه

اه يا حبيبتى انا عندى حموضه رهيبه وخاصه بلليل

ومش بتهدى الا لما برجع

وبالنسبه للمشى طبيعى ان اى حد يمشى من نص التامن

وطالما انا وصلت نص التامن لازم امشى علشان كمان البيبى ياخد وضعه الطبيعى

وينزل راسه فى الحوض لان كمان الرحم عندى مقفوووول خالص

[دودى مجدى]

يا حبيبتى يا دندونة طب تعالى نرغى بقى ما انا وانتى صايعين هههههههههههههه

[أم سلسبيل]

ومعاكو كلكو يا حبايبى يارب

ويقومكم بالسلامه

وتشوفو نوناتكم على ايديكم سلييمين معافيين يااااااارب

[أم سلسبيل]

وانا تالتكم يا دووودى

[دودى مجدى]

طب ما هوكدة غلط على معدتك يا مروة اما تعدى طول اليوم من غير اكل وتاكلى مرة واحدة بالليل نظمى اكلك على 3 وجبات حتى لو خفيفة عشان متتعبيش وبلاش تاكلى بالليل سيبى كذا ساعة المعدة تهضم فيهم

[*رحمه*]

طيب يا مروه انا الدكتوره وصفتلي دواء للحموضه حلو قوي لان كان عندي حرقان رهيب في معدتي لو عايزه اجيبلك اسمه اجيبهولك انا مجرد ما اخدت حبايه الحموضه راحت خالص الحمد لله

و الدكتوره بتحدد امتي اذا كانت الولاده طبيعي ولا قيصري ؟؟؟

[أم سلسبيل]

والله يا دينا ما بعرف اكل خالص طول مانا قاعده لوحدى

الا مثلا زبادى حجات كده يعنى

وبعدين الهضم عندى بطئ اوى انا اكلت امبارح الساعه 11

ورجعت الساعه 3 بلليل

متوقعتش ان الاكل لسه متهضمش والله

[دودى مجدى]

ايوة يا مروة عندك حق كلنا فى الهوا سوا
يا ترى بعد ما نولد باذن الله هنلاقى وقت نتكلم كدة ولا هنعد نتحسر على ايام زمان زى الجيل اللى قبلنا فى الدردشة دى بقو بيدخلو بالصدفة

[أم سلسبيل]

ماشى يا حبيبتى

لو برشام ممكن اجربه

انا باخد رانيتاك اوقات بيريحنى واوقات لا

بالنسبه لميعاد الولاده حسب ما اعرف يعنى

ان البكريه بالذات بتستنى الطلق اوعلامه دم او ميه

والدكتورة بتكشف لما الواحده تدخل التاسع

ربنا يعينى على الكشف دااااااااااااا