دردشة حوامل أهل الرياض - دردشة بنات الرياض - تجمع حوامل الرياض

ام ميمونة · 05-20-2011, 04:51 PM

اهلللين كادى مبروووك تقومى بالسلااامة ياعري الله يشفي بنتك يارب حرم امانة وديها المستشفى الله بحفظها للك يارب ويقر عينك بشفها يالكريم

بنات كيفك جميع الله يخليكم يارب

كآدي · 05-20-2011, 06:47 PM

ام الاسمر آآآآآآآآه هذي المشكله ننسى ونعيد سبحآن الله ما نقدر نعيش بدون اولاد الله يخليهم ويحفظهم ويرزق الجميع يااارب

وهو مثل ما قلتي شكله نزل لحلقها وقريت ردودكم بنآت وسجعتوني رحت لدكتور وعطآني ادول وعلاج اسمه آيفي ( خلاصه اورآق البلآب المجففه)
مذيب طآرد للبلغم كذا مكتوب عليه

ام الاسمر اللي عدى بنتي اولآدي منتهين من التعب وتخيلي مره انا عند اولآدي اداويهم ومره ارجع لبنتي الصغيره ادآويهآ والعدوى والله شكلهآ تحوس في بيتي مير امري لله

ام جنى ربي يسعدك وصفتك بطبقهآ بآذن الله بعد كورس العلاج للمحآفظه بمآ انهآ اعشآب ربي يكرمك ويحقق امنيتك يارب ما قصرتي يا حبيبتي الله يهون عليك واذا عادي اطبق الوصفه مع كورس العلاج خبريني ابنتظرك

ام ميمونه الله يبارك فيك يا قلبي وربي يسلمك ويسعدك ويخليك

وتحت امرك وديتها لطبيب يا الغاليه يا لبى قلبك حسستيني انو حنا اكثر من خوات على خوفك على بنتي

وبمشي على كلام الدكتور ويارب تخف وتتعافى

الف شكر لكم كلكم ما قصرتو كفيتو ووفيتو جعل ايامكم كلها سعاده وهناء

محبتكم للابد

كآآدي

أمونه* · 05-20-2011, 07:02 PM

ماشاء الله زين ماسويتي ...الحمد لله العلاج يلي وصفه لبنتك ممتاز مره
ومافي اي مشكله على الأطفال ..دايماً اجيبه لعيالي لما يتعبون
الله يطمنك على عيالك جميع ويشافيهم ...مادام تعبوا مع بعض إن شاء الله بيتشافون مع بعض وبترتاحين لا عاد احد يمرض ولا كل شويه تنتشر العدوى ...لا تنسين نفسك عشان ما ترجع عليك وتنعدين ...
عليك بفتامين c ...

أمونه* · 05-20-2011, 07:17 PM

نور الأمل وينك كل مااكتب شي انتظر تردين عشان اكمل معاك ..تتأخرين فأطلع ...
طيب ..الرقم ياعسل..(4311189)اسمه مستوصف التضامن ..هو في غرب الرياض اسم الدكتوره (صفاء) مصريه..إن شاء الله لين تولدين يكون رجعت

إن شاء الله بتصيرين بالثامن ..ماهو بعيد الأيام سريعه...الله يتمملك الحمل على خير ...ويسهل ولادتك

ام اميمه ..شلونك ...طمنينا عنك وعن البيبي عسى توجه او لسا
الله ييسرلك ...

نورالأمل · 05-20-2011, 08:26 PM

اقتباس:

المشاركة الأصلية كتبت بواسطة ام الأسمر

نور الأمل وينك كل مااكتب شي انتظر تردين عشان اكمل معاك ..تتأخرين فأطلع ...
طيب ..الرقم ياعسل..(4311189)اسمه مستوصف التضامن ..هو في غرب الرياض اسم الدكتوره (صفاء) مصريه..إن شاء الله لين تولدين يكون رجعت

إن شاء الله بتصيرين بالثامن ..ماهو بعيد الأيام سريعه...الله يتمملك الحمل على خير ...ويسهل ولادتك

ام اميمه ..شلونك ...طمنينا عنك وعن البيبي عسى توجه او لسا
الله ييسرلك ...

حبيبتي والله حستك معايه الله يجزاك كل خير مع اني بجنوب الرياض بس موب مشكله انا قلت الحين باروح راسيل لأنه جنبنا وباشوفالدكتوره ابي اطمئن على البيبي بس باشوف التضامن بعد ونشوف الى بعدين وين الله يكتبها لي
الله ايتمم لك حملك واتقري عينك بالمولود

ام ميمونة · 05-20-2011, 09:34 PM

هلاااااحبيبتي كااادى الله يطمنئك عليهم جميع احسن شي سوووويتة ياروحي صغيرة هى ماتتحمل ياعمري واحناا اصلاا اخوات هنا لازم نخاف ع بعض كلنا ياقلبي الله يحفظكم جميع والله انى احس التجمع هذا يريحنا كلنا يخلية الا بالغربة عن اهلة واخواتها شوى متونسة معكم الله يسدد خطاكم يارب
قولوا آآآآآآميين

همسه الجوري · 05-20-2011, 07:47 PM

ابي شغاله

دبروا لي

نورالأمل · 05-20-2011, 08:48 PM

اقتباس:

المشاركة الأصلية كتبت بواسطة همسه الجوري

ابي شغاله

دبروا لي

إن شاء الله اتشوفي وانا بعد ابغى اعرف المكاتب الي اتأجر بالساعات ياريت الي يعرف ما يقصر معانا

foofoo · 05-20-2011, 09:25 PM

السلام عليكم ورحمة الله وبركاته

اخباركم كروشات حبيت اسالكم انا في اي شهر من الحمل لاني ما اسالت الدكتوره وموعدي مطول وانا ابي اعرف في اي شهر ضروري لاني ابي اروح اجهز

كانت اخر دوره لي 10/12 كان يوم العيد ياليت تقولون لي انا في اي شهر وفي اي اسبوع ومشكورات مقدما لا تفشلوني ...

أمونه* · 05-20-2011, 10:30 PM

نور الأمل ...المهم ترتاحين ... واهلاً فيك بأي وقت...وتقومين بالسلامه

فوفو ...معليش ياقلبي انا موب شاطره بالحساب ابداً ..إن شاء الله البنات يفيدوك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري