اعراض حسيت فيها بعد التبويض بيومين

[b.os.a]

حبايبي وربي اعطيتوني امل
الله يسعدكم وتقر عيونكم بحمل سليم تام الخلق والخُلق
انا ما ابغى استعجل في تحليل الدم اخاف ما يبين زي المره الي فاتت
رح انتظر ليوم الخميس الجاي ان شاء الله واحلل منزلي وفي كل الحالات رح اروح اكشف عند الدكتوره عشان اعرف سبب الاعراض الي عندي خصوصا الانتفاخ الي اسفل بطني هل هو طبيعي في الحمل ولا لا

بس حابه اسأل الجماع في الفتره الاولى من الحمل مضر ولا عادي؟

[b.os.a]

حللت اليوم لثالث مرره ونفس النتيجه
خط خفيف وردي
مره اقول مستحيل يغلط ثلاث مرات!
ومره اوسوس لان فيني الم نفس الم الدوره
ما ابغى احلل الحين دم لان احتمال ما يبين
الخميس ان شاء الله بروح احلل ويااارب اطلع حامل انا وكل مشتاقه
واكيد رح ابشركم

[b.os.a]

االبارح حسيت بالم في صدري وكأنه مشدوووود مره ما اقدر المسه يعوورني ومستمرررر معي من البارح للحين
هذا من اعراض الحمل؟

[تاااالين]

أعراضك اعراض حمل باذن الله ......بس ليش ماتحللي دم
ليش تستني؟؟؟
بالدم يبين الحمل اسرع من تحليل البول وهو أدق ...ولو في حمل بيبين معك ألحين
أنا أشوف الوحده تعمل تحليل الدم بدري اذا عندها شك كبير
عشان ترتاح من الوساوس والمحاتاه وعشان لو في حمل تاخذي فيتامينات الحمل بدري وتنتبهي اكثر لنفسك
الله يكتب لك الفرحه أنتي وكل متمنيه الضنى
بشرينا لاتنسي
وزي ماقلت لك روحي حللي أفضل لك

[b.os.a]

الله يسعدك تااالين
اكيد رح احلل بس احس لسى بدري اخاف ما يبين لاني اليوم خامس يوم من الدوره ولما كلمت الدكتوره قالتلي انتظري سبع ايام بعدين حللي دم يعني ممكن احلل وما يبين
اتفقت مع زوجي باذن الله الخميس رح احلل في مستشفى الرويلي مع اني ما اعرف عن دكتورة النساء الي هناك شي ابدا
الله يسعدكم لو احد جربها يقولي
مستشفى الرويلي الي في جده حي بني مالك

[ناعسة العين]

ماشاء الله
ان شاء الله حمل يالغلا
دام طلع معاك
والدم يقطع كل ابو الوسوسه
ومااعرف شي عن المستشفى

[b.os.a]

جاتني الدوره !!
مدري ليش اقول!
كيف الاعراض دي كلها ومافي حمل
الم صدري والغثيان والدوخه وانتفاخ اسفل البطن للحين ما راحو مني ايش الي فيني ماااااا ادري
نفسيتي زززفت
رحت للدكتوره قالتلي حللي احتمال يكون نزيف مع الحمل
حللت هرموني والنتيجه بكره
قدر الله وما شاء فعل

[nadasi]

لا حول ولا قوة الا بالله
الله يعوضك الشهر الجاي يارب
على كل بس تطلع النتيجة طمنينا وانشالله حامل

[b.os.a]

المشاركة الأصلية كتبت بواسطة nadasi

لا حول ولا قوة الا بالله
الله يعوضك الشهر الجاي يارب
على كل بس تطلع النتيجة طمنينا وانشالله حامل

اميييين يارب
مشكوره ع الدعوه واكيد رح اطمنكم

[ccaady]

اذكري الله يابنت الحلال
ربي يعطيك ويعطيني وكل مشتاقه يارب
قبل شهرين صار لي مثلك مرتين اسوي تحليل منزلي ويطلع خط خفيف وطيران على المستشفى سويت تحليل دم وطلع سالب