مادريت ان الناس لس متخلفين من ناحيه حبهم للولد اكثر من البنت الا لما حملت عرفت هالشي

[دودي الجميلة]

انا نفسي زوجي ميت على البنوته
وانا كمااااااااان حابه البنت تكون بكري احسسسسن
بس اذا قدر الله ماتفرق معاااااااااي
وترى اغلبية الرجاااااااال الحين يبون بنات اكثر
جوووووهم غير فديتهم

[فريز*]

اممممممم

انا زوجي وده اول وحد ولد وبعدين عااادي

بس انا ودي ببنوته

[Almasah]

^_^
من قبل ماأحمل وزوجي يقول اتمنى تجينا اول شيء بنوته
البنوتات الصغيرات وش حلاتهم

وكل اهلي يقولون لي ان شاء الله تجيبين بنوته
وحتى انا اتمنى بنوته يارب العالمين ماترد دعائي يالله اللي ببطني بنوته

وحتى تخيلي صديقاتي وخواتهم يقولون مايناسبني الا عندي بنت
اقولهم ليش يعني مايناسبني ولد يقولون انتي حنونه حيل ونعومه مناسب يكون لج بنت
يعني الأم القاسيه تجيب ولد ؟؟؟ خخخخخ
واختي تقول اصلا مره وحده مايناسب عندج عيال هههههههههههه

بس الحمد لله وأدعو لي يكون اللي ببطني بنت يااااااااارب
وأولد طبيعي يارب
وربي خايفه اولد عمليه ولا طلق صناعي احس ماأتحمل بجلس طول الوقت أصيح >>> حدها صياحه ع الصامت

بس زوجي مره سألني قالي اذا صار ولد بتزعلين قلت لااااااااا ابي بنت
قال من الله ولاتزعلين يعني مابتحبين ولدنا
سكت فتره
وجلس ينتظر اجاوبه بعدين قلت له ابي بنت
وسكت شوي
بعدين قلت له أكيد بحبه ولدي مابقدر مااحبه
أحب الأطفال حيل

[رانو]

وانا من ناحيتي أفضل الولد
طبعا لا حد يعصب عليي...اتريو شوي اشرحلكم
انا من كثر حبي ليها ما أبيها تشوف هذي الحياة القاسية
ما أتمنى ينحرق قلبي عليها
ولا تتعذب
ما أتمنى هالشي...لانو برايي كل البنيات مظلومات
لكن الحمدلله على نعمة الله وزرقته
هذي رزقتي ونصيبي
لكني أتمنى يطلع السونار غلط
ويكون ولد
ولما تكون صج بنية..ما اقدر اقول الا حسبي الله ونعم الوكيل
ربي يعينها ويعين قلبي

[الدانـه]

كلهم نعمه من رب العالمين

[احساس بلا اساس]

كلهم نعمه وهديه وامانه من رب العباد
والرجال يحب الولد في اول خلفه له لجل انه يساعده ويكون سند لامه
لااكثر من ذالك
اما البنات يحبهم الرجال لحنيتهم ودلعهم
فالحمدلله على كل حال

[حنونه]

ارائكم تهموني
وتفاعلكم يفرحني
اريد المزيد من الاراء

[شذى الايمان]

يعطيكِ العافيه اختي ,,

الحمدلله عندي ثلاث بنات الله يخليهم لي ويجعلهن من عباده الصالحين وابوهم يحبهم كثير ويخاف عليهم احيانا في التربيه ومصاريفهن انا اشد واقول لابعض الكماليات مالها لازم يقول بنياتي ضعاف مالهن غيري يحب يجيب لهن ويسعدهن و قبل ينام يمر عليهن ويشوفهن ويغطيهم,,, احنا راضين بعطاء ربي الله يعطينا الصالح منهم آمين ....فعلا الناس يفضلون الولد في مجتمعنا اسمع الحريم يسولفو عن اولادهم يقصدوني انه ما عندي ولد وام زوجي دئما الله يسامحها تلمح بهذا الشيء حتي بنتي الكبيره اذا شافتها تقول ليتك ولد الله يعفي عنا وعنها آمين ,,

دعواتكم اكون حامل ليه تقريبا شهرين بطلت حبوب منع الحمل يارب ترزقني بالذريه الصالحه وكل من يرجيك يارب آآآمين

[•.ღ˚نور˚ღ.*•]

شذى الايمان ربي يخلي لك ولزوجك بنياتكم ويسعدكم ببرهم وصلاحهم
ذكرتيني بحبيب قلبي بابا ،، حنا 4 بنات وآخر العنقود ولد ولليوم الحمد لله مدللنا وطاير فرح فينا،، ودوم يتشكى من اخوي لانه خجوول وبيتوتي :)

رانو،، خخخخ ودي أصدقك ياشيخة،، بالعكس البنات هالايام ماعليهم خوف بإذن الله،، خافي ع الولد اكثر
*
حنونه،، تسلمين ع الموضوع الرائع.. شوفي الموضوع باين من عنوانه ولسى تشوفين ردود ناس مستميته ع الولد،،وش ذنب الجنين اللي ماله حول ولا قوة اذا بنت! واذا ولد وانتي ولا حضرته تبونها بنت و ع كيفكم ؟؟ يعني بتميزون بالمحبة والمعاملة بينهم وتسوون حواجز وحساسية بينهم؟؟ انتوا الأساس حرام عليكم ،، والله لو كان زوجي من هالنوع وايش ماكان زوجي عندي بحتقره واكرهه ع تفاهة عقله.. يكفي ان هالجنين حشاشة جوفنا وقطعة مني.. مدري وش اقول خانتني الكلمات .. بس اللي تتكلم بأفضل وياليت تدري ان ربي ميزها بنعمة الأمومة؟ وان الجنة تحت رجولها بغض النظر اذا هي ام لولد او بنت وان كلنا يوم القيامة ننادى باسماء أمهاتنا وهذا ميزة ربي كرم فيها البنت وبالاخير أمي حبيبتي بنت وابوي جعلني ماابكيه ولد ،، كيف اقدر احب احد اكثر من الثاني ..

[لووووولي]

وربي كلهم نعمه الحمد لله اهم شي سلامت صحتهم وخلقتهم

وربي يرزق الجميع بالي يتمنووو