تزوجتي عن حب ولا تقليدي

[sweet moon]

وجهات نظر متناقضه وبشده

في البدايه ,,, الزواج قسمه ونصيب وكتبه من عند رب العالمين

وتوفيق من الله سواء عن حب ولا تقليدي

من قال ان الزواج عن حب فاشل ؟؟؟؟؟

ومن قال ان الزواج عن حب تافه ؟؟؟؟
ومن قال ان الزواج عن حب نهايته طلاق ؟؟

يااختي انتي ماجربتي ف على اي اساس حكمتي حكمتك انه فاشل ونهايته طلاق

انا ماانتقد الزواج التقليدي فيه اللي يتوفقون وفيه اللي يطلقون

لكن الزواج عن حب يستمر وخصوصا لو الحب حقيقي وصادق

وفيه بنات كثير متزوجات عن حب وماشالله لا الله الا الله متوفقات بحياتهم وسعيدات

واللي تقول ان الزواج عن حب مافيه ثقه

على اي اساس في من صديقاتي متزوجات عن طريق النت

ومتوفقات لانهم يثقون ببعض ويحبون بعض ولا عندهم الحمدلله مشاكل

اما الحب اللي فيه شك فلا تسميه حب لان كذا نهين الحب

وفي النهايه

الحب عظيم ويكون اعظم اذا انتهى بالحلال

[Dado]

كلامك درر اختي سويت موون

[كل الحلى]

مع الزواج عن حب

لأنهم راح يكونو فاهمين بعض

وعارفين كل واحد منهم أيش يحب وأيش يكره

وراح يعرفون طريقة تفكيرهم

وهالشيء يخليهم متفقين ومتفاهمين من البداية وتمشي حياتهم بسلاسة وحب

مو مثل التقليدي يتدبسون ببعض ولاأحد يدري أيش وراء الثاني

ولا أيش قدامه ويمكن يعانون كثير في بداية حياتهم بسبب عدم التفاهم

وعدم الأتفاق ويروح الوقت وهم ماأستمتعوا ببداية زواجهم

>> وهذا رأيي الشخصي :-)

[أم مهره]

أنا من رأي الشخصي .. تقليدي طبعا لأنه عندهم فتره الخطوبه والنظره الشرعيه أولا .. تصلي صلاه الاستخاره ارتاحت تكمل مشاورهأ .. بعدين عندها فتره الملكه .. هائ الفتره يقدرون يتفاهمون فيها ويتعارفون على بعض أكثر وأكثر .. أنا تزوجت زواج تقليدي وملكتنا تمت شهرين بس .. والله أحس اني أعرف ززوجي من سنه متفاهمين ألحمدالله مره أنا أسامح ومره هو .. ويوم أكون معصبه هو يرخي معي .. يعني ألحمدالله الله يديم المحبه علينا ان شاء الله

[rooraa]

انا مع سويت مون صراحه كلامها تمام
وفي النهاية كلو قسمه ونصيب ان كان حب او تقليدي
انا تقليدي لاكن ما ارفض الي عن حب بالعكس عادي ومراااااااا افرح لما اعرف انو اتنين يحبو بعض واتزوجو
كلو زواج وكلو عشره والي يقول تمثيل التقليدي اكتر شي يمثلو هههههههه
اما الي عن حب تعرفي كل شي حتى مصايبو
وربي يسعد الكل ان كانو تقليدي او حب

[أنجيليا]

طبعااااا الحب .....

[جوري a]

اصابعكم موسوى
وكلها قصمه ونصيب لا تقليدي ولا عن حب محد بيعيش نفس تجربة الثاني

والتقليدي لمجتمعنا افضل
والحب لو طاهر اجمل

[طيوف الابداع]

الزواج التقليدي مافي زيه ابد الحب كل ماله يكبر ويكون متعلق فيك اكثر لانه ماكان يعرفك قبل ويكون يلبي كل طلباتك وانتي تعودينه على اللي تبغينه مو مثل اللي عن حب تكوني تخجلين وتمثلين
اما اللي عن حب فهذا نسبه نجاحه اقل الحب مايزيد يبقى مثل ماهوه ولما تطلبينه حاجه يقول لك اصبري علي ويمثل عليك
لانه بالاصل يكون اغلب حركاته تمثيل
مين معاي يابنات

[مجنونة بحبها]

انا عن نفسي افضل التقليدي وانا تزوجت زواج تقليدي والحمدلله اموت في زوجي وهو يبادلني الشعور اللهم ديم المحبه ولاتفرق بيني وبين زوجي الا عند الموت واتمنى انا اموت اول حتى لااشوف يومه الله يحفظه ويخليه

[أم عبدالرحمن السلفية]

انا تزوجت تقليدي أصلا ما في مجال حب و ما حب