لا تبعدي عن زوجك بالنفاس.... موضوع منقول ..شو رايكم بكلامها؟

[روز بااريس]

موضوع رااايق ويحمس الوحده تحمل وتنفس ....
هههههه
اوكي وقت الحمل بهتم بنفسي وم راح ابعد عنه وبتكون اجمل الايام اذا كان اول بيبي

بس احس صعب التنفيذ خصوصا وقت النفاااس لان العادات انه الوحدة ببيت اهلها عشان الناس وصعبه تروح وتجلس ببيتها وهي تعبانه وم تلقى احد يهتم فيها خصوصا اذا صار الزوج م يهتم ولايجيب لها خدامة ومستحيل يجلس بالبيت يقابلها ويراعيها
بيطفش
احسها من حق الزوجه لترتاح وتسترخي مع اهلها وتكون فترة شوق كمان ..


وجهه نظر *_*

[دلع سارة]

يا هلا بك أختي روز

ربي يبلغك بالحمل القريب ومشكوره للتفاعل بالموضوع

يعني الموضوع جدااااا ايزي انه الوحده تروح عند اهلها شويه شوق شوية نقاهه للطرفين
بس لو سألنا الازواج ..... تتوقعين يبي زوجته عنده او عادي ماتفرق معه ؟

تصدقين ما سألت زوجي هههههههه

[روز بااريس]

انا احس لو قلتله بجلس عندك وجيب لي خدامه بيقول اهلك موجودين وبيهتمون فيك ليه تجلسين لحالك خخخخخخ

[H & M]

الكلام فيه معقول وفيه مبالغ فيه بزياده مايصير الوحدة تدخل براسها فكرة خيانة الزوج نهائيا
لأن الفكرة لو دخلت بتكبر والشيطان شاطر أولا خلك واثقة بربك الزواج عبادة والحمل أيضا
واذا الوحدة فينا طبقت حقوق زوجها ووكلت أمرها لربها ماراح تخيب أبدا
أما اللي تسئ الظن وتطبق حقوق الزوج خوفا من إنه يروح يدور على غيرها تكون أسائت الظن
بربها أولا ثم بزوجها الله كفيل بالحب والمودة بينكم فلا تسيئين الظن به أبدا ولاتفتحين باب الشيطان بينكم
لأن أحب شيء للشيطان التفريق بين الزوجين أدري طولت بهالسالفه بس حبيت انبه لهالموضوع المهم
وغلط إن المرأة يكون زوجها شغلها الشاغل مثل ماهو له حياته وأهله وأصدقائه انت بعد لاتنسين نفسك
ولاترهقين نفسك لأننا غالبا ننتظر مقابل وطبع الرجل عندنا ياخذ أكثر من مايعطي وكذا بتسببين لنفسك احباط وألم داخلي أما بالنسبة للنفاس احنا نمشي مع العادات والتقاليد ونحسها ضروري اربعين يوم
موب شرط متى ماحسيتي انك ارتحت واخذت فترة نقاهة ومستعدة ترجعين لبيتك ارجعي وأنا أحس
كل وحدة وعلى حسب نفسيتها والبكريه مو مثل اللي مجربة وعندها خبرة وانت ناقشي هالموضوع مع زوجك
وشوفي وجهة نظره حلو لما نناقش كل شي يخص علاقتنا مع الزوج مو ناخذ أي كلام نقراه ونطبقه
يعني فيه أزواج يتفهمون وضع المرأة ونفسيتها وعارفين انهم ماراح يقدرون يتعاملون معها وقت النفاس
يعني هو بيفضل تكونين عند أهلك ولاننسى ان المولود الصغير يبي معاملة خاصة بعد
ومن قال ان فترة الحمل كلها تعيسه وكئيبه بالعكس مليانه لحظات حلوه والحمل مو معناته اننا نهمل انفسنا
أو أزواجنا
واخر شي بقول كل وحدة تعرف زوجها وتعرف اللي يحبه واللي مايحبه واللي يرضيه واللي يزعله
لاتسمعين نصايح وعلطول تطبيقين يمكن هالنصيحه تمشي مع غيرك بس انت تسبب لك مشاكل

[ام فوفه]

يديكي العافيه

[آروى الورد]

بصرآحه موضوع رآئع وكلآم سليم

بس مهمآ كآنت نفسية الوحده بالحمل او بالنفآس لآبد من مرآعآة الزوج لهآ

لأنها جآبت له آحلى نعمه ولابد انه يقدرهآ

تصدقون هذآ رآبع حمل لي وولآدتي بعد 3 اسابيع بأذن الله

وعندي بنت تدرس كنت آفكر اجلس عند آهلي اول اسبوعين لمآ آولد

ومتردده من شهر افكررر اروح او ارجع بيتي

الحين قررت ولله الحمد اني برجع بيتي وآن شآء الله توصل الشغىله قبل لآ آولد وآرتآح احسن ببيتي

وطبعآ مآبقصر ولا بهمل نفسي وقت النفآس

الله يسهل على الكل

تحيآتي

[ام اسكندر]

كلامها كله صحيح عدا اعطاء البيبي للشغالة

وبالنسبة لي الموضوع هذا فعلا اثر على حياتي
لاني اصريت ع النفاس ببيت اهلي اربعين يوم كاملة
فكانت النتيجة ان زوجي خانني
وفعلا هو كان يعتبر انها تسلية خلال الاربعين يوم .. بس للاسف كل حفرة تجر لحفرة غيره ودام تعرفه ع البنات الى يومنا هذا
لذلك انصح كل واحدة ماتترك زوجها ابد
لانهم فعلا مايفكرو الا بتفسهم وانتي اللي حتخسري

[آروى الورد]

ايه صح نسيت موضوع الشغآله

انا بصراحه ما اقدر اعطي البيبي للشغاله مستحيل اثق فيها

[ماما ميمي123]

اعجبني حماسك وطرحك للموضوع
واتفق معك في اهتمام الحامل بنفسها وزوجها وبيتها
انا طبقت 90% من كلامك حاولت قد ماقدر اني ارتب شكلي وبيتي قدام زوجي وامتعه قد ماقدر عشان مايحس بفرق مع اني من داخلي ميته تعب..
بس اختلف معك في نقطة اخلي الطفل مع الخدامه انا ماحب الخدامه تنام عندي في بيتي ولا احب اخليها مع الاطفال وتطبخ لااااا
احب تقوم بتنظيف البيت وتخلص شغلها بدري وتروح غرفتها برا البيت عشان اخذ راحتي انا وزوجي في بيتنا..
وفيه نقطة بعد تعب الحمل مايروح بسرعه يعني احسه مو حلوه تصير تعبانه ومسمره وسمنانه في فترة الحمل وتقعد النفاس بعد عند زوجها لان سمار الحمل ماييروح بسرعه وهي يبغى لها راحه تامه واكل مفيد يعني من يطبخ لها اذا كانت في بيتها؟؟
وكمان لازم يشوفها زوجها وهي في تعبها عشان يقدرها ويعرف انها تعبت عشان تجيب له البيبي وان الحمل والولاده مو شي هين..

شاكره لطرحك استثارني بسرعه..

[المتميزه بلاس]

انا بالنسبه لي نفاسي ببيتي
وامي تجي كل يوم هو تعب بس اريح ببيتك من اول مولود ببيتي