دردشة حوامل أهل الرياض - دردشة بنات الرياض - تجمع حوامل الرياض

[ام فهوود]

السلام عليكم ياااابنات كيفكم وش اخبار الحمل
راجيتن الله اي في 20 /1 بالهجري هذا كلام الدكتوره
مادري احسها غلط لمن اشوف بطني خخخخخخخ
على العموم وين التجمع

[أمونه*]

المرعوبه ..لاتقولي هذا الكلام إن كنت اقدر افيدك بإذن الله مااقصر
وانت اخت عزيزه

لما انا رحت إستشاريه صارت تعطيني حبوب منع حمل وقالتلي استمر عليها ست اشهر بصراحه انا ماارتحت للموضوع خليتها

رحت عند دكتورتي قالتلي مايبغى هذا الشي وماله داعي لأن عندي ضعف بالإباضه وحبوب منع الحمل وبإستمرار بدخلني بمشاكل
وصارت تعطيني حبوب منشطه وبعدها إبرة تفجير وفعلاً كلامها كان صحيح ماعاد فيني اكياس لأن البويضه صارت تطلع

لأن الأكياس هي بويضه مااكتملت او اكتملت بس لأنها ماطلعت تحولت
لأكياس

انا للأمانه مااقدر اقولك خلي اولا ... انا بقولك شي ثاني
لما تروحي للدكتوره قوليلها ابغى متابعه إباضه يعني(منشط وابره تفجير)
عشان احمل وبس... وشوفي وش تقولك ...إذا ماارتحتيلها روحي لغيرها وشوفي وش القول يمكن يكون احسن

[أمونه*]

سوسو ..هلا حبيبتي ... شلونك

مساهير الشوق ... الله يكثر خيرك ..إن شاء الله تشوف كلامك
لا إله إلا الله الحمد لله على سلامة ولدك .. اول مره اسمع ان الثلج مضر
كثير بنات سألوا عن هذا الشي ... مشكوره
يعني برأيك مانمشي ونتعب على الفاضي .. والله احترنا وش نسوي


الدلوعه .. شلونك ..طمنينا خلصتي تجهيز ..الله يعينك
الحمد لله اموري طيبه .. دعواتك الله يسهلها

ام ركوني .. هلا فيك يالغاليه ..يسعدني إنك ترتاحي .. الله يقومك بالسلامه

ام فهود .. لا تشغلي راسك بحجم بطنك مادام الدكتوره قالت إنه طيب والوزن تمام خلاص إنسي كل الكلام واستانسي بحملك

[ام فهوود]

ام الاسمر الله يهون عليك والله ردودك تشرح الصدر والله اني انتظر على جمر ابي اعرف اللي ببطني بنت ولا ولد امس رحت سنتربوينت عندهم تخفيضات وشفت ملابس المواليدنويت اشتري بدله وحده وهونت اشوفه بدري وشكلي بروح اخذ وحده ووووووووودي

[أمونه*]

ام فهود .. الله يشرح صدرك وييسر امرك دايم يالغاليه

إييه وش فيها ياريتك شريتي لون محايد لين تعرفي جنس المولود

انا مااقدر لما ادخل قسم المواليد لازم اشتري شي هههههه

اموت لو ماشريت تعجبني الأحجام والله لما تشوفيهم ياصغرهم

ومع الأيام ماشاء الله بيصيرون رجال وبنوتات كبار .. سبحان الله

الملابس خيم والجزم وانت بكرامه سفن ... الله يفرح قلوبنا بعيالنا ويحفظم

[ام ركوني]

الله يسمع منك يأم الاسمر

مشكووورهـ


الدلوعه اي والله يالغلا هم ساكنين بعيد عن الرياض وجو علشاني الحمدلله ماعند زوجي خوات ولا اخوان

بس ام زوجي وابوه وخدامتهم الله يعطيها العافيه ام زوجي مافيه مثلها

[حاملة قيمي]

مراحب بنات
بسألكم عن ام جنى معنا في تجمع ذو القعده
واشوفها برضو بتجمع الرياض احيانا
بس الحرمه لها فتره منقطعه ..
عسى المانع خير وهي من النوع النشيط
بردودها ..اللي عندها خبر تطمني الله يطمن قلوبكم
ع اللي في بطونكم

[أمونه*]

المشاركة الأصلية كتبت بواسطة حاملة قيمي

مراحب بنات
بسألكم عن ام جنى معنا في تجمع ذو القعده
واشوفها برضو بتجمع الرياض احيانا
بس الحرمه لها فتره منقطعه ..
عسى المانع خير وهي من النوع النشيط
بردودها ..اللي عندها خبر تطمني الله يطمن قلوبكم
ع اللي في بطونكم

والله ياقلبي ماادري انا دايم كل شويه اسوي نداء واسأل ام جنى وينك

بعد فتره تدخل تقول إنها ماتقدر تدخل كل شويه عشان التزامها في البيت والعيال

وإنها مشغوله على طول

الله يكون بعونها .. إن شاء الله تدخل وتطمنا عليها ...

[حاملة قيمي]

المشاركة الأصلية كتبت بواسطة ام الأسمر

والله ياقلبي ماادري انا دايم كل شويه اسوي نداء واسأل ام جنى وينك

بعد فتره تدخل تقول إنها ماتقدر تدخل كل شويه عشان التزامها في البيت والعيال

وإنها مشغوله على طول

الله يكون بعونها .. إن شاء الله تدخل وتطمنا عليها ...

يسلمو يا عمري ع الرد ..
الله يحفظها .. ويطمنا عليها

[سندس]

السلام عليكم
كيفكم ان شاء الله طيبين
انا كروشه مثلكم
عند سوال محيرني
ياليت احد يترجم لي الكلام اللي مكتوب في شريط الحمل