دردشة حوامل من الشهر السابع للتاسع ( جديد )

[Orchid109]

طفلة خذت قلبي

انتي بكرية خلينا نضحك عليهم بكرة لاولدنا

ماما حياتي


أبدن ماحسيت باي تقلصات
إذا تكررت عليك وقفي العلاقة لفترة

[ورد القلوب]

Orchid109 ... مو لهدرجة تاخدي شقة
جنب المستشفى

والبكرية تطول في ولادتها....... <<< دكرتيني بلما كنت بكرية على بالي مثل التلفزيون بجي الالم بثواني واروح اولد

والم الولادة يختلف من وحده للثانية .. في ناس ما شاء الله الم خفيف في الظهر او البطن ويروحوا يقولوا لهم ولادة

والبعض العكس .. زلازل لا جت الولادة

اما الصريخ يعتمد على مقدار الالم اللي يجي وقت الولادة
اني الكل يقول عني حياوية وصوتي مايطلع

لكن وقت الولادة ... مابقى احد بالمستشفى الا وسمع صوتي
كنت اصرخ بدون شعور من الالم

[شوق الياسمين]

لارين
تسلمي يا قلبي على الدعوات الحلوة يارب تمر الأيام بالسلامة وإلا صغيرك بأحضانك سالم معافى

اوركيد
الألم بيكون منتظم بس محتمل اذا استمر منتظم وصار يزيد ويتقرب ومايروح الألم بالماي الدافي او الحركة يعني طلق حقيقي
وطالما محتمل اكيد مافي صريخ ههههه

والتوسع على عدة مراحل والعملية كلها للبكرية ممكن توصل 12 ساعة.. اقل او اكثر
المرحلة الاولى خفيف ومحتمل لحد مايفتح 3-4 سم واول مايبدأ متباعد
وبعدها يصير أقوى وتبدأ الولادة النشطة ويكون قريب كل 2-5 دقايق
ومن 6-7 سم يكون شديد جدا لحد ما يوصل لـ 10 سم لأن الراس يبدأ ينزل بالقناة وهي اسرع مرحلة توسع

ومن القصص اشوف اللي تصبر ماتروح بدري لما توصل المستشفى يكون 4-6 يعني لما يشد مرة ما بتقدري تنتظري في البيت اصلا بس فيه ناس ماشاء الله وهم قلللة نادرة جدا ما يجيهم الألم إلا لما خلاص تجي المرحلة الاخيرة! لو عندك بالأهل ام اخت خالة ما ياخذون وقت طويل بالطلق لا تتأخري

[Orchid109]

ياقلبي انتي والله من الخوف

خصوصاً الولادة بتكون بالعسكري وبيتي مرة بعيد وطريقي كله حفريات وزحمة موت واخاف اولد بالطريق
خخخخخخ وساوس

لاتنسين القصص اللي قريتها تلعب دور

وحدة والدة بالبر ووحدة ووحدة بالطريق وولدت

ووحدة على باب المستشفى

انا بصراحة اللي ربي كاتبه بيصير
بس خوف لا اكثر

وصدقتي هو على حسب الالم بس فيه بعضهم زي ماقلتلي هي سهالة من الله

انا بصراحة اتذكر لما سويت اشعة الصبغة يالله ان شاء الله ماتحتاجها اي وحدة
عشان تاخر الحمل

لما سويتها بغيت امووووت يالله شي شي فضيع

وصرت ابكي وفيه صوت اترجاها توقف بس مو صراخ بس صوتي كان عالي لما كنت ابكي وكذا

وقالتلي الدكتورة هذي ولادة بس بدون بيبي !

وصديقتي نفس الشي سوتها وهي جتني وقالت الامها الام ولادة ! وبغت تموت نفس الشي !

ماردري اذا المها نفس الم الولادة او لا

بس عن جد كانت مو طبيعية الامها

[Orchid109]

شوق الياسمين


ماشاء الله عليكي كفيتي ووفيتي وريحتيني بصراحة

لا امي واختي كانو يولدون بس عمري ماسمعتهم يبكون او يصرخون

يمكن بالمستشفى شي ثاني الله اعلم عاد وراح اسألهم بهالنقطة

[ام دحومي1]

حوامل رحت حللت الهموقلوبين لقيته10,60
مشكلتي ان حبوب الحديد ياذي معدتي ويزود عندي الامساك
ابي تجاربكم ف رفع نسبة الهموقلوبين ،لاتطنشوني الله يفرج كربكم

[عسوله مكه]

انا خلصت الاسبوع الاول من التاسع
وفيه تحجر من الجهه اليمنى لبطني ومن تحت حركه بسيطه في نفس الوقت ،،،،والالم بلجسم وخصوصا القدم وتنميل ؛؛؛؛؛هدا يدل من علامات الاولاده ؟؟؟؟؟!!!
احد يفيدني

[Bird]

مساء الخير صديقاتي

بنات تلاحظون اوقات لاغيرتو البانتي بقع مويه؟
مادري هي افرازات طبيعيه ولا موية الجنين اخر سونار بالشهر السابع
سويته قبل اسبوعين قالت مستوى المويه طبيعي
لكن هالبقع مستمره وانا داخله الثامن لحين وبديت اخاف منها


شكرا للي ردو علي الله يجزاكم خير

[يالله رضاك والجنه]

اهلين اختي بقع المويه أظن افرازات لان انا تنزلي نفسها احس ببلل بس يوم أشوف الا شي مرا بسيط كأنها نقطه عادي افرازات تكثر بالشهور الاخيره من الحمل وتكون سائله وبيضا



بخصوص الدم يقولو الشمندر جيبي كم حبه صغار معاهم برتقال المراعي ولا انتي اعصريه بالبيت وكل كوب حبه صغيره شمندر بالخلاط وبعدين صفيه واشربيه وإذا حبيتي سكر حطي

وكمان وحده من البنات الله يجزاها خير قالت لي على الزبيب اليماني انقعه ساعتين وبعدين احطه بالخلاط واشربه

وانا ماشيه على ذا الأشياء مع حبوب الحديد وان شاء الله تحسن الدم لسه مارحت حللت

وعلى فكره عصير البرتقال يقوي الدم ويسوي ليونه ما يسبب إمساك وكثري عنب يلين لك بطنك زي البرتقال هادا عن تجربه فيني والحمد الله وضعي تمام


دعواتك يا بعد عيني

[شذى الجنوب]

صباح الخير....