دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[اموورة وكتكوتة]

هلا بنات
كوكو الحلوة ان شاء الله ححاول استرخي لما اروح الدكتورة .. بس الله يستر ما اتضارب معاها ههههههه.. وبالنسبة للمفرش بصراحة مررة غالي السعر لانو انا ما ابغا 35 قطعة وما حستفيد منهم .. انا ابغا بس مفرش للسرير والمخدات وبس .. وشكلي ما حسوي خلاص لانو مافي وقت ودحين مررة زحمة وانتي شايفة كيف..

فوشية وحشتيننننننني مررره يا بنت والله .. ان شاء الله اروح المحل اللي قلتي عليه في الزاهر بعد الحج هادا اذا ما ولدت دحين ههههه

موني كيفك وكيف بنوتتك ؟؟ وحشششتيني مررتين مو مرره ان شاء الله
تكوني بالف عافية

بنات كلكم كيفكم؟؟ فيينكم التجمع صار فاضي خير ان شاء الله؟؟

[نلي خانم]

سلام حبيباتي
كيفكم يابنات يارب تكونوا جميعا بخير

أنا اليوم مصحصه من بدري وكل شوي أقول ألحين بقوم أفطر ومافي ألا هرج مع أختي في التلفون وماقمت فطرت ألا قبل شوي من القرقر بصير سنعه مثل الحوامل أقوم بدري وأفطر وأخرتها فطرت على الهرج والسواليف

بنات بالله عليكم حاسين بالحج أنا مدري مو حاسه بشي يمكن لأني ماأخرج ومو شايفه حاجه والله فرق عن السنه الماضيه لما حجيت شفت كل حاجه على الطبيعه والسنه هذي مو حاسه بشي أبدا ياالا الحمدلله أهم شي البوبو يشرف بالسلامه يارب

أموره
كيفك يادبه وحشتيني والله فعلا التجمع صار فاضي بس أنا أقول يمكن لأن الأجازات بدأت والبنات راحوا لأهاليهم ومشغولين معاهم على العموم الغايب عذره معاه أهم شي يكونوا طيبين
أنا أمس مادخلت لأن الشغاله كانت عندي وحايسين البيت وتنظيف وغسيل ملابسي وملابس زوجي كنا مسوين حالة أستنفار بالبيت وبعد ماخرجت قلت خليني أنام ولما دخلت في النوم يصحيني الجرس وأقوم أفتح الباب وأنا مو قادره خلاص ميته أبغى النوم ألا هي الشغاله الثانيه جايه تكوي الملابس قلت لها أنا تعبانه والملابس كلها مبلله لأن كنا غاسلينها ومامداها تنشف قلتلها خلاص تعالي السبت
والله من النوم لما جيت أفتح الباب لبست روب الأستحمام خربطت مالبست روب الأستقبال
تخيلي شكلي بس وأنا لابسه روب الأستحمام ورايحه أفتح الباب بس والله من النوم والسهر تعبانه ومو شايفه حاجه

[كوكو الحلوه]

كيفكم كروشات والبيبي ان شاء الله بخير
اموورة تقدري تاخذي بس المفرش والمخدات مو شرط تاخذي كل الطقم وسعر راح يطلع قليل يمكن على 300او400عارفه انتي تختاري ويش تبغى من الطقم

[اموورة وكتكوتة]

نلي كيفك يابطة؟؟ وانتي وحشتينا كمانه .. هههه ضحكتيني فتحتي الباب بروب الحمام تخيلت شكلك ههههه.. بسك سهر ونوم متاخر عشان البيبي..

وبالنسبة لزحمة الحج ايش تبغي تحسي فيها ؟ خليكي بعيدة احسن عشان النونو ..

كوكو الحلوة ان شاء الله بشوف بعد ما يخلص الحج عشان دحين خلااااص مافي خروج اهئ اهئ..

بنات انا بعد شوي رايحة عند اهلي وحرجع بعد الحج ان شاء الله عشان زوجي مو فاضيلي عشان يبغا يشتغل بالحج الله يعين ..
حكلمكم من هناك بس مو دايما حسب الظروف .. يمكن اولد عندهم دحين اليوم مررره كنت تعبانة وجالسة استفرغ الله يكرمكم من الضهر وما اكلت شي لين ادان المغرب والله ماساة..

ياللا مع السلامة ادعولي تتيسر اموري .. احوبكم كلكم ..
اممممممممموووااااه لاحلى بنات مكة

[انشودةمطر]

كيفكم ياحلوين والله لكم وحشه

[أم رتوجة]

السلام عليكم
كيفكم يابنات ؟
أنا جديدة في المنتدى وفي مكة كمان
انبسطت لما شفت المنتدى والتجمع وعلى طول سجلت معاكم
ومااعرف أحد كمان
حاليا في الأسبوع الأول من الثامن
وراجعت عند الدكتورة مرفت فاضل اللي في الصفوة في العزيزية وقالوا على صفاء نحاس
لكن أنا محتاااارة وين أولد والله مااعرف الاماكن هينا والمشكلة ان الطفل راسه فوق ومرفت قالت لي قيصري وماسألت أحد غيرها
طيب ايش رايكم بالمستشفيات الحكومية وخاصة مستشفى النور
وكمان مدحوا لي مستشفى بخش والله ماادري فين أرووح
محتاااااااااارة يارب يهونها عليكم وعلي ويفرحكم بشوفة أطفالكم يااااااارب

[أحلى موني]

اموره وكتوكوته ونلي خانم وانشوده مطر
انا وبنتي والبيبي الحمدلله بخير ومايوحشكم عدو يارب وان شاء الله على طول تكونو بخير

ام رتوجه منووووووووووره والله وحياك بيننا اخت عزيزه وغاليه
وبالنسبه للولاده في الحكومي اكتر شي يمدحون حراء

وخاص باشراحيل وبخش

والله يقومك باسلامه ويتمم حملك وحملنا على خير

[ام يسوري]

السلام عليكم
كيف حالكم يابنات
مين سهرانه مثلي من الخوف ما ادري ليه كل ماروح مراجعه للدكتوره مايجيني نوم بس افكر
عشان بكره الصباح رايحه للدكتوره

[ام ميسومة]

اهلين ام يسوري والله يسهل عليك
ليش الخوف المفروض تتحمسي
انا ماانام عشاني مشتاقه لشوفت البيبي واتطمن عليه

[ام يسوري]

هلا ام ميسومه
انا مشتاقه بس الخوف ما ادري حتى لما اروح ويجي دوري والله يابنات مغص في بطني لين اسوي الاشعه وتطمني
ادعولي بروح احاول انام عشان اصحى نشيطه الصباح
و اناشاء الله لما اجي من الدكتوره اخبركم ايش صار معاي
استودعتكم الله