دردشة بنات المدينه المنوره - تجمع حوامل بنات المدينه

[رحيق الورد]

السلام عليكم
كيفك غنج اخبارك
سوما وحشتيني فينك كنتي مختفية
احلى ليان تسلمين على السؤال كيفك الحين خلصتي نقل ولا لسه الله يعينك
الورد الناعم اخبارك اية
كل الحلوات

[ابتسامه امل]

همسات مشكووره اختي ماقصرتي
طيب انا اخذ تحويل من المستوصف طيب هم كيف يحددوا استشاري او اخصاىي يكشفوا علي ولاا اول مايشوفوا تحويل من راسهم يحطوا وانتي عند مين تراجعي وكيف كويسه او لا
سامحيني على كتره الاسيله

[همسات الندى]

المشاركة الأصلية كتبت بواسطة ابتسامه امل

همسات مشكووره اختي ماقصرتي
طيب انا اخذ تحويل من المستوصف طيب هم كيف يحددوا استشاري او اخصاىي يكشفوا علي ولاا اول مايشوفوا تحويل من راسهم يحطوا وانتي عند مين تراجعي وكيف كويسه او لا
سامحيني على كتره الاسيله

عادي حبيبتي خدي راحتك
انا اول ماحملت رحت اخدت تحويل من المستوصف وكانت مراجعتي عند دكتورة ما ازكر دحين ايش اسمها بعدين حولوني عند استشاري لانو كان عندي قبل كده ولاده مبكره في الخامس

[ابتسامه امل]

صباح الخير مشكوره اختي همسات ربي يجزاك كل خير

[MميميM]

السلام عليكم ورحمة الله و بركاته
يابنااااااااااااااااات المدينة
كيف حالكم وايش اخباركم مع الحمل,,؟!
انا ميمي من اهل المدينة طبعا بس ساكنه في ينبع
انا في الشهر الثالث وبعد اسبوع راح ادخل الرابع بإذن الله اول حمل ليا بعد اجهاض السنة اللي فاتت,,
دخلت قروب اهل ينبع مررررررررررره نايمين مافي احد قلت اجي هنا
~~~~~~~~~~~~~~~
ياحلوات اغلب كلامكم عن المستشفيات والدكاتره
غيرو شويه خلينا نعرف محلات حلوه اشتريتي منها للنونو
محلات فيها تخفيضات ,, اتعاملتو مع وحده مثلا تعمل التقديم
يعني اشياء زي كدا........
يلا استناكم لاتتأخرو

[العنود خالد]

اهلين ميمي كيفك
انت عرفتي دحين انك حامل بولد او بنت ولا لسع لاني انا في الشهر الثالث ونفسي اعرف اناحامل بولد ولابنت وابغ اعرف يبان دحين ولا لا لاني اول حمل زيك

[MميميM]

اهلا فيكي الحمدلله بخير ياربي لك الحمد
لا لسه ماعرفت
بس انا سألت اكتر من وحده
يقولو انو ممكن يبان في الشهر الرابع او الخامس او حتى السادس
وحده تقول الين الشهر السادس حتى عرفت لانو كل ماتروح تكشف
يطلع النونو مقفل رجوله ياناسو عليه

حتى انا مرررره نفسي اعرف
ان شاء الله بعد اسبوع عندي كشف يارب يبان واذا عرفت اقولك

[العنود خالد]

انا بنت المدينه بس ساكنه في الرياض لمن اروح السوق واشوف ملابس الاطفال اتجنن نفسي اخذها شكلها يجنن حلللللوه خصوصا في سنتربوينت عنده ملابس اطفال مررررره روعه ودحين عنده تخفيضات حلوه
بس بدري اني اشتري ملابس للبيبي عشان لسع ماني عارفه بنت ولا ولد

[MميميM]

ياهلا فيكي والله
ايوا صح حتى انا
هداك اليوم ماما نزلت السوق في المدينة
تبغى تشتري اغراض للنونو تقول احترت ماعرفت ايش اشتري
لقيت بربتوزات لونها بيج اخدتها كان شكلها حلو
قالتلي اول شي اعرف بنت ولا ولد عشان اشتريله على راحتي
عشان اول حفيد لها وفرحانه حياتي عليها

[sooma1]

غنوجـه الله يعين ياروحي اي صح كثري رضاعه طبيعيه يقولون تعطي منآعـه

رحيق الورد ياحياتي مايوحشك غالي انتي اخبارك وكيفك البيبي ؟!