دردشة بنات فلسطين, دردشة حوامل فلسطين, تجمع بنات فلسطين

[لولو حمادة]

ام عزمي انا مابعرف اعملو بس طلبت من احساس اتجيب الطريقة
بس المندي بيكون رز
الجاج اللي بتحكي عنو اسمو كمرة

[لولو حمادة]

ادن المغرب بدي اقوم افطر باي

[أم عزمي]

مسا الخير
يسعد مساكي ميسا
منورة عيون المها
هلا بيكي بيننا غزاوية
غموض و عسولة ما شفتهم بين صفحات الدردشة شو أخبارهم؟؟؟
كل الصبايا المتواجدين و اللي مش متواجدين يسعد مساكم حبيباتي

[Heba T]

غزاوية

انا بصراحة بشوف مدارس الوكالة اقوى من دار الارقم

دار الارقم بعملو غسيل مخ للاولاد بطلعوهم حماس 100٪ , اذا قادرة تودي على مدرسة خاصة شوفي اي مدرسة تانية تبقى منيحة

[احساس أنثى]

مسا الورد صبايا شو لسى ماافطرتو وينكم ؟؟

أم عزمي يلي طلبت طريقة المندي جارة القمر انا كتبتلها الطريقه البيتيه الطريقه يلي بتحكي عنها بعملوها المطاعم او يلي عندو ارض وفي الارض في برميل للمندي ... مش بقلك كل شيف والو طريقتو ... اهلي عندهم البرميل وبعملو فيه طبعا اشي ازكى رهيب بجد ....

هلا بيكي غزاوية بينا ان شاالله حتنبسطي معنا وهون حكينا عن كل شي مش بس الحمل عادي خدي راحتك ...شوفي المدرسة الخاصه الها مميزات انو متل ماحكتلك ميسا اغلبهم ناس راقيه واخلاقهم عاليه وعندهم تشجيع اكتر .. بكل شي

والوكاله كمان كويسه لانو تدريسها قوي جدا ... حتى بسمع انو الاختبارات مستواها اعلى من مستوى الطلاب .. فما بعرف انا بقول يمكن المدارس الخاصه لو قادره لانو البنت حتفضل لحد الثانويه حتتعود وصعب لو رجعتي تنقليها لمدرسه عاديه ...

لولو نسيت انك بالامارات حكتبلك الطريقه ولا يهمك ... حالا بالا من عيوني ^_^

ميسا احنا بخير دامك بخير ياعسل ...

[احساس أنثى]

البرياني على طريقة الشيف حماتي ^_^
1- نضع في طنجره 3 بصلات مقطعات ناعم مع راس توم مطحون .. نقلبه شوية بعدين بنضيف بندورة بعدد 6 حبات طبعا كمان مقطعه ناعم ممكن تشيلي قشرها وممكن لأ زي ماتحبي حماتي مابتشيل القشر يبقى على النار يتقلب لحد ماتدوب البندورة

2- الدجاج طبعا مقطع وفي طنجره تانيه ينطبخ متل مابتعمليه يكون ماخد البهارات وكل شي بس نضع في الميه تبعتو فص ثوم حب و3 عودان قرفه وحب هان وورق غار وقرنفل .. لحد مايستوي

3- الدجاج استوي نطلعوا ونحطوا فوق البندورة يلي بالطنجره ونقلبو عشان ياخد نكهة البندورة

4- نصفي مرقة الدجاج عشان نطبخ فيها الرز بدل الميه العاديه ... ونحط على المرقه بهارات البرياني مع اضافه الملح اذا احتاج الامر لأن ممكن المرقه تكون مش محتاجه ملح ولا شي ...

5- لما يسير الرز نصف استوى نحطوا فوق الدجاج والبندورة لحد ماتنشف ميتو ... بتكون الاكله جهزت .. وصحتين وهنا ..

ملاحظه : الكميه هادي على كيس رز بسمتي .. وحماتي احيانا تضيف رشة صغيره من الصبغه عشان تعطي الرز لون ممكن لأ زي ماتحبي ... البهارات اسمها شان بالانجليزي هيا الاصليه ... اذا حسيتي البندورة زلت ميه كتير لاتكتري ميه على الرز عشان مايخبص معك لانو حيشرب ميه البندورة كمان

[احساس أنثى]

بدي اروح اتمشى انا ورمت اخي بالشارع الأول ... واجيكم بس تيجي الكهربا ,,, ان شاالله الاقي حد اتونس بيه بالليل مش تكونوا نايمين ^_^

[Heba T]

احساس خديني معك

والله نفسي اطلع

[أم عزمي]

و الله شي حلو حبيبتي
بس يمكن الدردشة عشوائي أحسن لأنه ما بيكونوا كل الصبايا متواجدين بنفس الوئت

[maisa odeh]

المشاركة الأصلية كتبت بواسطة أم عزمي

و الله شي حلو حبيبتي
بس يمكن الدردشة عشوائي أحسن لأنه ما بيكونوا كل الصبايا متواجدين بنفس الوئت

اكيد ام عزمي راح تكون الدردشه مفرئه لانون ما عنا القدره نتجمع ساعه محدده ع الصفحه كل حدا بكون مشغول المهم بالنسبه الي الفائده وانشالله الله كريم كيفك انتي هلا انشالله احسن