دردشة بنات فلسطين, دردشة حوامل فلسطين, تجمع بنات فلسطين

[Heba T]

احكيلك شغلة بردو مش صح انو نعزل البنت وما تتعامل مع الاولاد بالمرة بالعكس انا بشوف انها تتعلم كيف تتعامل معهم باحترام حتى لو صار معها اي اشي بعد هيك لا سمح الله تقدر تتصرف من الموقف


تنسيش انو انت اللي بتقوي شخصية بنتك وبتخليها تتصرف صح وين ما كانت تكون

[غزاوية]

لااااااااااااا يعني انتي ممكن تحطي بنتك في مدرسة مختلطة وتقعد وتتعامل مع اولاد اسمحيلي انا مش معاكي في النقطة هاي

[عيـ‘ـون المهـ‘ـا]

لـ‘ـولـ‘ـو حمـ‘ـاده
صحـــه و هنا بالعافيه حبيبتي..
ميــ‘ـســا
هلا عمري كيفــك؟كيف الاولاد
ما يوحشك غالي ان شاء الله..انااا اموري تمام بفضل الله
ان شاء الله ما بتتعبي بالصيااام
بضم صوتي الك و كتير حلوه الفكره انو نتناقش بشي مهم و نتبادل الاراء
و انتي اقترحي اي موضوع و نحنا منحكي فيه
مسائك سعيد

[عيـ‘ـون المهـ‘ـا]

ايه امــ ‘‘عــزمي’’
حبيبتي المكان منور بوجود
دائما التشطيف انضف و افضل للبيبي
اناااا ما بستعمل الوايبس إلا اذا كنت مستعجله او طالعه شي محل ’’صحيح كنت بدي اسألك كيف هويدا و الحمام لانو في بعض البيبهات ما بحبو المي وقت الحمااام و بضل يبكو طول الوئت,,و في هاديين بحبو المي ههههه..و ان شاء الله انتظم نومها
احلى بوسه لهويدا دلوعة ماما
يسعد مساكي و كل اوئاتك

[أم عزمي]

المشاركة الأصلية كتبت بواسطة عيـ‘ـون المهـ‘ـا

ايه امــ ‘‘عــزمي’’

حبيبتي المكان منور بوجود
دائما التشطيف انضف و افضل للبيبي
اناااا ما بستعمل الوايبس إلا اذا كنت مستعجله او طالعه شي محل ’’صحيح كنت بدي اسألك كيف هويدا و الحمام لانو في بعض البيبهات ما بحبو المي وقت الحمااام و بضل يبكو طول الوئت,,و في هاديين بحبو المي ههههه..و ان شاء الله انتظم نومها
احلى بوسه لهويدا دلوعة ماما

يسعد مساكي و كل اوئاتك

حبيبتي تسلمي راح توصلها البوسة انشاء الله بالنسبة للحمام هدهدتي بتحب الحمام وبتنعنش كتييير ما شاء الله عنها و نومها لاحظت انه بدا ينتظم يعني من 3 إلى 4 ساعات بتصحى مشان ترضع و بغيرلها الفوطة أو من ساعتين إلى 3 ساعات يعني

[إم يامن]

غريبة ارائكم بالنسبة للمدارس المختلطة واقفين ضدها لهدرجة والامر مش مستاهل خالص

انا من وقت مدخلت مدارس من الابتدائي للجامعة للمجال العملي والمهني وانا باجواء مختلطة عمري مادرست بمدرسة بنات لحال ولا حد من خواتي درس بمدارس ولاد لحال
الترباية الصح بتبدأ من البيت ان ربيتي صح رح يكبر ابنك او بنتك صح لا تقوليلي مدارس دينية ولا تقولي مدارس راهبات لانه انتي ما بتعرفي شو ممكن يتعلمو هل حيعلموهم الدين الصح اوالتزمت الي بلا معنى انا من رأيي علمي ابنك او بنتك من صغرهم يتأقلمو مع الحياة وظروفها لانه بكرا بس يكبرو رح يسير عندهم كل شي هجنة وهدا غلط بيكبر الولد بسير بالمراهقة بده بس يعاكس بنات ويتعرف عالبنات والبنت بضلها تفكر انه بس بدها تفوت الجامعة لتتعرف عشاب وتتجوز وكل هالشي غلط

لو من صغرهم يربو انه زميتلك بالصف هي متل اختك تحترمها وتتعامل معها بأدب واخلاق مارح يطلع يشوف البنت هجنة

انا بحب الوسطية بالامور متل مبربي البنت بربي الولد لا بعمل على البنت ساتر وحجاب واقيدها لاخنقها وتسير تعمل اشيا من وراي ولا بعلم ابني انه كل شي متاح اله بماانه هو الولد والمجتمع ما بعايبه هدا كلام فاضي

الااخلاق اخلاق سواء للولد او البنت والترباية الصح بتعلمها الولد من بيته مش من مدرسته

[Heba T]

حبيبتي انا كنت بمدرسة مختلطة للصف السادس

انا بشوف انو البنت لازم تكون اد حالها تعرف تتصرف في كل المواقف

[أم عزمي]

غزاااوية
حبيبتي مدارس الوكالة ممتازين بالتدريس انتي بتقدري تعلمي بنتك الدين و توصيها انها ما تكلم ولاد و انه لما ييجي ولد عندها تقوله ابعد عني يعني أنا بشوف بنات كتير هيك و بيقولوا عنهم قويات ههههههههه بس حبيبتي البنات خصوصا بتقدري تسيطري على فكرهم و كل البنات بيسمعوا كلام امهم خاصة وهما صغار انتي جربي حطيها شهر بالوكالة و بعدين شوفي لو اشتكتلك منها وديها على الخاصة و بالنسبة للدين اذا بدك وديها على مسجد قريب من بيتك لتحفظ القرآن أنا خواتي هيك

[أم عزمي]

عيون المها
منورانا اليوم يسعد مساكي

[maisa odeh]

صباح الخير صبايا ومنورين


عيون المها انا كتير منيحه والحمدلله بس اليوم وجعني بطني وخفت لاني انا لسه ب الخامس واصلا اول حملي اخددتمثبت وبيبي اسبرين لاني نزلت المهم طمنتني ماما انو يمكن من نئص الميه وحكتلي تعي ل عندي وبنروح ع الدكتوره



غزاوبه صراحه انا ضد انوه ابعد البنت عن الولد او الولد عن البنت واني اغرس من الطفوله فيهم هدا الشي لازم نعودهم على وجود بعض بالحياه ونربي الولد صح والبنت صح انا بالنسه اللي ربيت اخواتي تنين هلا ما شالله وحده توجيهي والتانيه عاشر طبعا يعني كنت دايما معهم بكل خطوه بالحياه وكنت دايما افهمهم انو البنت لازم تكون ائويه وتعرف تتصرف صح ودائما لازم تعرف انوه الغلط بس عليها وراح يضرها بالاخر وما شالله عليهم طلعو شخصياتهم ائويه ما بغلطو وبتصرفو صح لو حطيتهم بين ميت رجال هيك انا بشوف مش انوه نخبيهم ونبعد عنهم كل الاشيا بئصد انوه ما بسير لا
لازم نعطيهم الثقه من همه صغار وانا هلا بنتي صف تاني نفس الشي مين ما بشوفها بحكيلي بنتك ما شالله عليها بتعرف تتصرف وبنفس الوئت بعلمهم على الصلاه الحمدلله وانوه البنت لما توصل لعمر معين انوه لازم تتحجب يعني امور دينيه ودنيونه ببساطه هيك تفكيري لازم نحطهم على الطريئ الصح ونتركهم لانوه ببساطه نحنا مش معهم طول الوئت ونفس الشي ابني

بتمنى ما تزعلي اني خالفتك الراي غزاويه بس انا هيك بشوف الصح

الصح انوه نعلمهم من الصغر انوه الرجل او الانثى شي اساسي بحياتنا ولازم نعرف نتعاملمعهم من همه صغار مشان نرتاح منهم وهمه كبار