تجمع مواليد شهر ( ذو الحجة ) لعام 1434 ه بإذن الله

[ام لموووش]

انا لي الان ١٠ ايام في التاسع حسب المستشفى
بصراحة حملي مر بسرعة وانشغلت كثير مع اني متحمسة
اقضي بس ربي ماكتب واكثر شي محمسني ابي بنتي
تشوف النونو الجديد وتفرح فيه

[ام لموووش]

كنت ناوية اقضي الشهر اللي راح بس كنت توي متوظفة وزوجي انشغل
ان شاء الله اخلص هاليومين

[ام لموووش]

من لاحظت كثرة الافرازات في التاسع انا زايدة عندي هاليومين
اللي عندها خبره تفيدنا وش سببها وهل بتدل على قرب الولادة؟!!

[كآبتشينو]

انا لي اسبوعين تقريبا ماشفت افرازات .. كانت معي افرازا اول التاسع كثيررره بس الحين مافي شي يذكر

حاولي هالاسبوع تشترين اغراض البيبي .. لان الاسبوع الثالث من التاسع مرا ثقييييييييييييييييل ربي يعينك

وروحي محل واحد واشتري منه كل اغراضك احسن لك من المول

[اخت عبدالرحمن]

ام لموش اذا الافرازات شفافه م فيها ريحه هذا يكون طبيعي بالتاسع

[اخت عبدالرحمن]

رووحي سنتر بوينت وقضي لك كل شي موجود احسن من الفرفره خلاص م يمدي

[ام لموووش]

لا الافرازات مش شفافة وانتوا بكرامة لونها ابيض واصفر وغزيرة
بالنسبة لاغراضي زي ماقلتي اخت عبد الرحمن ناوية اقضي من سنتر بوينت مل شي
مرة وحدة وافتك والباقي من الصيدلية بدل الفرفرة
بالنسبة لموعد الولادة حددوا لي ٢٦ /١٢
وحسب حسابهم ان لي ١٠ ايام مدري صح والا غلط
انتوا زيي

[اخت عبدالرحمن]

عادي اذا كانت بدون ريحه المشكله اذا كانت بريحه ومعها حكه هينا يكون خوف فيك التهاب


انا محدددين لي ب ١٢/ ٢٥

بس م تدرين يمكن تكون الولاده قبل او بعد

[راما القمر]

بنات امس واليوم زكمت الله لايوريكم صداع وزكمه وتعب وفوق هذا كله احس بطني متحجره وينزل معي افراز جامد ابيض واصفر

مدري شسوي ماودي اروح للطبيب وخايفه

[غيمة ومطر]

هلا بنات
كيفكن
انا بخير وطيبة والحمدلله
قمت الفجر ع مغص خرافي والم اسفل البطن
حسيت سكاكين تطعني تحت رحت طيران للحمام
اتبول الله يكرمكن لقيت نزلت مني افرازات كثيرة مرة بيضاء مخلوطة بشعيرات دم
وع خفت وقلت اذا هذي سدادة الرحم
خلني انتظر وش يجي بعده
لكن وانا بالمطبخ ازين فطور
حسيت بدباسة تدبس ظهري بالنص من تحت بالضبط
والم مثله تحت عند منطقة الكلوت
وحسيت بشي نزل
رحت اشوف
لقيت افرازات بنية وسخة الله يكرمكن
مثل لما تكوني نهاية الدورة وتبي تستلعن معك اوساخ قبل ما تنزل افرازات بيضاء
لكن مابين الفجر والحين مافي الم ولا شي
بس الالم يكون يوجع لما تنزل الافرازات
عجيب والله
هذي اعراض ولادة ولا شكلي اتخيل ؟!