حبيباتى سيدات ليبيا تفضلو لأعرف ما حالكم

اوشي · 09-14-2013, 12:37 AM

المهم ياحلوات كيف حالكن واخباركن

وعويلتكن وازواجكن

اوشي · 09-14-2013, 12:38 AM

بنمشي نديرطلة عالمنتدى

dr.loly · 09-14-2013, 01:00 AM

لا والله فقدتك يا اوشــــــــــــــــــــــــــــي في بالي قلت اوشي ماخشتش اليوم
وتوا كنت بنسأل عليك وينك لقتيك قداااامي

هدية الخالق · 09-14-2013, 01:09 AM

هدية الخالق · 09-14-2013, 01:13 AM

كنت نكلم في مرت خالي عالواتس قصقصت عالعرس وخذيت التفاصيل من الألف للياء
اااااه هذا وين ارتحت ههههه
ما تفهمونيش غلط مش فضولية هلبة أني غير عرس للعيلة وجعني إنه فاتني نبي الأخبار توصلني كأني حضرت

أثري في مدادي · 09-14-2013, 02:34 AM

السلام عليكم ورحمة الله وبركاته

أثري في مدادي · 09-14-2013, 02:43 AM

أم فرووووووووووووووووسي
حقك علـــــــــــــــــــيّ .............

مقصرة معاك وإنت ما تستاهلي ~~~~

ماكتبتش طريقة بازيني !!!!

أني طبعا فكرته مش عجن خديتها من عزوزتي الله يمسها بالخير ::::

3 كوب ماء
1 وربع كوب دقيق شعير مغربل لو فيه نخالة غليظة
شوية ملح

تضعين الماء فوق النار إلى حد الغليان ثم تجهزي الدقيق في صحن
وتصبينه برفــــــــــــق في قدرك الذي به الماء المغلي
يكون وضعك للدقيق في جهة واحدة بحيث يتكوم كالجبل
وترشقين في منتصفه """ المغرف أو المعصدة """
وتتركينه فوق النار من 25 إلى 35 دقيقة
كي ينضج جيدا
ثم تغلقين النار
وتميلين القدر بحيث ينسكب الماء من القدر إلى الصحن
""وهذا الماء فائدته أنك تأخذين منه إن احتجت في التعصيد إليه """"
تتركين القلي جدا من الماء بالقدر
""" يجيك يابس وتزيدي ولا رطب ............. وتوحلي !!!!
وتبدأين بالسبك وكلما سبكت وسبكت كلما كان أروع
وتضيفين الماء رويدا رويدا إن احتجت ~~~
حتى تصلين للمستوى الذي تريدينه
ثم تأخدينه وتكورينه في جانب الصحن وتتثبتينه جيدااااااااااااااااااا
في صحنك وتغمرينه
بالمرق الفائح بالبطاطا والحلبة والفلفل الأخضر
والبيض المسلوق
والبطاطا الهابزة بالطياب
واللحيمة الوطنية
وهذا غداي اليوم ~~~~~~~~~~~~~~~~~~

وتفضلي أي سؤال

dr.loly · 09-14-2013, 03:01 AM

ماشاء الله اللهم بارك ... اثـــري الباين محترفه و تخصص بازين طريقتك طبعآ نفس طريقة ماما بالضبط

كلآ الطبيخه متاعه شاطره فيها ... خصيصا بعد اتضيفيلها اشوي من مية البازين لي فضلت تطلع فيها طعمة رهيبه وتخثرها بطريقة حلوة

وتسلم ايدياتك ع الطريقــــة ...

بم أن زوجي يحبه واجد وغربه عاااد .. تعلمته وبشوي حيصير مي ان شاء الله

~~sosolibya~~ · 09-14-2013, 09:59 AM

السلام عليكم ورحمةالله وبركاته

صباح الورد

كيف حالكم

~~sosolibya~~ · 09-14-2013, 11:54 AM

اقتباس:

المشاركة الأصلية كتبت بواسطة *ام فراس*

حتي نا نفس القناعه بجد .. بس نحن ماما زرعت فينا هالفكرة نا وخواتي من نحن وصغاااار
أهم حاجةاتخرجن وبعد تزوجن ... كانت تبينا طب كلنا ههههه بس نا واختي الصغيرة طب
وللي في نص علوم وانجلش خرجن وفرحهن طووول نفس جوي بس عاد يراجوا فيا

ويا حبيبتي سوسو انتي الحق ماشاء الله تحملتي مسؤولية بدري وكيف ماقالتلك من قبل ست بيت عن حق ...

بس معليش اشويه ويخشوا ع مواليد 2000 هذا كان ماخشوش أصلآ ...؟

وبصراحه اغلب بنات هالجيل تفكرهن ف الزواج غريــب الوحده اتطق 18 تحساب روحها خلآص

ع قوله بنت خالي عمرها 18 وخاشه 19 قالت فاتني القطااار

بس في وحدات ماشاء الله عقل ومسؤوليه منهن وصغار نفس جو سوسو هكي ..

لكن ف وحدات شفت منهن واااجد والله الا الزواج عندهن مش عااارفه كيف انعبر بسسسس

الله يسلمك أخجلتيني

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	ايلاف	إستفسارات حوامل من الشهر السابع إلى الشهر التاسع	3567	06-15-2013 12:57 PM
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تفضلو حبيباتي	ريحانة المصطفى	منتدى أعراض الحمل والوحام	0	12-06-2012 10:41 AM
مهم لكل عضوات قسم الحوامل الغاليات.. تفضلو حبيباتي ..	xRano0x	منتدى أعراض الحمل والوحام	121	08-23-2011 01:48 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM