تجمع الجزائريات المتأخرات في الحمل و أهلين بالتونسيات الغاليات

[صبورة]

المشاركة الأصلية كتبت بواسطة samasim

صبورة تامني هدرتك تدخل للقلب فم فم ونحب نسمعك خاطر كلامك رزين ويوصل ....اجي على الجرح وتكمديه اكيد التجربة زادت خبرة والوقت علمك اكثر مني ....انت ماعييتي تنصحي وانا نسمعلك يامات وامبعد نلقى روحي في تفس الموال ....بصح اكيد التذكير يجيب نتيجة الله يخليك ويطيلك ما تتمناي ....مرات القلب يتعمر انجي نحكي ....انا بطبعي مقلقة وكي نزعف من حاجة اجيني غمامة اعلى عيني مانشوفش الشخص الي راني رافدة منو ومانخزرش فيه وتبان اعليا
الكل ايلاحظ وعندي مشكل اخر سلبية في تعاملي مع الناس وعدوانية لاقصى درجة ...طيبة ونية بصح طريقة تعاملي مع الناس تبين اني منيش مليحة ...اليمات الي فاتو كنت في دارنا ومشاكل دارنا لا تنتهي ........مع الزعاف اتع راجلي قتلو خليني نخدم ما حب قتلو سينييلي فمكتب التشغيل لقاو عندي سجل تجاري الي دايرو خوه اعلى اسمي ....امالا ماحبوش ايسينيولي كي قتلو امالا قول لخوك ينحيه ماعجبوش الحال ....ازعفت وحكمتني الهستيريا تلمت مع مشاكل اخرى مالقيتش روحي غير شادة الشفرة ونضرب في راسي ...اكيد مجنونة حتى جات يما لقاتني قريب تغاشيت ...وخرجتلي قلبوزة في راسي بت قاعدة وعيني توجع ندمت وضك كل يوم راسي يوجعني في ذيك البلاصة خايفة الا درت حاجة في روحي
هاذي هي ايامي كل يوم نكسر حاجة مرة تاقة ومرة مراية ومرة كاس ومرة ومرة
نحس بالي مانيش انا الي نتصرف نحب نكالمي روحي والو مريضة هربت من جوانفيل وخلاص ...الله يهديني

سماسم
اختي ماضاقت الا فرجت..راني حاسة بك خصوصا تعرفي تعبري مليح على حالتك و تحكي بصراحة..و على بالي باللي راهي عندك مشاكل فوق المشكل الكبير اللي رانا كامل نعانيوا منوا..بصح الحل ماشي انك تعاقبي نفسك و تعذبي روحك..و تكسري لما تكوني في حالة غضب..حاولي تسيطري على روحك.. هكدا راكي تفقدي انوثتك في عيون راجلك و الناس اللي راكي عايشة معاهم..يرجعوا يشوفوك مسترجلة..و التصرف بعدوانية مع الجميع اول حاجة راح يخلي اقرب الناس ليك يهرب منك و مايشوفش الطيبة و النية للي فيك و يقولوا من الغيرة راهي تتصرف هكداك..شفتي بعض النساء الستوتات يعملوا ارواحهم حنانات و يرطبوا بلسانهم و يقضوا صلاحهم من تحت لتحت و هوما يا لطيف الوجه انتاعهم الحقيقي لو كان يصيبوا يحرقوا الدنيا بالحسد و الظلمو المناكر...
من الاحسن تكوني ودودة في معاملتك مع الناس..و اللي فالقلب فالقلب يعلم بها الله..استعيذي من الشيطان الرجيم..اقراي القران.و ادعي الله يحبب فيك خلقه..
اما حكاية السجل التجاري انتاع اخ زوجك في اسمك هاذي غريبة شوية..علاه قبلتي من الاول يحطوا على اسمك..لاقدر الله كاش مايطلعوا الضرائب عليه او تكون سلع بدون فتورة او المشاكل الاخرى المعروفة راكي انت في فم المدفع...اذا تقدري تقنعي راجلك و يقولوا مرتي راهي رايحة تبدا الخدمة ماذا بك تبدل اسم السجل التجاري على اي واحد باش تقدري تخدمي..و هذي مافيها و لا احراج...
و القلبوزة لوكان كمدتيها ب500 فرنك هاديك الكبيرة وتعصبي راسك عليها هههه..هكذا كنا نعملوا بكري..سماسم اختي ماتخليش علاقتك مع زوجك تنفلت من بين يديك,لازم تكوني ذكية و تتصرفي بفطنة و تكوني فايقة مع روحك و ضحكي و العبي كي شغل ماكاين والوا..
الله يهديك يهدينا..

[صبورة]

امة الرحمان
حنونتي ...كل شيء نتحملوا الا زعافك..راكي غالية علينا..طمنيني عليك ارتحت شوية من امرض؟

[عبير الحرية]

اهلااااااااااااااا بنات

صبورة حنونتي الله يسلمك يا لعزيزة انا ثاني توحشتك

الله يعطيك ما تتمني

نور الهدى مبروك لاختك لعقوبة ليك و لكل البنات و انا حية نفرح معاكم ياااارب

سماسم كل واحد مضيبته في خاجة بالاك ربي يختبر صبرك

هذه هي الدنيا نحبه حوايج و ما نوصلوهاش و ما علابالناش الخير وين

ربي يفرحك و يرزقك و لبنات كامل يااااااااااارب

اسماء ليال حنونتي الله يسلمك

[samasim]

صباح الخير لبنات واش راكم ...يارب تكونو بخير ...شكرا على النصائح المفيدة ...انا اليوم راني احسن وصدقوني الهدرة تخلي الواحد ايولي لعقلو شوية ....ربي يهدينا ويفرج اعلينا اجمعين
صبورة صحيتي حنونة بزاف بزاف بزاف
قوليلي ...واش درتي مع اختك تفاهمتو اذا صح تمدلك البيبي والا كما قلتي يمكن ادور في رايها

[بسمة روجينا]

مساء الخير الزينات واش راكم لاباس توحشتكم بزااااااااااااااااااااااااااااف واحدة واحدة ايه حق صح عيدكم والله كان مادابيا ندخل و نعيد على صحاباتي العزاز مي الله غالب كانت ماعنديش لا كونكسيون حتى جا راجلي وفات العيد باش خلصها قوتلو سيبون توحشت صحاباتي امالا من داك النهار وانا نقرا فالارشيف و ضك مازال ماخلاص حكايات وحكايات وانا نحب نقرعج اللي فيه طبيعة ماتتنح الله غالب بصح غاضني الحال بزاف كي ماسقسيتوش عليا ولا انا زايد ناقص بيناتكم هههههههههههههههه شوفو اللي راها متوحشتني صح صح من قلبها تقولي وانا رايحة نقوللها واحد لخبر ينحي الغمة من التجمع ايا

[عبير الحرية]

بسمة يا لحبيبة على سلاااااامتك

هههه عجبتني الي فيه طبيعة يعطيك الصحة كيفاه قدرتي تقراي الارشيف كااااااامل انا جامي درتها نموت من الفدا هه

هيا انا يا سيدي توحشتك بزاف برشا ياسر خلاص بكل اللهجات فرحيني

[بسمة روجينا]

الله يحفظك عبير ويتبثلك حملك ان شاء الله ويتبث حملي انا ثاني على خاطر راني بالحمل ادعيلي تعيشي بلاك على هادوك الدعاوي تاع لبنات تاع المنتدى راني بالحمل والله غير وجهو خير عليا هاد المنتدى سجلت فيه في سبتمبر نفس الشهر اللي حملت فيه يارب ويلحقوني كااااامل لبنات يارب والله معجزة ماراهاش فالبال

[عبير الحرية]

المشاركة الأصلية كتبت بواسطة بسمة روجينا

الله يحفظك عبير ويتبثلك حملك ان شاء الله ويتبث حملي انا ثاني على خاطر راني بالحمل ادعيلي تعيشي بلاك على هادوك الدعاوي تاع لبنات تاع المنتدى راني بالحمل والله غير وجهو خير عليا هاد المنتدى سجلت فيه في سبتمبر نفس الشهر اللي حملت فيه يارب ويلحقوني كااااامل لبنات يارب والله معجزة ماراهاش فالبال

ماشــــــــــــــــــــــــاء الله تبارك الله الف مبرووووووووووووووووووووووووووووووووووووووووووك يا حنونتي

الحمد لله على كل حال ربي يتمملك على خير و يجعله ذرية صالحة و لعقوبة لكامل البنات

يا غالية رانا تلمينا هنا على وجه ربي و ان شاء الله ربي على بالو بلي كامل نحبو بعضانا

و ندعيو لبعضانا

و الله ما نسيتكم من دعائي حتى كيما صمت في ذو الحجة

حقا بسمة اخر دورة وقتاه راني معاك انا و حورية

[بسمة روجينا]

المشاركة الأصلية كتبت بواسطة عبير الحرية

ماشــــــــــــــــــــــــاء الله تبارك الله الف مبرووووووووووووووووووووووووووووووووووووووووووك يا حنونتي

الحمد لله على كل حال ربي يتمملك على خير و يجعله ذرية صالحة و لعقوبة لكامل البنات

يا غالية رانا تلمينا هنا على وجه ربي و ان شاء الله ربي على بالو بلي كامل نحبو بعضانا

و ندعيو لبعضانا

و الله ما نسيتكم من دعائي حتى كيما صمت في ذو الحجة

حقا بسمة اخر دورة وقتاه راني معاك انا و حورية

انا اخر دورة 2013/09/06 واش راكي مع الوحم انا راني حالة

[بسمة روجينا]

لبنات اللي يعرفوني عارفين بلي رراجلي مايقعدش بزاف معايا يطول باه يجي وفي شهر سبتمبر سرق يومين جا فيهم وصادف سبحان الله هادوك ليومين تبويض نتاعي كنت عارفة مي نحيتها من بالي خلاص قلت نعيش ليلتي bien وصايي كان يجي يقعد يامات وماحكمتش تحكم في ليلة امالا قال ربي كن فيكون حملت فهاديك الليلة يارب العقوبة للي راه يستنى فهاديك اللحظة يارب لا تحرم احدا منها