دردشة حوامل أهل جدة - دردشة بنات جدة - تجمع حوامل مدينة جدة

قمرررررر · 06-02-2011, 09:21 PM

اانا جديدة بالمنتدى
بس ودي ااستفسر في وحدة جربت د فاطمة ااعلاوة بالمستقبل اابغى عن تجربة مو عن سماع كلام حريم عشان ودي بااساالة كثيرة ااساالهاهي

мёмё · 06-03-2011, 03:01 AM

والله في دكتوره مرررررررره تجنن عسل وطيبه
وماشاء الله عليها من جد دكتوره
في مستوصف الرشاد في الرويس مرره تجنن
اسمها دكتوره امال في احد راح عندها وتقولنا
والله ماتندم الي تروح لها

أم ح ــنونـہ · 06-03-2011, 02:33 PM

كيفكم يا حلوات
انا بكره رايحه على مركز الطب الدولي
عشان افتح ملف عندهم وابدأ اتابع حملي هناك
بس المشكله ما اعرف الدكاتره اللي فيه ×_×
الله يعين

r4m · 06-03-2011, 11:20 PM

ميمي
انا رحت للدكتور امال العمر في الرشاد بناء علي كلام بنت بالمنتدي هنا وبمنتدي اخر

هيا كويسة وطيوبة واحس فيها شوية حنان
بس للاسف مرة حسيت مستعجله بس يمكن كانت عندها زحمه شديده
بس سالتها سعر الولاده قالتلي بدري بدري وامشي عالتلفزيون وهيا تضحك

تاني موعد بعدها سالتها عالولاده وماكان عندي زحمه انا تاني وحده وورايا وحده وبس وبالصبح بدري
يعني الجو رايق
سالتها ع طريقة الخياطه عندها والابر والتخدير عشان افهم راسي من رجولي
الا ولعت بس بادب وعصبت بدون صراخ
انو ليش تسالي دحين في التاسع اقلك ومدري ايش
ومين يخوفك ويقولك الكلام دا اقلها مو خوف بدي افهم
انا احب اسال وافهم من الدكاترة ماني زي الهبله كلما قالو شي مشيت بدون سوال
عالاقل اتعلم
غير كدا كنت اسال سوالين عاديين تماما عشان لو ماحبيت تخديرها او طريقيه الشق والولاده
احول علي دكتورة تانية من الان
تقولي في التاسع اقلك واجاوبك الان لا
عصبت منها ومشيت وقدامها بس ابتسمت
لكن نفسي اغيرها نفسيا ما ارتاح للي يعاملني كدا

متغليه لعيوني · 06-04-2011, 08:59 AM

انا زيك والله ما احب الاسلوب ذااا بس من خبرتي في حملي الاول والثاني ان الدكاتره مايشرحوا كثير ولايقولوا شي ولما تساليهم يعوطي المختصر ومو مهم ارتحتي ولا حتى اتنيلتي بس ايش نقول الله المستعان وربي يسخرلي ويسخرلك في الدكتوره الكويسه الي تريح بالنا يارب

رباه فرج همي · 06-04-2011, 09:07 AM

بنات الدكتوره امال العمر الي تقولوا عنها

هيا الي كانت في مستوصف الهجره ...؟؟؟

او غيرها ,,,

الله يسعدكم ردو

أم ســـــامر... · 06-04-2011, 10:16 AM

السلام عليكم ورحمة الله وبركاته..
صباااح الخييير كروشااات لكم وحششششه...

رباه فرج همي.. الدكتوره امال ابراهيم مش امال العمر الي في مستوصف الهجره..
بس تخيلي راحت وبترجع بعد العيد والله قهر اراجع عندها وما ادري
من بياخذ مكانها ..
بس ان شاء الله ترجع ابي اولد عندها..
ما ادري شو سالفة الدكتورات مسافرات!!
حيرونا والله..

أم ســـــامر... · 06-04-2011, 10:17 AM

الله يعيننا واياكم يارب..

أم ح ــنونـہ · 06-04-2011, 03:01 PM

كيفكم كروشات
انا بعد العصر رايحه لمركز الطب الدولي
عشان افتح ملف لأني راح اولد عندهم
دعواتكم ^^

سبحانك اللهم وبحمدك · 06-04-2011, 06:17 PM

بنات انا كنت اتابع مع دكتوره شيقان باكستانيه في السعودي الالماني وراحت مدري فين احد يعرف وين راحت؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري