دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[اموورة وكتكوتة]

هلا فوشية حبيبتي ربي يسلمك ويقومك بالسلامة انا جلست من الجمعة ليوم الاثنين وانا اعاني من الطلق ما ابغا اخوفكم بس والله متعب مررراا وبالاخير ادوني ابر طلق صناعي عشان يسرعو الموضوع

وفقني يارب تسلميلي حبيبتي الله يسلمك ويتمملك عخير ان شاء الله .. الحمدلله نحن بخير ولله الحمد

اهم حاجة ادعووووو وماتخافو لحظة الولادة واتكلو على الله

[انشودةمطر]

سلام كروشات وش الاخبار
كيفكم وكيف الامطار والبرد الله يعين كيف اللي بتروح الطايف البرد على اصوله كلها يومين واروح عندهم عشان بدخل التاسع واولد هناك خايفه بس انتظر شغالتي تجي من الاجازه
اموره الف سلامه عليك ماتشوفي شر
سلوما انا مر عليه الوضع هذا في الحمل اللي قبل واتاكدت من السونار بس ممكن الدوره متاخره عندك
احب اولادي الدكتوره هيه تكشف وتحدد قيصري اولا وعلى حسب الاسباب اللي عشانها سويتي قبل قيصري
ام ميسومه الله يهون عليك ان شالله وتولدين بسلامه اجل غير عاجل وانا يومين وادخل التاسع والله بس احلم بالولاده ومرعوبه
نيلي شفت الطابور ان شالله محد يتاخر عن مكانه ههههههههههههه

[انشودةمطر]

اللهم في هذه الليله المباركه اسالك حسن الخلق وهون الطلق لي ولاخواتي
ياودود * ياودود *ياودود
ياذا العرش المجيد
يافعال لما تريد

[نلي خانم]

مساء الخير
اشلونكم اليوم... يارب تكونوا جميعا بخير
بنات نفسي أروح السوق اشتري أشياء البيبي مره نفسي بس طبعا مااقدر اول اتطمن عند الدكتور
واليوم زوجي يقولي أهله راحو يتمشوا وكان نفسه يروح معاهم بس عشان وضعي ماراح جلس عندي والله انقهرت قلت له ليش مارحت تتمشى انا في جالسه في البيت بس خايف عليه
وبيني وبينكم والله نفسي انا كمان أروح بس مسويه نفسي عادي عشان ابغاه يروح و ينبسط
احس اني بعد الولاده ماراح اجلس في البيت كل يوم بخرج واتمشى الله يعدي الفتره الجايه على خير يارب


اموره
الف سلامه عليك
اشربي البردغوش والمليسا يومين وينظف صدرك وتخفين كثير هي اعشاب من العطار تغلينها مع بعض في المويه وتشربيها والله مره مفيده واحنا نستخدمها حتى للرضع أبدا مافيها ضرر وتلاحظي الفرق بنفسك بسرعه راح تخفين واشربي في الصباح والليل

انشوده
الله يكون بعونك اذا مع هذا البرد بتروحي الطايف والله انا في بيتي مره بردانه كيف انتي الله يعينك اهم شي تدفين مره صعبه نفاس وفي البرد

[كوكب زحل]

كيفكم ياحوامل
حابة اسالكم الدورة باقي لها اربعة اريام
اذا سويت تحليل منزلى وضح اذا في حمل ولا
مرررررررررررررررررة خايفة مااكون حامل داعواتكم لى اكون حامل

[& أمــــــل &]

هلا كوكب زحل *
نفس وضعي حبيبتي حاسه اني حامل بس ما ابغى احلل ولا حتى قلت لزوجي احاف اقوله يفرح ومايصير فيه حمل الله كريم

[زهرتي2]

السلام عليكم ورحمة الله وبركاته
كيفكم يابنات وكيف اموركم ان شاء الله تمام ............
طبعا انا لي فترة ليست بالقصيرة سجلت في المنتدى ومشاركاتي جدا قليلة وهذه اول مشاركة لي في هذا القسم , وانا من مكة وحامل الآن في الشهر السادس وباقي 5 ايام وادخل السابع ان شاء الله , واتمنى من الله ان يتمم حملي علي وعلى كل حامل بخير ويرزقنا الذرية الصالحة .......... ان شاء الله
انا اتابع في مستشفى التونسي عند الكتورة عصمت ولله الحمد هذا حملي الثاني وانا متابعة معاها
ولله الحمد ماشاء الله اخلاق وادب , رغم اني وجدت ان البعض لا يمدحوها في ردودهم . بس والحمد لله انا جدا مرتاحة معاها( وهذه في النهاية وجهة نظر) لصبرها مع المريضة وخاصة عند الولادة ...........
وانا تحت الخدمة اذا هناك اسئلة او استفسارات ..........
بالنسبة لملابس البيبي والله ذهبت الى سنتر بوينت وااشتريت تقريبا جميع الأغراض وبقي فقط السرير وبالنسبة لمحل (كل شئ للاطفال) في شارع الستين انا مررررررررررة ما عجبني وبضاعته ما عجبتني اغلبها سورية الصنع وخامتها جدا سيئة , انصحكم من سنتر بوينت او مذر كير لأن اغلب ملابس ولدي (5 سنوات ) من هذين المحلين .............
وشكرا للجميع ........

[انشودةمطر]

امل- كوكب الله يكتب لكم اللي فيه الخير
نيلي لا ان شالله انا تمام انا شايله هم ولدي والتعب بالذات انه يتعب صدره في البرد الله يعين
زهرتي اهلين فيك معانا منوره انا بعد احب سنتر بوينت اسعاره متوسطه ومعقوله وقطنه تمام ومذر كير للخرجات حلو

[قمر ليالي مكة]

مرحبا بنات كيفكم وشو اخباركم
والله انا على طول افتح أتطمن عليكم وأقرأ اللي فاتني كلوووو
باركولي اجتني الدورة والحمد لله ركبت لولب وكل شي تمام
بدي أعطيكم بعض النصائح للي رايحين يولدو من تجربتي الخاصة وبيقول المثل أسأل مجرب ولاتسأل طبيب
شوفو بالنسبة للمشي حاولو تمشو كثير كثير لانو رياضة ممتعة وخاصة مع هاد الجو وبتسهل الولادة
ثانيا - الرطب مفيد جدا ويسهل الولادة وطبعا من تجربة قرانية للسيدة مريم عليها السلام
ثالثا- انا ماكنت اعرف فيها بولادتي الاولى والثانية بس الثالثة كنت منتبهة لهاد الاشياء كنت أول ما أرضع أجلس اسبوعين عندي ألتهاب بالحلمة فمن بعد أبحاثي وطبعا المساعد الاول في هاد الموضوع السيد جوجل ربي يرضى عنو انو لازم قبل الولادة بأسبوعين تبدأي كل يوم عمل مساج للحلمة بحركة دائرية بزيت الزيتون لكل حلمة مدة ربع ساعة ..
رابعا - كريم ميبو وما ادراكي ماهو كريم ميبو استخدمتو للخياطة وكتير فادني وماعمل أية ألتهاب في الجرح وكان يرطب الجرح وساعد على التئام الجرح بسرعة فائقة انا في الولادتين التهب جرحي بس مع اخر ولادة ماصار معي التهاب من استخدام هاد الكريم .. نصحية نصحية..
خامسا - انا ما ستخدمت الفوط في آخر ولادة لانو انا بشرتي كتير حساسة وكانت الفوط تعملي التهاب بالجرح فكنت أستخدم الفرشة اللي يحطوها تحت الوالدة حتى ماتبقع الشرشف بالدم واعملها فوطة والحمدلله عدى كل شي بخير وسلامة
وعقبالكم ياكروشات لما تقومو بالسلامة يارب

[نلي خانم]

كوكب \ أمل
التحليل المنزلي يبان اذا كملتوا 30 يوم على الدوره افضل لكم انتظروا والله يرزقكم يارب ونفرح فيكم انه على كل شي قدير

زهرتي
هلابك والله يتمم لك يارب
انا قال لي زوجي انه في سنتر بوينت اشياء الاطفال مره حلوه ومره نفسي أروح بس انا ماأقدر أخرج أبدا يمكن ان شاء الله اذا قربت التاسع ابدا اخرج واروح السوق
كمان كل شي للأطفال يقولوا غالي وبايخ والكل يمدح لي في سنتر بوينت

والدكتوره عصمت انا كذا سمعت عنها انها طيبه لكن يقولوا اذا جاء وقت الولاده ماتصبر وتسوي قيصري الله يعطيك خيرها ويكفيك شرها افضل أستبدليها بصلاح حامد

قمر
مشكوره على النصايح وانا كمان قلت بستخدم ميبو وبعد 10 ايام اتشطف بالمر يقولوا هذي احسن طريقه والفوط يمدحون في نوع أسمه لوتس يقولوا مره ممتازه لكن انا ماعمري جربتها وناويه عليها والحساسيه يمكن تخليها تطول عليك يقولوا الفوط اذا طولت تجيب حساسيه لازم تتغير كل ساعه ونص عشان ماتلتهب المنطقه
ياقلبي انتي مشكوره على النصايح يااحلا قمر