دردشة بنات المدينه المنوره - تجمع حوامل بنات المدينه

[بقايا ذكريات]

مشكورة حبيبتي ع الرد بس أنا في ولادتي الأولى ولدت عندهم وتعبوني
فمقرر الحين أولد بأي مستشفى خاص أريح لي بس المشكله أني ما أعرف مستشفيات ثقه

[احلى ليان]

الورد الناعم.. سلامتها بنوتتك ما تشوفي فيها شر يارب " لا بأس طهور انشاء الله" وربي يطمنك على زوجك علشان ترتاحي وترتاح نفسيتك ياقمر ..
أسوووم .. الف الف مبروك وربي يتمملك على خير يارب وتشوفي البيبي بالسلامة ..
سعادة قلبي .. سافري وغيري جو وارتاحي واسترخي وسوي كل اللي في نفسك قبل ما يجي البيبي هههههههههه ماتعرفي تخرجي من ازعاجه .. امزح ترا حلو السفر مع الاطفال في عمر معين انا سافرت ببنتي كان عمرها 9 شهور وتبغى تلعب في الطيارة وتبغى تنزل تتمشى وفي السوق الله لا يوريكم ترمي جزمتها وانتو بكرامة وتفسخ الشراب وترميه واللي واقفين في المحلات يجروا ورانا يعطونا الاشياء اللي ترميها هههههههههههههه كان مغامرات وربي بس حلوة..
انشاء الله مافي خطورة ولا شي اسالي دكتورتك قبل لا تسافري عشان تتطمئني بس اذا في الطيارة او السيارة حركي رجلينك كتير ..

[احلى ليان]

توت يا عسل .. سلامتك يا غالية ما تشوفي شر "لا بأس طهور انشاء الله"
رحيق الورد .. انا بخير يا عسل انتي ايش اخبارك وايش اخبار البيبي قاعد عاقل ولا بيلعب كورة جوه ؟؟ خخخخخخخخ
سوما .. هدي شوية من العصبية حتى انا اعصب على بنتي بس بحاول اسيطر على نفسي وحاولي انتي كمان وربي يعيننا اجمعين .. على البركة الجوال الجديد " ايفون " حلو او في جهاز من stc يقولو حلو وعملي بس ما اعرف اسمه صراحة..
يغار الحلى .. انشاء الله مافي شي على البيبي..

[RoOo7]

مساء الخير ..

كيفكم كروشات و أمهـآت..

أنا كروشة جديدة عليكم أتمنى ألقى قبول

أنا بكرية و دوبي في بدآية الرآبع ..

وطبعــآآ من المدينة و قريبا ح أروح الرياض بس ح أولد فــي المدينة و الله ييسر لي وللجميع

[أسوووم]

الله يسعدكم كل الي ردو عليا وربي يوفقكم ..

طيب ماحسبتوولي انا دحين في يت شهر بالزبط بالاسبوع لاني حااايره بالمره ..

آخر دوره يوم 20_1_1433

بالميلادي16_12_2012

وكمان ابغى وحده تسويلي شريط حمل ازا ممكن ..

وابغاكم تعطووني افكار عن توزيعات النونو .. بس ابغاها بشي رخيص لان ماشا الله مصاريف الولاده والنونو وانا ..

فـ قولولي .. لو سمحتو ..

[رناد الحي]

الله يوفقكم

[sooma1]

سنه حلوه مشكوره ياقلبي طمنتيني عن المغص *_*

الورد الناعم سلامتكم ياقلبي ماتشوفوآ شر ان شاء الله قدامكم العافيه يارب


بنآت عندي سوال للي قد حملوآ ولدوآ مشاء الله ( الصدر يرجع زي قبل ولالا ) ؟ واذ مايرجع لو استخدمت له خلطآت يرجع لان بنت عمي حطمتني قالت لي والله صدري كنه صدر عجوزه ولازم البس سنتيان ؟ !مادري بنآت يمكن من بنت لبنت يختلف ؟ !
انآ مو متعوده البس سنتيانه مشاء الله فمادري خايفه مايرجع زي وضعه اول *_^

[حمرة الورررد]

اللي اعرفو انك لازم تلبسي سنتيانه عشان تدعم الصدر حتى لو ما تحتاجي لانو بالمستقبل يقولو حايترهل على الاقل في غير وقت النوم
وان شاء الله مايترهل معاالرضاعه بس تعرفي حجم الصدر يكبر عشان غدد الحليب وفيه ناس ما يرجع لحجمو الطبيعي بعد الرضاعه فاهتمي بكريمات الصدر وادعميه بلبس الحماله المناسبه
ولو ما تحبي السنتايانات اللي بحديده البسي من الرياضيه الخفيفه اللي زي دي

[احلى ليان]

رووح.. مبروك وربي يتمملك على خير يارب.. حياكي معايا في الرياض تونسيني شويه ههههههه..
تفاحة المدينة.. الف سلامة على الوالدة ما تشوفوا فيها شر يارب ربي يقومها بالسلامة انشاء الله.."لا باس طهور انشاء الله"
بقايا ذكريات.. اهلن وسهلن على دردشتنا نور ولمبة نورتينا ياغالية انتي بين اخواتك..

[توتة 14]

صباح الخير ياحلوات .. كيفكم
اليوم كانت عندي مراجعة في المستشفى وقالت لي الدكتورة انو انا في نص الشهر الخامس
وقالت انو موعد ولادتي حيكون ان شاء الله في 15/6/2012
بس اذا وحدة تعرف كم يصادف بالعربي الله يخليكم لاتبخل علي .. وجزاكم الله خيرا