دردشة حوامل أهل جدة - دردشة بنات جدة - تجمع حوامل مدينة جدة

تاج راسي ابوي · 08-28-2011, 01:54 AM

r4m
اشكرك ياختي على ردك لي
حبيت اسالك كيف الاهتمام والعنايه والنظافه عندهم وكيف الخياطه التجميليه عند الدكتوره تيسير الكومي وهل عندها زحمه لان زوجي مايحب الزحمه والانتظار معليش اتحمليني ثقلت عليكي يا اختي

r4m · 08-28-2011, 04:25 AM

تاج راسي
ماتقلتي ولا حاجه ياقلبي احنا اخوات ونتساعد

شوفي بصراحه ماسالتها عالخياطه التجميليه لاني كنت نسيت اسالها كم سوال من ضمنها هدا << من كترة اسالتي والله
الاهتمام اللي قريته في النت عن هاله بن لادن انو كويس ونظيف
انا للامانه رحت المستشفي بس عند الاستقبال وشفته كويس مالحقت ادخل اكتر
بس شفت وحده مصوره غرفه ولادتها شكلها كويس مرة
وتقول النظافه كويسة والممرضات طيبين
بصراحه انا رحت للدكتورة مرة وحده في نص رمضان
فكان الدوام يبدا 10 مدري 10 ونص وينتهي ع 1
يعني يادوبك طبعا في زحمه بس والله اخف من سليمان فقيه والطبي الدولي وعرفان
رقمي كان 8 وجلست لحد 11 وشويات وقتها دخلت عالدكتورة
يعني 12 انا في سيارتي وراجعه بيتي
ماشاء الله كشفها كويس وصبورة علي اسالتك هادا الي شفته لاني سالتها بالتفصيل كيف اروح في ولادتي وهيا تدوام في المستوصف
بجلست تشرحلي بهدوء وسالتها عالغرف لو ابغي خاصه وسعر الولاده و و و
مو زي بعضهم تقلك وقتها اقلك ولا اسالي الرسبشن ولا تعطييكي ردود طفش
انا اختي ولدت فيها بس زمان مررررررررررررة من سنين طويلة
وكانت تمدح فيها صحيح ماهي فخمه مرة بس نظيفه وكويسة

كلامي كتير بس عشان اريحك بالي اعرفه كله ^^

Wafaaa · 08-28-2011, 05:45 AM

موج
مشكورة حبيبتي عالرد
وبجد بعد الاكل يزيد التعب

ام عبد الرحمن
تسلمي عالرد ورح اروح احلل دم في اسرع وقت ان شاء الله
*

مدام عبد الله · 08-28-2011, 06:28 AM

انا كنت حامل ف التانى وسقطت

r4m · 08-28-2011, 03:31 PM

الحمدلله علي سلامتك يا ام عبدالله ومعوضة ان شاء الله
ربي يكتبلك الحمل من جديد ان شائء الله بس تشدي حيلك وترجعي صحتك : )

وفاء
دوبي اشوف حكاية الدوخه
ترا احتمال مع الصيام تحصل طبيعي عشان قلة الاكل والموية بالزات بس برضو لازم تحللي دم احسن شي عشان تطمني كويس

بنات معليه سوال خارجي كدا اول سالت محد رد عليا

ايش في محلات شوكولاته غير باتشي ومفتي وشوكولاين والجونه وبيوت الكاكاو
مين الكاكاو عندهم لزيز وسعره كويس كمان ؟

أم عبدالرحمن السلفية · 08-29-2011, 02:22 AM

مدام عبدالله الله يعوضك ان شاء الله

ار 4 ام
قصر الشوكولاته لكن اسعارهم نفس الشيء والنقلي لكن انا ما أحبه .

Wafaaa · 08-29-2011, 08:05 AM

r4m
تسلمي ياقلبي طمنتيني شويه
بالنسبة للشوكولاته غير شوكولاين وباتشي احب اشتري من مرحبا*

Wafaaa · 08-29-2011, 08:12 AM

مدام عبد الله
اتاكدي انو هذا هو الخير لك والله يعوضك يارب

Wafaaa · 08-29-2011, 08:17 AM

Smsh
والله ياعمري ماعندي اي فكرة
ان شا الله يفيدوك البنات

مووج البحر · 08-29-2011, 04:32 PM

السلام عليكم ورحمة الله وبركاته

Smsh حتى انا ماعندي اي خلفية

بنسبة لشكولته ترا الرفاعي عندهم شكولته حلوه ومره لذيذة
انا مالي نفس لشكولته عشان الوحم

بس انا وام زوجي خلصنا نص كيلو وحنا جالسين هههههههههههههه

واشتريت منها للعيد 3 كيلو ونص وسعرها معقول اهم شي انها لذيذه مو فيها طعم مثل النقلي تحسيه قديم وقاسي ولا مره مثل باتشي

ولكم منا اجمل تحيه وكل عام وانتم بخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري