تجمع حــوامل التوائم

[(سوسو)]

كل عام وانتم بخير وصحه وسلامه
رجعت بعد انقطاعي عنكم في رمضان الله يعيده علينا وعليكم ان شاء الله
كيف الحوامل الغاليات
الحمد لله على سلامة كل الي ولدوالله يقومهم بالسلامه هم والبيبيات
والله يتمم حملنا ونولد بالتاسع امين يارب العالمين

[نـــــــارا]

كل عام وأنتو بخير وربي يعوده عليكم بصحة وعافية وكلكم إن شاء الله تكونون والدين بالسلامة

أنا للحين مقاومة... كله منسدحة وممنوعة من الحركة وربي مليت وطقت جبدي بس شسوي العسكر مانعيني من الحركة

حتى العيد ما عيدت بيتنا كلهم طلعوا إلا أنا ظليت منسدحة بالبيت :(

بس يالله أهم شي سلامة البيبيات

وزنهم وصل وحدة كيلو و600 جرام والثانية كيلو و400 جرام

ادعوا لي يزيد وزنهم ويوصل كيلوين

ودي أولد بالتاسع

ربي يسهل علينا كلنا يا رب

[محجبه]

بناااااات مافقدتو هجران احس انها ولدت يارب يجينا الخبر اللي يفرحناعنها
الله يهون عليها وعلينا

[حزن الزمان]

بنات شخباركم اليوم رحت الطوارئ تقلصات ذابحتني
ولما سويت تخطيط طلع معاي طلق آآآآآآآآآآآآآه وقالتلي الدكتورة اذا زاد تعالي ... وكتبت لي تحاميل voltaren فيه حد خذاها من قبل ... ادعولي يا بنات
محتاجة دعائكم ...

[زود الغلا]

مساااااااااااااااااااااااااااااء الخير
وعيدكم مبارك
شلونكم مع العيد اكيد مثلي انا عايدت اهلي امس الصبح ورديت هلكانة من التعب وعيالي اختي يطلعهم معاها وانا كله منسدحة عوار ظهري مو طبيعي الله يهون علينا يارب .
محجبة ........جومانا ........... شلونكم ...سوسو شخبارك ؟؟وحشتينا .
انا بالنسبة لي ما اسوي ولا شي بالبيت عندي خدامتين ومو ملحقين على البيت وطلباتنا وانا مو شقة انا بيتي كبير ويحتاج اكثر من خدامتين والحين ان شاء الله بطلب خدامة ثالثة على الاقل بس حق الايام الجاية .. والخدامات عندنا بالكويت دلوعااااااااااااااااااااات لاخر درجة يحرون بس شنسوي شر لابد منة .

[حزن الزمان]

بنات وينكم ... استخدمت التحاميل خف الطلق شوي
الله يستر يا بنات ما ابي اولد اللحين ... ارجوكم ادعولي
ادعولي ...

[الذوق]

حزن الزمان انا كمان ليا يومين تحبيك والم اسفل البطن والبارح نزلت مني مويا زي المهلبيه ثقيله اوزي ماتقولي قطعه صغيره وانا خااااااااااااايفه من الولاده الحين ابي اغلق الثامن ياااااااااااااارب والدكتوره حقتي باجازة العيد يارب شسوي وعلى فكره كنت عندالدكتوره 29رمضان قالت انوعندي التوينز معترضين مع انو رحت عنددكتور شاطرقبلها قال الكبير راسو قريب الحوض وخلاص راح يثبت المهم انا باموت رعب احس اني باموت لوصارلهم شي فداهم روحي
يارب لاتضيع تعبنا وقر عيونا بشوفة تؤامنا

[عواطف السلمان]

حزن الزمان ، الذوق
يارب يسهل عليكم وتصير الولادة في وقتها المناسب يار بالعالمين
يارب لا يخسر لكم تعب
يارب يرحم ضعفكما وقلة حيلتكما ويغشيكما برحمة منه وعطف ورأفة
يارب يسهل ولادتكما ويثبت اجنتكما ويستودعهم في يديه حتى يومهم المعلوم يارب العالمين
ويخرجهما لكما سالمين متعافين يارب العاليمن يا حبيباتي .

[ام البنين]

السلام عليكم ورحمة الله وبركاته
كيفكم حبااايبي 00000000كل عام وانتم بخير
الف مليووووووون مبروك حساسه حيل ويتربون بعزكم يااارب والحمد لله على سلامتك الله يشفيك ويخفف عليك الالام ياارب
ادري انكم زعلانين مني مطوله عليكم بس والله اني ماعندي وقت ابددددددددددددددد الله يحفظهم اولادي متعبيني ومع الضيوف والاشغال اه بس الحمد لله على كل حال بكره تولدون وتشوفون كيف المسؤليه والتعب ربي يسهل عليكم ويفرج همكم 00
الحمد لله انا لي 26يوم واالده ماخفت علي العمليه الا جاتني حساااسيه بجسمي اتعذبت منها وحكه فضيعه وحبوب لاتعد ولاتحصى وااااااي والله ابكي منها ومن دواء الى دواء ومستشفيات وحاله والحمد اليوم ارحم من الاسبوعين الي راحت وعلى فكره اول مره تجيني ولا عرفت وش اسبابها بس الحمد لله على كل حال00
والي تسال عن اوزانهم واحد كيلو والثاني كيلو واربعين غرام عند الولاده
والعمليه اصعب شي فيها الغزااااات بس مع الادويه والمسكنات ارحم شوي والجرح ياخذ 20 يوم بلكثير 0
والله انكم ببالي دايم بس ما الاقي وقت ابد
ياااااااااااارب يطوي عليكم طوول الايام ويخفف الثقل عليكم ويسهل عليكم ياااااااارب0

[البرنسيسة..؟]

حـــــزن الــــزمــان|| ســــلامات مـــاتشـــوفين شـــــر بس حاولــــــي انــــكـ ماتطـــلعين في العـــــيد واتـــحركين واجــــد( شكلكـ كــــثرتــــي روحــــــات لســــوق حـــق مشتريات العيـــد)