تجمع بنوتات كروشات ••جمادي الاول 1434•••مارس 2013•••

[ام توته الحلوه]

صباح الخير كروشات
نبض قلبي السموحه منك ياقلبي الكل امس مشغولين باين عليهم محد دخل التجمع
انا اظن الآلآم فيك طبيعيه اي حامل تحس فيها دايم تقلصات في البطن والم متواصل في الظهر
يكون في علمك ان الحمل سبب خروجي انا من الكليه تعب متواصل ولا فيها اي من وسائل الراحه اذكر ذيك الايام في البيت طيبه مافيني شي بس اروح الكليه يبتدي الالم من كل جهه
الله يكون في عون الجميع
طيب انتي عندك قبل بنت او ولد؟؟؟

[ام توته الحلوه]

احلى ام حياك الله معانا

الله يتم عليك حملك وحملنا وباستمرار قولي اللهم اني استودعتك جنيني الذي في بطني وبإذن الله يحفظه
لفت نظري دورتك انا اخر دوره17/7 والدكتوره حددت الولاده في5/5 يعني في اختلاف بسيط في الايام بس ذكرتيني دكتوره ثانيه عطتني تاريخ18/3 بالميلادي وهذا يصادف 3/5 بالهجري الحين انا اللي عطيتك قصه حياتي هههههههه
طيب كملي كلامك

[ام توته الحلوه]

احلى ام انتي تقريبا معي وناااااااااااااسه يعني احنا الحين في الاسبوع 15
والزمي الراحه لان نزول المشيمه يسبب اسم الله عليك ولاده مبكره
اوكي؟؟

[أسوم]

صبااااح الخير لاحلاا حوامل
الله يخليك نبض لاتزعلين صدق احنا غلطانا ماردينا عليك بس والله كنت ناويه ارد اكيد انفتح موضوع ثاني ونسينا وانتي عارفه الحوامل شكثر ينسون
اما بتلنسبه انك طالبه بالكليه الله يعينك من جد احس تعب عليك وأم ماشاء الله احس حيل تعبت ام وطالبه المسؤوليات كثيره عليك
وثقل والام تحت صدر بدري تو ناس بس يمكن ماكله اكله ومسويت لك غازات او زكمه والله مو عارفه بس روحي لدكتوره
ولي قالت عن المثبتات نسيت مين بس انا اخذذهم شسوي بس لاااااازم مع اني اعرف اضرارهم تاخر الولااااده وتصعبها
انا اللحين اخذ ثنتين بالليوم
ةعلى قولت معاني اسمعوا كلاااام دكتوره
قمر اعذرني انا امس ضايقه خيل مادخلت زوجي فاجأني بيروح الحج مع اني حاجه انا وياه العام وهو حاج 4مرات ماشاء الله بس ماقدرت اقوله لا وقالي بعطيك تصريح تروحين الكويت متى مابغيتي مع اخواني
وانا اهلي بعييييييد عني مقدر اروح لهم اكيد بتعب بس الكويت قريبه وكنت مضايقه اني بجلس لحالي بالاجازه لا اهل ولا زوج
احلى أم
او شي صورة الي انتي حاطتها تجنن وانتي معانااااا انشاء الله
ام توته شلونك وشلون البيبي انا توينز متعبيني على جهه وحده والوحم ابد ابد ماخف

[مثـــل القمر]

سلام عليكم اليووووم. صار خلاف بيني وبين صديقه في العمل كانت ماتعرف كمبيوتر وعلمتها اليوم قالت لي ترى مهو جميل منك انك علمتيني ترئ زوجي علمني ووووو بجد كنت حابه تخدمها لكن ماضنيتها كذا بس هي قالت لي امبارح ان فيه واحد نصب عليهم في شغاله حول 23 الف بس ايه ذنبي ترمي علي الكلام بجد مصدومه منها

[ام توته الحلوه]

اسووووم وحشتيني يادبه كيف حالك؟؟؟؟
انا تمام والبيبي كمان تمام بس احس نفسي نحفت كثير تخيلي من حملت النساه ذبحتني والوزن بدا ينزل
والحين النساه راحت بس الوزن ثبت مازاد ولا كيلو واحد والدكتوره ماتعطي اهتمام اقولها وزني نزل كثير تقول اكتفي بفييتامينات الحمل
ماعندكم شي يخلي وزني يرتفع لو كيلو انا خايفه عالبيبي؟؟

التوينز ضاغطين عليك الواحد يضغط فما بالك التوينز وكل ماكبروا بتثقلين اكثر بس انتي خففي مسؤلياتك وخذي اجازه ثانيه من هالدوام وصبري بس تمسكينهم بإيدك تنسين التعب كله الله يهون عالجيع ان شاءالله ويرزقهم مايتمنون يارب

[ام توته الحلوه]

مثل القمر موقفك ذكرني بجارتي تقربت لها كثير واعتبرتها اخت لي وهي اساسا من العيله بس اتفاجأت منها من قبل العيد وهي ماتتصل ولاترسل واتس ولاشي ابد ابد ولشفتها ماتكلمني خير شر وبديت اتجاهلها في كل مره اشوفها خلي الزمن يسنعها

انتي دام صاحبتك تعذرت قبلي اعتذارها بس ثقلي عليها وخلك رسميه لان اي موقف ثاني يضايقها في البيت بتجي تحط حرتها فيك وبتعب نفسيتك تجرح وتداوي

[أسوم]

فعلا ام توته ضغط قوي انا اليوم جاراتي ومسويه سفره صغيره بصورلكم وش سويت بس تعبت
ام توته تدرين اتمنى وزني ينزل كثيرر انا لاني سمينه انا نزلت من حملت بس مو زيااااده الملحوظه متفشله من وزني
مثل القمر دامها اعتذرت زين بالك الي تشوف نفسها وتقلب عليك وانتي خادمتها كثير مواقف
بس فعلا التطنيش وتعامل الرسمي احلااا شي مع هالاشكال

[ام توته الحلوه]

اسوم يلا حاولي تورينا وش سويتي شوقتيني
انا كان جسمي قبل الحمل زين بس الحين نحفت بقوووه بشكل ملحوظ والمشكله اني في كل حمال كذا ماازيد كثير
ولا مع الرضاعه ازيد لماااا افطم البيبي من صدري تسترد صحتي شوي شوي
انا احس كل الحوامل تزيد اوزانهم الا انا خخخخخخ ولا قاهرني الا هالكتاب اللي عندي يقول الحين وزنك صار يزيد بشكل ملحوظ ههههههههه وانا ماتحرك من مكانه الله يعين بس
جارتي قطعت اي علاقه تربطها فيني بدووون اي سبب واضح وانا سويت نفسي عادي مش مهتمه لماا تزهق اتوقع بتجي تقول شنو فيها يعني مردها بتتكلم بروحها من غير مااسألها وبصراحه انا ماخسرت شي انا اعتبرها اهي الخسرانه

انا مع قمر صايرين فش خلأك هههههه مدري بتفهمون هالكلمه او لأ

[ام توته الحلوه]

عن اذنكم بقوم اصلي
ادري مافي احد بس لقريتوا كلامي لاتنسوني من دعواتكم