دردشة بنات العراق, دردشة حوامل العراق , تجمع بنات العراق

[ام نورهانه]

لج هلااااااا توتايه والله هسة على بالي كلت خلي اطب اسأل عنها ماكو هاي العوبه
لكيتج كبالي مثل الجني خخخخخخخخخخخخ
ياله زينه حماتج وحلوة علاقتكم اني احب هيج بس اني العندي انفة وكله بحدود شقاهم ولعبهم ههههههههه وهنه كبار

[مجنونة بحبها]

هلا بنات

زنوبه شنو هاي كتابتج كلها تحشيش ههههههههه

مبروك الهدايا والرومانسيه


ام الوقه شلونج حبي


ام نورهان زوجي حامد هههههههههه
مثل اسم ابوج بس عكس ابوج الله يخليه الكم ويديمه
ويطول بعمره

ايه شبيج انا اتعودت بس مرات انفجر واسكت نفسي بنفسي
هههههههههههههههه
يعني من انغث اتذكر الحسنات وانسه السيئات
لان اذا صار العكس بعد مااعيش وياه


مهاوي شنو هاي يااااااااااااااابه
موهيج كلناها طلعتيني زباله انا واكلاتي
شنو هالابداع عاد شغل يفتح النفس وشرح حلو
مو مثلي تلزك بالحجي ههههههههههه
يالله اتمنالج الفوز من كل قلبي

[مجنونة بحبها]

شفتي ام نورهان مهاوي

سوت راح تاخذ الاصوات كلها الها

هههههههههههههههههه

[أم أيهومي]

السلام عليكم ورحمة الله وبركاته
شلونكم بنات والله مشتاقتلكم كومات...
ايمان والله كنت كلما اقرا عن حياتك انقهر لتصرفات زوجك وعمايله هو وامه
بس اليوم من قريت انه انتي تتذكرين حسناته علمود متكرهيه ازداديت احتراما وحبا بيج وبأخلاقج العاليه
ولابد مايجي يوم وهو بنفسه يعترفلج بخطأ ويعتذر
زنوبه حبي مبروك الفالنتاين ومبروك الليله السعيده ويارب ايامك وايام البنات كولهة افراح واعياد ومسرات

واني وياج ويه كوكي فيما يخص مي من انه العمه تحب ابن اخوهة ويجوز ممتقصده هي تبوسه وهي مريضه لانه ماعتقد اكو قلب بالكون كوله ممكن يأذي طفل مثل الملاك بريء ولو كان قلب من حجر

تدرون بنات اني مااحجيلكم ابد على حالتي ومكتفيه بالتعليق على حالاتكم ومافد يوم كتلكم ابد مو لانه اانتو متواسوني لانه انتو اقرب من الاخوات بس لاني على قناعه بانه اني على صواب واكو ناس تغلط بحقي ولابد ماتندم بفد يوم
واتعودت اصبر نفسي واواسيها والحمد لله على كل حال
اكول كلامي هذا وموجه لمي ولنورس تحديدا والله كنت اتمنى لوانه زوجه عنده اخوات ويعيشون ويانه ابنفس البيت او عندي عمه او خاله بالبيت لانه صدكوني اعيش اشبه مايكون بسجن..
اني وزوجي وعمي ومرات المرأه تحتاج لمرأه اخرى وياهة بالبيت يطلعون سوه ويكعدون يباعون تلفزيون سوه وبالمطبخ سوه ووحدة تاخذ رأي الثانيه بلبس او شي اخر
اني هيج كنت مع زوجات اخوتي ولذلك لازالو يحبوني ويفدوني بعيونهم
اني ولدت عمليه وكلكم تدرون والعالم كولهة اجتني اقرباء زوجي والجيران والصديقات بالكليه واصدقاء زوجي واهلي وزوجات اخوتي حتى بنات بيني وبينهم خلاف بالكليه وهم اذوني اجوني من ولدت
الا حماتي الكبيره ماجتي هي عدهة بنت وحده بثالث كليه وزوجي اخوهة الوحيد واصغر من زوجي بعد بنت مهندسه متزوجه وعايشه بعمان
لا الي بعمان خابرت تهنيني وتطمن على صحتي ولا الي هنا اجت اتشوف ابن اخوهة الوحيد
بالبدايه انقهرت كلش بس زوجي حبيبي واساني ومخلاني انقهر لحظه
وسبب زعلهم انه مره صارت مشكله بيني وبين زوجي من وراهم وادخلو كلش بحياتي واختي الكبيره خابرتهم كالتلهم ابتعدو عن حياتهة وصار غلط ابينهم
اما عني فابدا مافد يوم غلطت على وحده او سمعتهة كلمه على العكس حماتي كانت تجي يمنه تبقى اسبوع واكثر هي وبنتهة والله كلاص المي ميشيلنه واني ليل نهار اركض بس اكول هم ضيوف ابيتي ولازم مااقصر وبالعكس افرح ابوجودهم ولمتنه سوه والكعده ونطلع للسوك ومرات اشتاق لطلعاتنه وعشانه بالمطعم
المهم هم حمواتي انفه وكبرياء وكبيرات بالعمر بس اني احترمهم حتى لو ماجوني
وقبل ايام حماتي الكبيره سوت عمليه وزوجي راد يروح يشوفهة تعرفووووووووووووون اشسويت
خليت ايهومي بكرسي مالته خاص بالسياره وربطتله حزام الامان واخذه وياه لبيت عمته اتشوفه وطبعا هي مشايفته قبل هاي اول مره والله زوجي اتفاجأمن كتله اخذ ايهومي وياك ومااعترض بالعكس فرح بمبادرتي
واني بالعيد اجت حماتي الكبيره اباب بيتنه وكنت حامل وطلعت عليهة ومقبلت تدخل للبيت وبدت تغلط على اختي ومااعرف شنو واخوهة واكف وابوهة وسكتوهة اني كتلهة شكرا وطبيت
ورابع يوم عمليتي كان زوجي مخلي الفيس بوك مفتوح وقريت رسائل حماتي بعمان كلهة غلط على اهلي وعلي وواجهته وكمت ابجي وهو سكتني واحترم كلامي لانه يعرفني مااعرف اغلط ومؤدبه وحنينه المهم كتله مالهم شغل لابيه ولابأبني بس وراهة كتلكم سوت حماتي عمليه ومكدرت دزيتلهة ايهومي والي بعمان هماتين احترمهة لانه ماعرف بس الاحترام

لذلك ياعزيزاتي صدكوني الوحده والابتعاد عن الاقرباء احيانا وحشه والله مرات احس باني مخنوكه واسمع الجيران يضحكون ويطلعون واني عايشه وحدي قبل كنت اطلع بس هسه مااكدر واحسد كل شخص عايش وي عائله
والله زوجي معيشني اميره والحمد لله عايشه بخير وممقصر وياي بذره ويحبني موت ويحترمني والنهار كوله مثل الطفله يعاملني وملاحكني بالمطبخ وبكل مكان ويساعدني اذا تعبانه ونتناقش ونضحك بس هذا مايكفي اني تربيت ابيت عائله كبيره واحن للمه والهوسه والشقه والضحك

عموما اني حجيتلكم عن حياتي وطبعا كل شخص حر بتصرفه وبنظرته للمقربين
اتمنى اكون مادوختكم
وشكرا ياحمامه على التهنئه واشكر الكل للتهنئه بس ياحمامتنه وين المووووووووجز
بوساتي للكل ولاولادكم خصوصا انوشه سباكتي ههههههههههههه تخبل فديتهة


بنات راح اشارك بالمسابقه بتواضع هههههههههه لحد يقلد على طبخي اموووتكم تره

[/B][/B][/B]

[/CENTER][/CENTER][/I][/B][/CENTER][/I][/B]

[ام نورهانه]

مهااااااااااااااااااوي انتي خطيرررررررررررة اكلج يخبل ما شاء الله عاااااااااااا بس حرام عليكم اكو حوامل وكاعدين نتنسه وين نطي وجهنه اهئ اهئ اهئ الف عافية قلب

[رويدة_ أم ألق]

فلة أعذريني انشغلت
دزيتلج رابط الصفحة على ايميلج لأن ممنوع هنا


أنا حملته وكملت لكن طلع الملف مضغوط
منو تعرف شلون نفتح الملفات المضغوطة؟

زينب عادي عيني ماكو مشكلة.

[توتايه]

عااااااا امونه ابو رجلي اسمه حامد

[رويدة_ أم ألق]

هلاو أمونة وآية
وين ألكى موضوع مها؟
شفت طبخج وابداعاتج ماشاءالله روعة ايمان
اشوفهن اثنينهن وأصوت بحيادية.

[زينب السعدي]

لكم امونة ومها مدااعرف شلون اروح لطبخاتكم عااااااااااااا علموني بنات اي وحدة بيكم

[ام نورهانه]

عااااااااا لج رويدة اشو مديحمل والموقع بيه هواي روابط خال انتي من يارابط حملتي