دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[جامعية]

ايوة يا أميرة يبــــان جنس الجنين في الاسبوع 13 و 14 سواء بنت او ولـد
ويتأكد في الاسبوع الـ17
هذاك زمـان كانوا مايعرفوا بس ذحين صاروا يقدروا يقولولك نوعه من الاسبوع 14 سواء سونار عادي او ثلاثي والاكيد الرباعي بإذن الله

والله دوخت البنات كل شوية حـــــاطة رد اعذرونـي

[أميرة الوجود]

جامعية انا ساكنة بالشرايع والمستوصف اسمه سليمان القرشي

بس هي دكتورة اخصائية مو استشارية بس مررررررة طيوبة سبحان الله ارتحت لها اول ما شفتها .... وما ادري اذا عندهم تصوير ثلاثي او رباعي لاني اول مرة اروح وماسألتهم

اذا كان يبين جنس الجنين شكلي باروح الاسبوع الجاي اسوي رباعي

تقولي فيه في الصاعدي اشعة رباعية ؟؟

[أميرة الوجود]

كم سعر الاشعة الرباعية او الثلاثية في الصاعدي او غيره ؟؟؟

[أميرة الوجود]

شكلكم يا حلوات ماراح تدخلوا اليوم <<<<<<<<اربعاء وفلة ووناسة

أما أنا فلتي غييييييير >زوجي مستلم وعندي شغل متراكم في المطبخ وعندي كوي للييييييل >>>>>>>>>>>>من جد وناسة استغفر الله العظيم

والحين راح ابدأ في المطبخ الله يعينني


وكل مرة راح اطل عليكم ... مين جا .. مين ما جا <<<<<لقافة بس خخخخ

[جامعية]

الله يعينك

الصاعدي فيه ثلاثي ومااعرف كم السعر

اما الرباعي في التونسي

[توته البنوته]

هاي بنات كيفكم والله اليوم تعبانه ومقفله معاياتخيلووزوجي رايح الرياض فرح حق صاحبوو طيب لو جاني طلق وهوا مهوفيه ايش اسوي بنات الامساك يسوي الم في الضهر وثقل من تحت في البطن انادحين ليه 10ايام في التاسع ومرا خايفه يقولوالامساك موتمام ردولي بليز

[انشودةمطر]

شلام بنات كيفك وش الاخبار اقطعت فتره عنكم مع البيبي واخوه انواع الحوسه ههههههه
توته الله يسهل عليك
اميره ما بي اخوفك انا ساكنه في الشرايع وكنت اراجع عند الدكتوه اللي في القرشي ترتاحين لها شكل انا زيك الدبدوبه هذي الله لايسامحها جيتها في نهاية الرابع وقالت الوضع تمام واثاري متوفي
و سافرت عند اهلي وتعبت رحت المستشفى الصدمه بقولومتوفي له شهر زين ما جاك تسمم
الله عوضني خير الحمدلله

[أميرة الوجود]

توتة البنوتة : ماعليك ترى الرجال كلهم كذا ما عندهم احساس استغفر الله العظيم ما همهم الا نفسهم ... الله يعيننا عليهم بس وفعلا الامساك مو طيب للي في التاسع .. انا لما كان يجيني امساك الله يكرمك كنت اخذ ملعقة زيت خروع مع عصير برتقال ... كثير ناس يحذروا من الخروع انه يسبب مغص يمكن لانهم ياخذوه بكميات كبيرة اما انا بس ملعقة لاني بصراحة ماما قالت لي انها هي واخواتها وعيلتهم كل ابوها كانوا ياخذوا الخروع عشان ينظف بطنهم قبل الولادة لااااااازم ولا البطن يتحجر وما يجي الطلق ... وانا كمان اخذ دايم ملينات فجسمي متعود عليها أما البنت اللي ما عمرها تاخذ ملينات او مسهلات فالخروع ماراح يناسبها لانه حيسببلها اسهال فظيع وانتي بكرامة ومغص وهي مو ناقصة هم فوق همها في التاسع

فأنتي تعرفي نفسك اذا كنتي تقدري تتحمليه اولا ...وعندك التين المجفف ملين مرة كويس وما يسبب اي مغص

طبعا انتي طالما زوجك مسافر مرررررررة لا تاخذي زيت خروع او اي شئ علشان خوف انك تحرضي نفسك على الولادة وحضرة جنابه مو جنبك لما يجي مري على الدكتورة حقتك وقوليلها تعطيك ملين آمن






أنشودة المطر خوفتيني بصراحة .. ايوة هي الدبدوبة حتى تشوفيها تستغفر وتسبح ... والله ما ادري ايش اقولك .... بصراحة انا رحت عندها لان جارتي مدحتها مرررررررة طيب والأهم ان السونار عندها رخيص 75 ريال ... ولان زوجي مرررررررة كريم لو تشوفي كيف يسألني ليش 75 ريال قوليلهم يخفضوا السعر قلت له ياابن الحلال هذا ارخص مستوصف الباقين كلهم على 150 ريال .... يقوللي خلاص راجعي في النور حكومي وببلاش ... سالته فين اخلي ولدي وبنتي ؟؟؟ طول يوم بكامله وانا انتظر السرا في الحكومي ؟؟؟؟



وتوها جامعية الله يجزاها خير نبهتني على الاشعة الرباعية .. قلت بسأل عنها في منطقة اللي ساكنين فيها اهلي واروح اكشف هناك
يعني ما راح اعتمد نهائيا على الدكتورة في سليمان القرشي

بسألك انتي ما كنتي حاسة بشئ غريب ؟؟؟ ايش اسباب وفاة الجنين ؟؟

[يكفيني وجودك]

صباح الخير صبايـــا

كيفكم؟

حبيت انظم لكم
اتمنى تقبلوني بينكم أخت ..

[Queen DadoOo]

السلام عليكم
كيفكم ان شاء الله تكونو بخيييير
مبروك لكل اللي ولدو والله يسهل للي بيولد ويقومهم بالسلامة
ويتمم للحوامل وييسرلهم ويرزق كلللللللللل اللي تتمنى الحمل
انا حبيت اشاركم في التجمع اتمنى تقبلوني
اميرة وجامعية كيفكم انا معاكم ويمكن قبلكم هعععععععع
يكفيني وجودك اهلين فيناا انا وانتي