دردشة بنات العراق, دردشة حوامل العراق , تجمع بنات العراق

[زينب السعدي]

فله معندج رقم تليفون الدكتورة مالتج ..خابريها
اني اكدر اخابرلج دكتورتي بس اخاف تكلج اخذيها وتوكع براسي لا سمح الله حتى اشك هدومي غير الله لا يكولها
توته شوفي هاي الكصة اموووت عليها مرت حمايه رادت تكص شعرها وكلتلها عليها فراوتها لام الصالون وسوتلها مثلها عينا هي هم استيبس طبقات بس دقيقة جدا يعني مو تقشمر مال العراقيات طبقتين او 3 لا اقل شي 5 واذا ثخين شعرج فد 7لو 8 تطلع تجنن

[ام نورهانه]

لا والله ماعندي رقمها والله زنوبة تسويلي فضل اذا تسأليلي لان تعبانه كلش
صدك ايو الكصة لتكول عليها زوبة كلش حلوة اني كاصتها لج من اشسورة يصير يخبل اني سويتهم خمس طبقات
بس كوليلي شنو طبيعتج شعرج لان اني خبيرة بالكص يعني هاي الكصة الكالت عليها زينب محد كايلي عليها اني وحدي سويتها يعني اني اكص واصبغ شعري تفاجأت من زوبه ذكرتها هههههههههههه

[زينب السعدي]

ههههههههههههههههههههههههه لاولج فله مو اني من اريد اشوف قصات وصبغات شعر وتسريحات ومكياج كله عالكوكل وشفتها وهواااااااااااي عجبتني بس رجلي ميقبل اكص شعري بس اعدله من جوه اصبعين بين فتره وفتره وبسسسسسس

[زينب السعدي]

فله اخابرها السبت لان بكرى عطله وانشالله خيير

[مجنونة بحبها]

صباح الخيررر

جمعه مباركه

[اه من الغربة]

هلو شلونكم كلكم وحده وحده


زنوب يعجبني اشوف عمج الله يعينكم عليه اقرأ و خربانه ضحك و رجلي يقلي شبيج اقله ولاشي

ولج فله يا فله طبعا لا تاخذين الحبوب سويت عليهن سرج بل كمبيوتر تأذي الطفل اسم الله عليه تسبب مشاكل بل قلب و الرئه الله يهدي ال رجلج التحفة قوليله أخذ حبوب ليش ما تقوليلي بلكت يحس عل نفسه و الله يهدي و هذه الرابط مال ويب

Prozac (fluoxetine) information from Drugs.com
لا تاخذين حبوب و لا شي لمن تضوجين خلي قران لو أدعية و شوفي شلون نفسيتج تتحسن


جمعة مباركة عليج عيني إيمان و علي الجميع يارب

[ضفاف]

هلوو شلونكم حوامل ونفسات وعوانس ههههههههه العانس شيجيبها هنا
هاي منو ياخذ حبوب اكتئاب بالحمل مو زييينة ابدا خاصة بداية الحمل

[kokee]

هلا بيج فتفوته
اختي الجبيره اسمها ضفاف ونصيحلها فتفوته
منوره حبيبتي

[kokee]

فله لاتاخذين اي دوه استري على روحج وعلى طفلج
مو زين اي دوه عليج عدا ادوية الحمل نصيحه مني

[رويدة_ أم ألق]

مساء الخير حبايب شلونكم؟

فلة ومهاوي تسلمون هذا من ذوقكم
اي هو الموضوع من أفكاري ما أنزل مواضيع منقولة أبد

زينب عمج سوالفه توونس
صح يتدخل وغريب الأطوار
بس حسيته طيب وحريص مال الأول من الزين هههه

أنفال ديري بالج على نفسج وتعلمي تغلسين
لأن حرقة الدم تقصر العمر اسم الله عليج

كل البنات تحياتي ومحبتي.