حبيباتى سيدات ليبيا تفضلو لأعرف ما حالكم

[أم أجنادين 80]

المشاركة الأصلية كتبت بواسطة *ام فراس*

جنودهـ الحمدلله ع السلآمة ..





بس انا من رأيي هدية وسوسو .. يعني معتبرين بعضنا نفس الاخوات هنا ,, والاخــت مستحيل تسافر مثلآ بدون ماتقول لاختهــا ..صح او لآ .. نحن انشغلنا عليك ,, ونا عن نفسي توقعت المشروع انك بديري عملية أنابيب لي مرة حكيتي عليها بس ..
ونحن هنا او نحكي بطبعي مانحبش اندس شئ هكي على البنااات لكن الاطباع تختلف وبرضه من رأأيي اثري من حقكـ التكتمـ على موضوعكـ ,,




وكل سفراتنا اعتقد ماكنتش مؤكده بالاولـ ,,


بس من أول ماتبدأ اجراءات التأشيرهـ خلآص ,,

واكيدة درتوا تأشيرة وعبيتوا الابليكيشن ,, قبل موعد السفــر بمده وراجيتوا امتي تطلع والجو هضا لاي حد مسافر برااا

لانك قلتي انها تأكدت قبل يومين من الســفر ,, بس كيف حجزتوا التيكت ؟؟ في يومين ..؟


واصعب شئ لمة الحوش قبل السفــر جربته وقت قبل مانسافروا اللم وتطفاي الثلاجة والفريز والبرمه ع صوالين والجو هذا والدبش الحق نا تعاونت نا وزجــي عليها ولعند اخر لحظه ونحن نظموا في الشناطي ,,



عمومآ موفقة انتي وزوجكـ ان شاء الله .. وربي يسخرلكم اموركم اللي انتم مقبلين عليها أين كانت ..

والشرمولــــه هذا مصطلح شهير جدآ بي ليبيـــا كلها اعتقد ... لي هي عباره عن طماطم وفلفل وخيار ..بعد ماتبشري او تهرسي الطماطم تضيفي له الخيار والفلفل المقطعات صغير جدآ .. ونا نحب نضيفلها رشه كسبر ونقطة زيت زيتون وتملحيها,, ويامحلاها في الصيف وشواطئ البحر هذه اكلة الليبين السريعه .. وف ناس تضيفيلها ثوم وبصل
/
نذكر بعد جبت ألولــي الممرضات الاوكرانيات ف المصحة يهدرزن عليها قالتلها تعالي نديرو شرموله اطربقت بالضحك هههههه


قلت عالمية ياشرمولـــه تــــاريتكـ قعدتي......
///





والصور ف البداية ماطلعنش الا بعد مشيت الصفحة لانهن ممكن حجمهن كبير لذلك انا نصور بالجالاكسي دوس دايرته مخصوص للمنتدي و للدز لهلي زوجي عطاه ليا عشان الامر هذا.. وانزل منه..


مانزلش بصور الكاميرا الكانون لان حجكهن كبير جدآ فوق 5 ميقا وحتي اي فووون كذلكـ .. مانزلش منه مع ان الصور فيهن وضوح ونقاااء روعه



وحلواااات يسلمو دياتكـ عليهن ,,

الرحله متاعنا مالهيتش نصور ولا حاجة فيها بسبب العيال وقتها ,,



واكيد الاكل ف البدايه مش حتقبليه ,, نفس ماصارلنا نحن والقروب لعند ماطحنا ف مطعم روعه ,,وبعد ما استقرينا وبدينا نطيبوا خلاص اصبح الامر عادي جدآ

بس ثاني يوم طول .. والمطار ماخدينش منه الا عصائر و بشاكيط وفواكه ..

الله يسلمك .. والحمد لله علس سلامتك .. وان شاء الله تروحي بلدك سالمة غانمة

مهما لفينا وشفنا البلدان المتطورة والأجواء المختلفة حتي لو كان الهواء المنعش والناس

المُرحبة فلا غني عن الوطن مهما كانت زادت عيوبه ...

سفرتنا وتأكيدها غير لان فيه عامل كان متوقف عليه السفر غير التاشيرة وكل الإجراات الاخري

اللي أكيد كل من سافر خارج الوطن عرفها سواء التأشيرة او القبول للغة او التيكيت مثل ماقلتي

فروسة


وانا من قبل حكيت وقلت فيه مشروع وفعلا كان هناك اكثر من مشروع وكل مشروع متوقف علي

الثاني لو مصارش من الاول راح نديروا الثاني .." مثلا ماصارش من السفر راح نديروا مشروع

تجاري مصارش من التجاري مشروع سفر للعلاج بالخارج " كل السينوريوهات كانت واردة

فاكيد كان مش مؤكد ..

والسفرة لأكثر من مرة تتكنسل لعدة اسباب حتي كرهت اني نحكي ونقول في سفرة او فيه

سفرتين بالاحري ومش مقرر أما سفرة وبعد ماستقرينا صارت عدة عراقيل كنسلت السفر

وبعدين رجع الموضوع وانفتح ثاني ولما تسخرت الأمور من ناحيتنا ريحولنا اوراقنا وعطلونا في عدة

اجراءات لين فقدت الأمل ...


وحتي مع حجز التذاكر صارت مشاكل وفعلا وبصدق قبل يومين بس تحدد مصيرنا وتم تاكيد السفر

بناء علي مستند مصيري بالنسبة للسفرة ..

وفــــــــــــعلاً زي خواتي واكثر ولكن حطي بالك فروسة وهدية وسوسو اننا في عالم غير واقعي

والتعامل مع الانترنت مش نفس التعامل علي الطبيعة " لا اقصد ان تعاملي في الطبيعة قد يختلف

عن الانترنت بل اقصد الحديث ونقل تفاصيل الحياة وشخصية الشخص لا تبرز لكي من وراء شاشة

حاسوب "

والمواقف في الواقع تحدد اكثر قوة العلاقة بين الناس ...

انا والله ماتوقعت انكم تزعلوا ولا كانت نيتي سيئة باني تكتمت عن الموضوع بل ذكرت وجود مشروع

ومااعطيتش اي تفاصيل زي ماذكرت لان الموضوع كان ليه سنين وينفتح ويتسكر لدرجة تحشمت

حتي نحكي عليه ...


الـــــــــــــشرمولة صدقي او لاتصدقي مصلح غير مستعمل عندنا خصوصا في بيتنا وبيت زوجي

انتي تقصدي السلاطة العربية طماطم وخيار وبصل وفلفل وزيتون وملح مش هيا هذه ياسوسو ..


وانا نزلت الصور من الايفون مش مخصصة جهاز للتجمع واول مرة انجرب انزل بيه صراحة

والكاميرا ماجبتها معاي لان عندنا الايباد يكفي

[dr.loly]

المشاركة الأصلية كتبت بواسطة أم أجنادين 80

الله يسلمك .. والحمد لله علس سلامتك .. وان شاء الله تروحي بلدك سالمة غانمة

مهما لفينا وشفنا البلدان المتطورة والأجواء المختلفة حتي لو كان الهواء المنعش والناس

المُرحبة فلا غني عن الوطن مهما كانت زادت عيوبه ...

سفرتنا وتأكيدها غير لان فيه عامل كان متوقف عليه السفر غير التاشيرة وكل الإجراات الاخري

اللي أكيد كل من سافر خارج الوطن عرفها سواء التأشيرة او القبول للغة او التيكيت مثل ماقلتي

فروسة


وانا من قبل حكيت وقلت فيه مشروع وفعلا كان هناك اكثر من مشروع وكل مشروع متوقف علي

الثاني لو مصارش من الاول راح نديروا الثاني .." مثلا ماصارش من السفر راح نديروا مشروع

تجاري مصارش من التجاري مشروع سفر للعلاج بالخارج " كل السينوريوهات كانت واردة

فاكيد كان مش مؤكد ..

والسفرة لأكثر من مرة تتكنسل لعدة اسباب حتي كرهت اني نحكي ونقول في سفرة او فيه

سفرتين بالاحري ومش مقرر أما سفرة وبعد ماستقرينا صارت عدة عراقيل كنسلت السفر

وبعدين رجع الموضوع وانفتح ثاني ولما تسخرت الأمور من ناحيتنا ريحولنا اوراقنا وعطلونا في عدة

اجراءات لين فقدت الأمل ...


وحتي مع حجز التذاكر صارت مشاكل وفعلا وبصدق قبل يومين بس تحدد مصيرنا وتم تاكيد السفر

بناء علي مستند مصيري بالنسبة للسفرة ..

وفــــــــــــعلاً زي خواتي واكثر ولكن حطي بالك فروسة وهدية وسوسو اننا في عالم غير واقعي

والتعامل مع الانترنت مش نفس التعامل علي الطبيعة " لا اقصد ان تعاملي في الطبيعة قد يختلف

عن الانترنت بل اقصد الحديث ونقل تفاصيل الحياة وشخصية الشخص لا تبرز لكي من وراء شاشة

حاسوب "

والمواقف في الواقع تحدد اكثر قوة العلاقة بين الناس ...

انا والله ماتوقعت انكم تزعلوا ولا كانت نيتي سيئة باني تكتمت عن الموضوع بل ذكرت وجود مشروع

ومااعطيتش اي تفاصيل زي ماذكرت لان الموضوع كان ليه سنين وينفتح ويتسكر لدرجة تحشمت

حتي نحكي عليه ...


الـــــــــــــشرمولة صدقي او لاتصدقي مصلح غير مستعمل عندنا خصوصا في بيتنا وبيت زوجي

انتي تقصدي السلاطة العربية طماطم وخيار وبصل وفلفل وزيتون وملح مش هيا هذه ياسوسو ..


وانا نزلت الصور من الايفون مش مخصصة جهاز للتجمع واول مرة انجرب انزل بيه صراحة

والكاميرا ماجبتها معاي لان عندنا الايباد يكفي

عزيزتي عن نفسي ماوصلتش بيا الدرجة للزعــل الحــق ولا اعتقد ان البنات زعلوا حتي هم ..

بس يمكن بالنسبه ليا استغربت لا اكثر ولا أقــل’’

وبطبعي انحب انقول رأيي بصراحة عادي ..

ومايعاتبك الا اللي يمون عليكـ ويحبكـ ..

بالنسبة لعراقيل السفــر صارت معانا تخيلي من ايام الخطوبة وكان زوجي مفروض يسافر ..
لكن صارن الاحداث ... وبريطانسا قعدت متشدده اشوية وكل ماتصير يطلعوا حاجة تعرقل ف السفر مرة تأمين 4 مليون ع الشركة ومرة ايلس فرضوها وهي تبي 6 شهور دراسة بس زوجي ضغطوها لهم في شهرين ... وكان ماياخدوهش مايحصلوش تأشيرة الدراسة .. رغم ان عنده شهادات واجد بالانجلش من التوفل ل اف سي .. اقوي حاجات

وقعدت ع اعصابي منها لان خشينا ف مشاريع من ضمنهن البني بعد حولناها من بالنا ..

بعدها الجامعات والقبول.. لعند ماربي سخر وجبت ونشطت نا وبنتي الحمدلله عشان نتحملوا السفر.. ومنها كملنا بني

[dr.loly]

اوشتي اوشتي .... اذكرتكـ في اسكتلندا ... بعد اذكرت روايات عبير هههههه في الريف الاسكتلندي ..

ولقيتك كاتبه اني اكيد قاعده بالريف حاسين ببعضنا سبحان الله..



اثري يا اثري ... قعدت كل مانشوف ديبنهام والمحلات نذكر فيك ...


خصيصا ان الديبنهام داير تخفيض كبير حتي هنا يطلعني اعلانته واجد تخيلي طاقم كريستال ملكي ايطالي الصنع ..
للعصير ... بي 30 باوند .. اي 65 ليبي وكان ب 100 ...
يعني 250 ليبي وااااو ..

[dr.loly]

تسلمي جيجي وبارك الله فيكـ..


اوشي يا اوشي

الرحله بجد نعجز عن شرحها حتي لاختي ماعرفتش نعبر بجد عالم غير العالم .. والله حتي بعد طلع القطار منها دمعت عينــي


الشعب بروحها ودود مش نفس الانجليز بروووود ...


حتي المحلات ... بعد يسألونا منين يرحبوا والجو هذا ..




جو عالمي خصيصآ في قلعة ادنبره بعد طلعنا منها تنزل ع شارع اسمها رويال مايل .. ملكي


هذا كله محلات وابنية نظام قديم ع طابع عصري وبس تحف وهدايا من ثرات اسكتلندااا ودبشهم



الكـــاروهات لي مشهورين به ... وطبعا جو القونات للرجاله يبيعوا فيهن ...


والاصوات والاجواء في كل مكان .. متاع اسكتلنداااا

[dr.loly]

ام ورد وام معاد ان شاء الله اموركن بخــير..


رغووودة حبيبتي ربي يسرلها سفرتها يارب .. والله واجعتني قصة تأشيرة عيالها وسألت صديقة من الخمس هنا كيف خدت الدكتوراه ماشاء الله وسألت زوجي قبلها ,, قالو لازم ترجع بعد 6 اشهر وتجددها وقالي زوجها اكيد قدملهمش زوجها ف تأشيرة التاير فور لو هذا طلعتلهم سنة نفسهم ..


يارب يسر امورها خصيصا انها بعد 6 شهور بتجيب ياروحي...

[dr.loly]

للحديث بقية ان شاء الله ع الرحله ... طبعآ مدعم بالصــور ..

[جوهرة ليبيا]

فروسه وين امشيتي اكيده تعب السفره دوم ان شاء الله الرحلات الحلوه وعقبال العمره والحج ياااارب اجمعين

[dr.loly]

المشاركة الأصلية كتبت بواسطة جوهرة ليبيا

فروسه وين امشيتي اكيده تعب السفره دوم ان شاء الله الرحلات الحلوه وعقبال العمره والحج ياااارب اجمعين

امشينا ثاني يوم العيــد ... رفقة مع عائلة من الخمس لقرية بالمترو اسمها ساوت شيلد ..
روعه بكل ع البحر .. وتمتاز بمحلاتها البسيطة وتعتبر ارخص قالتلي المراه لي عدينا معاهم
كان خاطري انخش لكن قالت نحن مش عابين ع شوبنق ..
قعدنا فيها ساعات هك وبعدها انتقلنا ل نورت شيلد قرية نفسها بس اسمها يختلف انتقلناها بالمركب ع بحر .. مدينة عائمة حلوة بكل وختمناها بقرية نحن ومروحين اسمها تاين ماوث فيها قلعة كبيره وتهبل حتي هي ..


هذا ثاني يوم وبعدها سافرنا اسبوع للعاصمة الاسكتلندية أدنبــرة ..


اللي نعجز عن وصفها بجــد ’’


معبية سواح من جميع أنحاء العـــالمـ ...



ويارب أجمعين ان شاء الله بالنسبه للحج والعمـره .. ويعلم ربي قديش خاطري فيهن

[جوهرة ليبيا]

ويييييييينكم بنات تعالوا انهدرزوا راني قريب انجيييييييييييب هههههه

[ليبياقلبي]

سسسسسسسسسسسسسسسسلام
جنودة صور يهبلوا ورحلة موفقة بس ثوللي دارسة ولا سياحة ولا علاج شنو بالزيط وانت ولا زوجك
ام فروسة رحلة سعيدة والله سفهتني خاطري نسافر بس توا علشان تاشيرة مازال راجلي متعقد من موضوع لالا تاشيرة مش موقفينها راجلي مصر رتفضته والاسباب مجهولة قوللي صاحبتك من اي عيلة من الخمس مرات تطلع قريبتي قريبتي في برطانيا بم انها خمسية زي
جيجي ربي يسهلك