تجمع الجزائريات المتأخرات في الحمل و أهلين بالتونسيات الغاليات

[Nourelhouda]

اهلا يا الزينات الحلوات الغاليات واش راكم لاباس!؟!؟
توحشتكم بزاف بزاف،،،،
اهلا نوال واش راكي اباس!؟!؟! نورتي التجمع بطلتك اليوم، مريم خبرتني بلي دخلتي جيت نجري نسلم عليك و نباركلك على احلى خبر والله فرحتلك بزافففففف الحمد لله على كل خير،،،،، حافظي على روحك و يارب يكونو توأم يا رب،،،،،،،،، ربي يعطيك وقفة سهلة،
بسومة لاباس!؟!؟ ربي يعطيك وقفة سهلة يا رب،،،،
ام عبدالرؤوف لاباس!؟!؟! ان شاء الله ماحيكش الدورة و تكوني خامل و تجيبي عبدالرؤوف يا رب،،،،
ندى الوردة لاباس!؟!؟ ربي يحفظلك اولادك و ان شاء الله تكوني حامل يا رب يا كريم،،،،،
اسما ليال لاباس!،!؟!؟
خولتي واش راكي لاباس!؟!،!؟ ريحي روحك يا حنونة اذا راكي حابة تكملي للتاسع اقعدي ريحي ،،،،، ربي يعطيك وقفة سهلة يا رب،،،،،
جومانة الزينة واش راكي لاباس!،!؟! الحمد لله يا رب على كل شيء ان شاء الله هذ الشهر تجي تقوليلنا راني حامل يا رب يا كريم و نفرحو بيك،،،،،،واش راكي!؟!؟!؟
امة الرحمن الغالية لاباس!؟!؟!؟ وين هذ الغيبة ارواحي توحشتك،،،،،،
البنات راني مقلقة على صبورة ما بانتش كامل !؟!؟! ان شاء الله خير يا رب،،،،،،،
سمسومة وين راهي!؟!؟! وصال تانيت تبحرت،،،،،، اترج لاباس!؟!؟!؟ امومة وين راكم!؟!؟!؟ عبير!؟!؟! حورية راهي تبحرت تانيت ان شاء الله خير يا رب!؟!؟!؟
و كامل البنات نور اليقين راهي دور في الفايسبوك ههههههههههه،،،، و امنا الغالية امورتي الزينة ارجعيلنا ،،،،،،،،توحشناك،،،،،،
ام بلقاسم لاباس!؟!؟! بسومة و بنتها وين راكي يا لالا طلي علينا طمنينا عليك،،،،،،

[Nourelhouda]

اهلا لاميا واش راكي لاباس!؟!؟!؟!؟!

[lamia zina]

اهلا نور الهدي راكي مع الفيس بوك على هديك ما راكيش تدخلي كي العادة واش احوال اختك و حسونة يخي رحتي لدارك ز لا مازلتي عند اختك

[حياتي قمراتي]

نور الهدى يا الزينة تاعنا نورتينا وشراكي
شكون نور اليقين واقيل راهي صديقة عندي بصح منعرفهاش ههه

[عبير الحرية]

لبنات سلام كامل توحشتكم

و ما قدرتش نقرء الارشيف واش احوال صبورة و اختها

[Nourelhouda]

نور اليقين اخت معانا هنا في التجمع من سطيف هي،،،،،،، و مامازال ربي ماكتبلهاش تجيب دراري ربي يرزقها طفلة هايلة ماشاء الله،،،،،
لاميا والله راني مشغولة هذ اليومين مع الخدمة كان عندنا ملتقى دولي في الجامعة يعني هذ الاسبوع كامل خدمت حتى اليوم كان عندي شغل في جامعة بومرداس من السبعة تاع الصباح حتى الخمسة تاع العشية باش دخلت لداري،،،،،،، راني في داري تروح ويكند برك لدارنا مع حسونة ربي يحفظو يهبل ،،،ديجا كي ماروحتش اليوم مانيش مليحة توحشتو بزاف يا عمري،،،،،،
اهلا عبير واش راكي لاباس!؟!؟!

[مريم13]

المشاركة الأصلية كتبت بواسطة عبير الحرية

لبنات سلام كامل توحشتكم

و ما قدرتش نقرء الارشيف واش احوال صبورة و اختها

اهلا عبير واش اوالك



لامياء توحشناك ياك لاباس

[نوال الجزائرية]

اهلاااااااااااااااااا مريومة والله حتى انا توحشتك ديما نخمم ونقول يادرا مريم زيدت ولا مازالخاطراك نسيت شحال عندك

واش عندك بنوتة ولا بنوت هههههههههههههههههه ولا طفل ربي يكملك حبيبتي وتقومي بالسلامة


شككككككككرا لااامية حبيبتي ربي يبارك فيك ولعقوبة ليك عاجلا غير اجل يارب
هيه درت وصفة وكنت داااايما نسمع عليها بلي راهي فعاااالة لكل شئ وتحقق المستحيل باذن الله تعالى



نوووووووووور الهدى واش رااااكي حبيبتي علابالك سمعت واحد الوصفة قالت لي عليها واحدة كي سمعت ديييييييراكت جيتي في بالي خاطراه ياقلتيلي بلي راجلك عندو نقص ف الحيوانات المنوية والله غير دخلت ليوم على جالك راني في دارنا ماقدرتش نصبر حتى نروح لداري باه نحكيلك ربي يبارك فيك ويرزقك عااااجلا غير اجل يارب يا كريم
نقولك وشي هي ولا لا :p



عبووووووووووووووووووووووووووورة واش راكي هيه يا عبير انا حااااااااااااااااااااااااااااااااااااااامل بفضل الله وحده لاشريك له

ايبارك فيك حبيبتي ربي يكمللنا ان شاء الله يارب ولعقوبة لكل لبنات

[عبير الحرية]

لبنات قولولي نوال بالحمل الف مبرووووك ياااااااااارب و ربي يتمملك بخير و لعقوبة لكل البنات

اهلا هدى الله يسلمك واش احوالك انت مع حسونة

مريم الحمد لله نقولو الدنيا ماشية

[عبير الحرية]

لبنات امس و قبل امس اكرمكن الله نزل علي افرزات قليلة جدا مارون

خفت خلاص نروح للطبيب خفت تقولي اريتي ياااااااااااا ربي العزيزة راني ضاربة النح واش رايكم