حبيباتى سيدات ليبيا تفضلو لأعرف ما حالكم

ام معاد · 07-08-2013, 07:54 PM

السلام عليكم كيف حالكم كلكم

ام معاد · 07-08-2013, 07:55 PM

اني فرررررررررررررررحانة لان اليوم طهرنا ابان واخييييييييييييييييرا

ام معاد · 07-08-2013, 08:02 PM

اقتباس:

المشاركة الأصلية كتبت بواسطة أثري في مدادي

أهــــــــــــــــــــــــــــــلا
أم فروسي
و
سوسو

غبت عنكم كنت " لا بيا ولا عليا " ؟؟؟
جاني مسج من بيبي شب تخفيض 50 في المئة
وأني حاطة عيني علي حاجات للصغــــــــــــــــــــــــــــــــــار
وكان بنوسع بالي معاش نلقاهم

وأني مطلعة جزء من أدراج المطبخ نرتب فيهم ............................ سيبت كل شيء
وانطلقت
حطيت الصغار عند أمـــــــــــــــــــــــــــــــــــي
ومشيت
خديت لــــــــــــــــــــ دودي تي شيرت فوشي سادة من قدام وعليه بالكامل نقوش هندية من الخلف بين الفوشي والبنفسجي
وركبتله بنطلون ستريتش بنفسجي فيه بطيمات من الجنب فووووووووووشي
وخديتلها قفطان قميشته مبردة
لكن ممكن نبدله لونه أبيض بالوردي فشكله كأنه بايد ولا قديم ؟؟؟ هكي قتلي أمي خخخخخخخخخخخخ

عموما
أني لازم نمشي ثاني علي خاطر خديت لعلو قميص كان ب40 ولــــــــــى ب 20
كاروهات بيج وبني وبرتقالي
جاه صغير بندله بأكبر
كان لحقت علي البضاعة
زحممممممممممممممممة

وروحت اتكيت شوووووووووووية
بعد ما تغدينااااااااااااااااااااااااااا

الغدي من الماما
مكرونة صلصة
إممممممممممممم

وتوا بنصلي العصر
ونكمل مطبخي
عندي مرة خوي وبنتها بيجوني مع السبعة
مش عارفة امتى بنمشي نبدل البضاعة ؟؟؟؟؟؟؟؟؟؟؟؟؟
هيااااااااااااا
سلامات توا

ربي يسهل على نتيجة الشهادة
عندي بنت أختي وبنات خوي الزوز معاهد متوسطة حاسوب نرااااااااااااجو في نتيجتهم
لكن الله يبااااااااااااااارك ديما امتياز
والثلاثة
عاقدين قراااااااااااااااانهم
يدعوا إن شاء الله ينجحوا
وإلا حشوووووووووووووومة
قدام عرسانهم خخخخخخخخخخخخخ

مبروك ماشريتي ويتبيدو بالهني فكرتيني لما كنت مخطوبة في نها التانوي السنة الاخيرة كانت النتيجة قبل العرس بايااااااااام لكن الحمد لله انجحت وكان الخبر من خطيبي زوجي حاليا كلم خوي وقاله الخوخة نجحت وكان فرررررررررررررررررحلن وبالنسبة ليا كنت فرحانة هلبة علي خاطر اني نجحت وتانيا كان الخبر منه احممممممممممم ههههههههههه ويارب حفيداتكم ينجحوا يارب وقلهم يطلبوا الهدية خخخخخخخخخخ وحدة اتحرض

أم أجنادين 80 · 07-08-2013, 09:34 PM

السلام عليكم
غدوة رمضان او الأربعاء

أم أجنادين 80 · 07-08-2013, 09:35 PM

كيف حالك خوخة
وان شاء الله بطول عمره

أثري في مدادي · 07-08-2013, 10:28 PM

اقتباس:

المشاركة الأصلية كتبت بواسطة sosolibya

لقيت قناة طه للأطفال حلوووووووة

بس

ولكن

أكتشفت انها قناة شيعية

ردي بااااااااااااااااااااااااااااااااااااااالك
يا سوسو
ديريلها ديليت طووووووووووول
عافانا الله من شرورهـــــــــــــــــــــــم
~~~~~~~~~~~~~~~~~~~~~~~~~~~~~~

اقتباس:

المشاركة الأصلية كتبت بواسطة sosolibya

هه الهدرزة اختلطت ههههه
عالعموم مبروك مخديتى أثرى وإن شاء الله بنجاح العروسات

ونبى نعرف اللبس لعمر توا وللا للعام الجاى لأنك انت قلتى هكى تديرى

[color="rgb(153, 50, 204)"]الله يبارك فيك
إن شاء الله ربي يوفقهم ويوفق الجميــــــــــــــــــــــــــــــــع
لا بالنسبة للبس الحق لتوا
لأن عندنا كمشــــــــــــــــــــــة أعراس الله يبارك
عندي عرس بنت خوي اللي تأجل عرسها بعد العيد
والله يبارك حددوا عرس بنت خوي الثانية
وسلفــــــــــــــــــي
قالوا عرسه ممكن بين الأعياد
فنبي مجموعة محترمة من اللبس
ومن غير العيد
ربـــــــــــــــــــــــــــي يدوم الأفراح
وبالنسبة للعام القادم إن شاء الله في تخفيضات 70 في المئة

[/color]

اقتباس:

المشاركة الأصلية كتبت بواسطة أم أجنادين 80

متعب العصبان كل يوم سوسو
حتي انا بندير زيك رمضان هدا بنمشي لاهلي كل يومين او ثلاثة

رخيصات المصارين طبعا لان ماليهمش اهمية عندهم اشبعوا فيهم ام فراس

ربي يعاون
عصبان كل يوم ؟؟؟؟
الحق أني في رمضان منديرش فيه بكـــــــــــــــــــــل
حتـــــــــــــــى المحاشي
مايفضلش فيهم زوجي
يقولي نقعد ""نتقرع ""بيه في السحور ~~~~
صحتين وعافيــــــــــــــــــــــــــة

اقتباس:

المشاركة الأصلية كتبت بواسطة أم أجنادين 80

مبارك ماشريتي اثري

الله يبارك فيك
توا مشيت بدلت القميص
وغيرت الفستان بواحد ثاني أحلى بهلبة وزايد عليه بدينار بــــــــــــــــس

اقتباس:

المشاركة الأصلية كتبت بواسطة ام معاد

اني فرررررررررررررررحانة لان اليوم طهرنا ابان واخييييييييييييييييرا

مبــــــــــــــــــــــــــــــــــــــــــــــــ ارك
طيب الحمد لله على سلامته
ولا يهمك من غير ما توصي
الهدية هي الأولى ~~~~~

اقتباس:

المشاركة الأصلية كتبت بواسطة أم أجنادين 80

السلام عليكم
غدوة رمضان او الأربعاء

الله أعلم
السعودية قالوا مش غدوة
~~~~~~~~~~~~~~~~~~~~~~~~~~~~

~~sosolibya~~ · 07-08-2013, 10:37 PM

السلام عليكم ورحمة الله وبركاته

رمضانكم مبارك بإذن الله يوم ألأإربعاء

~~sosolibya~~ · 07-08-2013, 11:40 PM

شنو أثرى كيف هى الزخارف الهندية يللى على الفالينيا

~~sosolibya~~ · 07-09-2013, 12:05 AM

مش فى رقبتى زيدو اتأكدو

أثري في مدادي · 07-09-2013, 12:35 AM

خيرك وخرتـــــــــــــــــــــــي سوسو
غدوة بنفطر في رقبـــــــــــــــــــــــــــــــــــتك
مخصنيش
خخخخخخخخخخخخخخ

الزخارف عبارة عن أشكال هندسية ونقرشــــــــــــــــــــــــة محبوكة ألوانها متداخلة
ويغلب عليها الفوشي والبنفسجي
لكن من قدام كلها فوشي سادة مع جيب بسيط في الجنب بيه إطار نفس لون القفا ~~~~
وفي منها تشكيلات عدة بنفس الطراز
ولكنها تتلائم مع أكبر سناً يعني بنوتة تمشي علي رجليها

عموما كان تسخر زوزك باش يرفعك لسوق الثلاثاء ــ حتى في رمضان ـــ
هو على الرئيسي متاع قرقارش
وأنتم جايين من الزاوية
بعد جامع بن فضـــــــــــــــــــــــــــــــل
علي يدك اليمين
محل كبير مكتوب عليه محل الأطفال
ومكتوب عليه تخفيــــــــــــــــــــــــــــــــض 50 في المئة
لكن إنتم ماشاء الله مش محتاجين
عندكم حاجات حلوة ورخيييييييييييييصة
الله يبارك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	ايلاف	إستفسارات حوامل من الشهر السابع إلى الشهر التاسع	3567	06-15-2013 12:57 PM
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تفضلو حبيباتي	ريحانة المصطفى	منتدى أعراض الحمل والوحام	0	12-06-2012 10:41 AM
مهم لكل عضوات قسم الحوامل الغاليات.. تفضلو حبيباتي ..	xRano0x	منتدى أعراض الحمل والوحام	121	08-23-2011 01:48 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM