تجمع اللي بيولدوا في شهر ربيع الثاني 1434

[ρυяỉтч •]

قطعه انتي لو ماعندك اطفال امورك طيبه ، يعني امسكي كل يوم جزئ ونظفيه
ابدي ب الحمامات والمطبخ والصاله وبكرا مثلا الغرف وهيك
انا عشان عندي اطفال ماعندي نظام 24 ساعه اكرف واشتغل ..
بس منظمه الغسيل مثلا كل يومين .. المطبخ نهائيا ماخلي شي فيه يتراكم علي
الصاله انظفها سبعطعش مره باليوم .. وغرفه عيالي خلاص رتبتها وغرف الجلس وماخلي احد يدخلهم ابد
يعني حاشره عيالي بالصاله يحوسونها وانظفها وراهم ..
لاني مادري متى مااولد بالضبط ولا ابي اطلع وهي حوسه ،

[ام جنى الامورة]

انا نظامي حددت لبناتي لبستين وبجامه للنوم فقط والباقي سكرت عليه
غرفتهم نظفتها ومسحتهامايدخلونها الا عند النوم او لشي ضروري افتحها حسافة يروح تعبي
المطبخ نظفت الادراج ومسحتها بكلوركس وديتول والفرن كذلك ونظفت الثلاجه وغسلت المطبخ وفرشته بفرش خفيف عشان ماتتوصخ الارضيه
الصاله يوميا كنس قسم الرجال كانسه وغاسله ومسكره الباب بقفل عشان لاحد يدخله وعندي حوش الحمدلله اغلب الوقت بناتي يلعبون فيه بالسيكل والألعاب يعني شوي خف الضغط على الصاله بس العيب بها الحوش لما اكون فاتحه الباب يدخل الغبار تحصلين كل يومين امسح المكتبه عشان الغبار يكون واضح فيها
دوره المياه يوميا لما يخلصون بناتي وينامون مسويه لي خلطه بعلبه وبالدورة اكب منها واغسل على السريع والحمدلله دايم نظيف وريحته حلوة
والغساله عندي غرفه خارجيه للغسيل ومستودع ومريحتني بالحيل

بس الحمدلله وعسى ربي يسهل لنا الولاده ونرتاح يارب

[ρυяỉтч •]

انا اكره الحوش عشان يتوسخون وتصير ريحتهم غبار ، واضطر احممهم عاد
وانا متكسره ويالله اشيل حالي ،
بنات وين مختفيات ؟

[ام جنى الامورة]

هدى حوشي صغير الحمدلله يادوب رشتين بمويه ونظيف

البنات نايمين او يتوجعون
هههههه
هذا حالنا بهذا التجمع

[أم جنى فديتها]

هلا بنات

عندي الم يجيني من الصبح
وهو اذا جا ماقدر اتحرك
بس مو منتظم وطول اليوم معاي

بسالكم تتوقعون طلق ولا لا؟

[صبا الشرقية]

مساء الخير


الله يهون علينا كلنا ويسهل ولادتنا

خلاص راح الكثير باقي القليل ان شاء الله

[أم جنى فديتها]

اي نفس ماقلتي شكله طلق بارد
انشاء الله بروح امشي اذا جا زوجي بعد شوي وانشاء الله يزيد
لانه طول اليوم كذا يجي وماقدر اتحرك من الفجر وهو معاي..
يارب هون الطلق وحسن الخلق

[ρυяỉтч •]

انا عندي سطح بس بصراحه الجو مايساعد يابرد او غبار
/
ايه ام جنو طلق انا من 4 الفجر معي كذا بس هذا طلق بارد للاسف
تو رجعت من الطوارئ ، بنتي تدلع ماتتحرك .. سوولي تخطيط ومو مره وحطولي اكسجين والحمدلله تعدل التخطيط
وكتبوا تنويم ورفضته دام التخطيط تعدل ، وطلع فيه طلق بس كل ساعتين كذا مره خفيف وبارد
والله عيوني دمعت مره خفت على بنتي يارب لاتفجعني فيها

[ام لطيف]

السلام عليكم انا حامل في وسط الشهر الثامن وحامله بتؤم بنات بس تقولي الدكتورة نسبة الماء قليلة وانا خايفه اكو وحده صارت عندها هاي الحالة جاوبوني رجاءا

[ρυяỉтч •]

حبيبتي ادخلي قسم انواع الحمل ، فيه تجمع لحوامل التوائم بيفيدونك اكثر