دردشة بنات العراق, دردشة حوامل العراق , تجمع بنات العراق

~~زينب السعدي~~ · 03-08-2012, 10:43 PM

حياتي امووونة اسم الله عليج سلامتج من الاه ...والله قهرتيني عليج ماعندج الا العافية وهاي كماشة الله غاضب عليها وميريد يصلحها

توتايه · 03-09-2012, 12:19 AM

باعي امونه والله اخويه جانت عنده حصوه رمل ووكعتها شراب فوار اسمه يوريكول بطعم البرتقال يجنن 3 اكياس باليوم فظيييييع والله مجرب خلال اقل من اسبوع نزلت الحصوايه مالته وتعرفين الرياجيل شلون صعبه عدهم هالشي
سلامتج حبحب الف سلامه ميخالف عيوني باعي رجلج يعرف شبيج ومينطي بيج عمري انتي الحمدلله والشكر كلها كدامج حياتي

أم أيهومي · 03-09-2012, 05:15 AM

هلو مهاوي دلب اشلونج اي صايره امبدعه اني نيوووو لوك من اللي يعجبك

داافكر اغير اسمي
اسميه
انثى تتنفس الياسمين

كلش عاجبني خمطته من غير منتدى خخخخخخخخخخخخخخخخخخخ

شتكووولون انتظر ارائكم على الاسم

مجنونة بحبها · 03-09-2012, 08:57 AM

جمعه مباركه

الله يسلمكم بنات ماتشوفون شر يااااااااااارب

مهاوي حبيبتي انا النهار كله اشرب مي
حتى كماشه تكول اتشربين مي حتى تسمنين هههههههههه
وقبل فتره انا سويت سونار وكالت الدكتوره كلاتي مثل الورد ومابيهم شي
بس انا اعرف عين اجتني حركتني حرك
واختي البارحه تكول اشربي مي معقم لا من البوري
بس انا مكلت لزوجي لان بس يجيبلي
يصير سم لان كماشه راح تتخبل ومابيه حيل حجيها

ايه حبيبتي الله يسلمج
انا هم سجلتلي الدكتوره منه وكالت اشرب الصبح وبالليل
بس طعمه يلعب النفس

الله يعافيج زنوبه حبيبتي
الحمدلله على كل حال
تعبت من كماشه وسوالفها
كمت البارحه اصيح ساعه سوده تزوجت بيها
جنت عند اهلي مثل الورد وماعرف شنو الطبيب والعلاج
وكلشي منتظم عندي ومن تزوجت لليوم صرت فار تجار للدكاتره

ام ايهم شلونج حبي حلوه هذا الاسم وبلعافيه مقدما

اه من الغربة · 03-09-2012, 10:35 AM

سلامات أمون ما تشوفين شر ان شاءالله اب عدوج ولا بيج قلب الله يعينج أني اول ما جبت مريم صار عندي حصو بل مراره ف اعرف الألم كلش زين ان شاءالله تنزل بسرعه و تخلصين لا تاكلين طماطه و خضره لان يجمعن رمل

حماج شوكت يرجع من امريكا

مجنونة بحبها · 03-09-2012, 12:09 PM

الله يسلمج حبيبتي ام محمد

بناااااااااااات مهاوي تسلم عليكم
والاب توب ماتها عطلان وميفتح قوقل

فوفو العراقية · 03-09-2012, 03:38 PM

السلام عليكم
جمعه مباركة علجميع

شلونكم بنات
شخباركم

ســــــــــــــؤال
قريت في بعض المواقع ان الفراولة مضرة للحامل وتسبب اجهاض لا سامح الله
والركي الاحمر هم لانه يجعل الحامل تدخل دورة المياه عدة مرات الله يكرمكم

منو عدهة معلومة تفيدني بيها من صحة هالمعلومة او العكس؟

غنى2011 · 03-09-2012, 08:48 PM

اقتباس:

المشاركة الأصلية كتبت بواسطة فوفو العراقية

السلام عليكم
جمعه مباركة علجميع

شلونكم بنات
شخباركم

ســــــــــــــؤال
قريت في بعض المواقع ان الفراولة مضرة للحامل وتسبب اجهاض لا سامح الله
والركي الاحمر هم لانه يجعل الحامل تدخل دورة المياه عدة مرات الله يكرمكم

منو عدهة معلومة تفيدني بيها من صحة هالمعلومة او العكس؟

هلو فوفو والله ماعندي معلومه
اكلج اني من كاعي ادخل هوايه للتواليت واحلل سكر يطلع طبيعي
شنو مو زين كثره التبول للحامل ههههههههه شوف الوسواس

ام زهراء 2 · 03-09-2012, 08:01 PM

السلام عليكم انا عضوه جديده ممكن انظم للتجمع الحلو هذا

~~زينب السعدي~~ · 03-09-2012, 08:03 PM

اهلا وسهلا ام زهراء نرحب بيج بتجمعنابس اذا امكن السي في مالتج للتعارف هه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM