تكفون ساعدوني ؟مشكلة الزوج المطلق وعنده عيال ؟

[ام الجوهرة 2012]

كيف الحال يالغاليات ان شاء الله تمااااااااام
ياحبيبات قلبي من العنوان عندي مشكلة صارت لي بعد زواجي ...

بالبداية خطبني ولد عمي ووافقت عليه وانا عارفه انه كان مطلق وعنده 3 عيال
وان طليقته هاملته لا طبخ ولا نظافة و تعذب عياله اشد العذاب وغير كذا الله يستر عليها كانت تسوي اشياء استحقت الطلاق لدرجة اهلها تبروا منها ...والناس كانت تقول حسافه هالرجال عليها ... لان زوجي فيه صفات الرجل المثالي كريم وحنون ويحترم المراه ويقدرها ومعاملته مع اهله والناس طيبة ... ومن شان كذا وافقت عليه ...

تزوجنا وسافرنا شهر العسل وعشت حياتي سعيدة معه
ويحبني ويخاف علي ويحترمني و يلبي طلباتي
وعياله يحبوني كثير وصايره مثل امهم وصديقتهم ويرتاحون لي
اكثر من امهم ... واهله كلهم يحبوني وفرحنين بزواجه مني وسعادته
معي اللي الكل لاحظها والحمد لله... ولنا سنة من زواجنا وربي رزقنا هالحين ببنتي عمرها 3 اسابيع ربي يحفظها ويخليها لنا ...

المشكلة اللي ابي حلها ان طليقته مازالت تتصل عليه وترسل له رسايل ... في البداية كانت رسايل سب وشتم له
بعدها قامت ترسل رسايل انها ندمانه وانها مازلت تحبه ولا قادره تنساه
وزوجي مايرد عليها لا بتصال ولا برسايل .... وقلت له يغير رقم جواله قال مستحيل لان رقمه مرتبط بوظيفته و بربعه ... وحتى لو غيره بتعرفه من عيالها او من معارفه .
وكلم اهلها انها ماترسل ولا تتصل عليه ولا خافت ومستمره برسايل ...وكل فتره قمت اتخانق معه سبب هالمشكلة وقلبي يتقطع قهر وابكي الحالي ...لان لو وحده منكم بمكاني بتنقهر وتغار ... وهو يعد هالامر تافه ولا يعني له شيء وانها ماضي حقير انتهى من حياته ...ويقول خلها ترسل وتتصل لين تشبع ... لدرجة خلاني افتش بجواله واوراقه عن اي شي فيه علاقة لها ...

وبعد تترقب اخباري وتحرض عيالها علي وتحضر المناسبات اللي احضرها وبعد تشتكي بالمحاكم علي وعلى زوجي من شان تاخذ عيالها من زوجي من شان الفلوس فقط مو حباً لهم ...

قولوا ياخواتي وش اسوي وش الحل بمووووووت من القهر وراح تخرب حياتي معه ؟؟؟

[afrah]

الله يكون في عونك حببتي بس نصيحة مني خذي بالك من تصرفات زوجك وخاصة عند اكتشافك لاي رسالة او اتصال لان نفس الي تسويه طليقة زوجك كانت تسويه طليقة زوج صديقتي و في الاخير تمكنت من ارجاعه والان ولدت معه ولدين وفي الاول كان عندها بنتين قبل طلاقها.

[احساس أنثى]

أنا أقول مادام زوجك مو مهتم الها ومتل مابيقول ماضي حقيير

خلاص لاتخافي من شي دام انتي متأكده من مشاعر زوجك

لكن بنفس الوقت كوني حريصة لكن ماتخليها تعملها مشاكل هي قصدي

وربك يكن بالعون

[احلى من العسل]

شوفي حبيبتي الخوف مومن طليقت زوجك الخوف منك انتي انتي الي بتخربي بيتك بيدك وهذا الي تبغا توصله طليقه زوجك حبيبتي كبر عقلك وخليك حكيمه ولا تهتمي لحركاتها البايخه هي بتسوي كذا عشان تخلق مشاكل بينك وبين زوجك وتحول حياتكم لجحيم هذا كله من الغيره والحقد بس انتي طنشيها ولا تسئلي فيها طالمازوجك مومهتم وزي ماقال خليها ترسل الين تطفش وزي ماقال حتى لوغير جواله راح توصله وترجع ترسل نصيختي لك لاتطفشين زوجك عشان هذا الموضوع بل زيدي من اهتمامك له ولااولاده وغيري من الروتين وخليك متجدده دئمن ولسانك رطب بالكلاا المعسول الغير مبالغ فيه ومن غير تصنع حتى يزيد اعجابه فيك وتمسكه بك والمثل يقول القافله تسير والكلاب تنبح اتنمى لك التوفيق

[sahab]

انا مع كلام الاخت عسوولة


ربي يسعدك ويوفقك

[مشاعل الدوسري]

انا وضعي مثل وضعك

ما أتدخل و لا أتكلم لكن اقول راي بلخير مااحرش احد على الثاني تبي تأخذ عيالها و هو موافق مالك علاقه و في الاخير الشيخ بيحكم حق كل واحد
400 ريال و لو حتى مو واثق فيها يشتري لهم
هو الاغراض ملابسهم اكلهم ..

و يحط بيدها مبلغ يادوب للمصاريف ..1000 و كل مايحتاجون هو اللي يجب لهم
هذا لو هو وافق

المهم بلنسبه لأتصالها طنشي دامه هو مطنش انتي لازم تطنشين .. و رسايلها طنشي

و اهتمي فيه أكثر و اغريه و خليه يسمع منك الكلام الحلو و انشالله و لبيه غيره لا

شوفي شنو كانت عيوبها تجنبيها و لا تتهاوشين معاه علشانها لو درت بتفرح و بتستقل الموضوع ..

وووووووو بس لا تشغلين بالك فيها و لا تخلينها تخرب حياتك بسبب اتصال و رسايل

وووووووو بس

الله يهديه و يهديه طليقته و تبعد عنه قوليله

انا من اليوم و رايح ماراح اكلم معاك عنها لكن ابيك تبلغ اهلها


اذا هي تبي شي عشان عيالها تخلي ابوها او اخوها هو اللي يرسل اوو يدق


انا لما طليقة زوجي كانت ترسل

كنت اقولها قولها لا ترسلك شي
و اذا تبي اي شي بخصوص ولدها ترسل رجال يتكلمون معاك عن المشاكل و اذا ماعندها حد يتواصل معاك تبي شي ترسل على جوالي .. و انتهت المشكله ..

[ام الجوهرة 2012]

تسلمون ياخواتي من كل شر يارب على الرد ريحتوني الله يريحكم دنيا واخره
وبأذن الله راح اتبع نصايحكم لي لانها عين العقل :
من التطنيش لها وبنفس الوقت الحرص ولا اتخانق معه من شانها لان راحت ولا جات ماتسوى ظفر مني... والتجديد من نفسي والكلام الطيب والمعسول معه والاهتمام فيه اكثر ...
وحب عياله والاهتمام فيهم ... بكذا اقدر اكسب قلبه بأذن الله ...
وربي يوفقنا ويصبرنا وياكم ونكون في انظار ازواجنا ملاك وتبعد عنا بنات الحرام .

[بومبو]

انا انصحك تقنعين زوجك يعطيها عيالها اول شي حرام الام اولى بأطفالها وبالرغم من كل سلبياتها تبقى ام وثانيا من تاخذ عيالها ما يبقى معها حجه او شي يربط بينها وبين زوجك وانت المستفيد الاول اذا عطاها عيالها وحاولي تقنعي يغير الرقم زن النسوان يخوف وما دام زوجك مطنش انتي ريحي حالك بس حاولي يغير رقمه ويعطيها عيالها الفلوس تولي بس زوجك اهم كلشي

[ام الجوهرة 2012]

قلبي هي عندها البنت عمرها ست سنوات والولدين عند ابوهم
الاولاد مستواهم متفوقين واخلاق ونفسيتهم مرتاحة
البنت المدرسة فنشوها وصارت نفسيه وماتعرف تتكلم من الطق وتعذيب ولا تذاكر لها
غير المشاهد التي تشوف امها عليها اقل مثال شافتها تشرب زقاير
والبنت جات قالت لابوها بعد ماشم ريحة الزقاير فيها ولما عرفت الام بذلك حرقت يدها بنار ....
وحتى ياقلبي لو غير الرقم بتعرفه الحقيرة من ربعه اللي تعرفهم او من عيالها او من اقاربة
والبنت بعد ماتبلغ سبع سنوات تنسحب منها وهذي رغبة ابوها لان خايف عليها
وعلى مستقبلها ... لان مره تركتها في بيت عايلة مايعرفها زوجي وسافرت لمدة اسبوع
هذي مستحيل تكون ام صالحة ...

[مشاعل الدوسري]

الافضل العيال يتربون في بيت ابوهم لان امهم مردها تتزوج و بيت ابوهم يعني استقرار و بنفس الوقت انتي لا تقصرين معااهم

مو حلوه يروحون لامهم و قت ماتبي تتزوج تتركهم بتأثر في نفسيتهم

لكن اهم شي المعامله الجيده معاهم و الذمه و الضمير..
مو كل من جابت اطفال تعتبر ام




يعني تدخن قدامهم لا وقااحه و ماتنفع للتربيه .. تبي تدخن لوحدها مو قدام عيالها .. لكن لو اكتشفو بلنهايه ماراح يعتبرونها قدوه بلعكس امنا كذا و ابونا طلقها و تزوج يالا الحياه خررربت ..

و الله يقدم اللي فيه الخير ..