قصة ولادتي بملاكي جنى

[الواثقه بالله]

السلام عليكم
كيف البنات الحلوين اليوم رح احكيلكم قصة ولادتي الي أكلتها من النوعين طبيعي وقيصري

عديت شهري 6 أيام وباليوم السادس طلعت على دكتورتي وفحصتني وطلعت مية الجنين ناقصه وعلى طول حولتني للمستشفى حكتلي روحي عالبيت جهزي أغراضك وأغراض البيبي وروحي لا تتأخري طبعا زوجي كان معي رجعنا عالبيت واشتغلت شغل البيت وجهزت أغراضي وحكيت مع أمي وأخوي وطلعنا على المستشفى طبعا ما كان لا معي وجع ولا توسع طلعت وطول الطريق وأنا أقرأ قرآن وأدعيه بس وصلنا دخلوني على الطوارئ وفحصوني وقررو لحالتي تحريض ولاده دخلوني على غرفة المراقبه ركبولي تغذيه ومخطط نبض الجنين تقريبا ساعه وهاد الحكي الساعه 3 العصر بعدها طلعوني على غرفه لأستريح حاولت أنام وما قدرت وضليت أفكر شو رح يعملو معي على الساعه 12 بالليل نزلوني ليعملولي تحريض نزلت وأنا بدعي وبقرأ قرآن دخلوني على غرفة المراقبه وركبو نفس جهاز تخطيط النبض وإجت الدكتوره ومعها ممرضتين وركبولي بربيش رفيع متل بربيش البول بمنطقة المهبل ليعمل توسيع بعنق الرحم أكيد كان في الم بس محتمل بعدها ضليت أقرأ قرآن والساعه 5 الفجر صحوني الممرضات رحت على الحمام _أجلكم الله _ بعدها شالت البربيش وكان التوسع 5 سانتي بعدا حطولي طلق صناعي وبلشت المعاناه الحقيقيه طبعا الم غيييير طبيعي ما قدرت اتحمل الألم وصرت اطلب يعطوني مهدئ بعدها على طول غيبت وكنت بصحى وبرجع أغيب فترة ساعتين بالآخر صحوني الممرضات ولبسوني مريول ابيض وفحوني داخلي كان التوسع 7 سانتي وبلشت حس بالم وباشي يضغط وكان الجنين بدو ينزل بس ما كنت قادره أعطي لأني تعبت كثير على طول جهزوني عمليه ودخلوني على العمليات صحيت بعدها لقيت امي وزوجي وأخوي عندي وأنا ببكي من الألم وكنت بنادي على الممرضات يعطوني مهدئ بعدها اعطوني ابره بالعضل وضليت نايم لتاني يوم والحمدلله هلا صحتي احسن بس لسا في ألم مكان العمليه والله رزقني بأجمل بنوته وسميتها جنى.
وتوته توته خلصت الحتوته