حامل لاول مره وعندي كم سوال

[روح البنفسج]

هاااااي بنات كيفكم ؟
انشالله مبسوطين
ادخل في موضوعي اللي باين
من عنوانه واتمنى تفيدوني


س1/انا مسويه شريط حمل توقيع ليا بس حاسه اني حاسبه غلط
كيف احسب حملي وموعد ولادتي اذا كان انا اخر دوره ليا
بتاريخ14-4 بالميلادي وعشان الابر المنشطه وحسب تعليمات الدكتوره ما صار جماع قبل يوم 1-5 ميلادي ؟

س2/هل صحيح ان فترة الحمل هي 40 اسبوع ؟يعني مو 38 ؟
اللي اقصده ليش في ناس تحسب من اول يوم للدوره المفروض من يوم التخصيب المتوقع ؟


س3/ هل تنزل افرازات في الحمل ؟ وكيف يكون شكلها ؟


س4/انا زي ما قلت في الاول اخدت كلوميد وابر منشطه
وعلى اليوم ال16 قالت الدكتوره انو في بويضه وحده مقاس 18 واعطتني ابره تفجيريه بعد اسبوع صرت اتالم وظهري يعورني واحس بطني منتفخه ومشدوده مره ورحت للدكتوره وقالت انو في استجابه قويه والبويضات عندي كبرانه وصلت لمقاس 32 في المبيضين عشان كده اتالم المشكله اني لسه اتالم منها ومره خايفه
ايش اسوي احس انو البيبي حيضيع لاني اروح الجامعه كل يوم وعندي اختبارات ايش اسوي ولا ادويه ولا راحه نفعت معاي
مره خايفه مين صار لها زيي ؟





واسفه اسفه اسفه اني طولت عليكم لكني كلي امل وانتظر ردودكم واتمنى مساعدتكم بليييز لا تبخلو علي بمعلومه