والداتي المتكررة سبب خوفي

[أم أصيـــل]

السلا عليكم ورحمة الله وبركاته. مسائكم حب يا غاليات حبيباتي الحمدلله ربي أكرمني وولدت من 3 أسابيع وربي رزقني بنوته حلوه. المشكله يابنات أنا كأنني نفسيه كرهــت الحمل والولادة وتعبها معد أفكر أخلف والحمدلله عندي ولد وبنت وقبل عندي ولادة سابقه وتوفت بنتي وهالولادة هيا اللي أخلفت موازيني تعب جسدي لا يوصف وشكل جسمي تغير وحتى المنطقه لعبوا فيها شكلها الله المستعان .... مدري إش أقول ،، ماغير الله يعوضني ويخلف عليا دنيا وأخره. شاركوني ........فضفضوا معايا يابنات الحمدلله زوجي إنسان متفهم وعمره مالمح ع شكلي بعد الحمل أو حتى قال إني واسعه بس فكرة الحمل هذي مسويتلي كابوس وماأبغاه يتكرر،،،. أفيدوني لو بدعوه فظهر الغيب... عساني وياكم بجنات الخلد

[محبتكم نينو]

حبيبتي وكلي أمرك لله واهتمي بنظامك الغذائي وخلي المشي عادتك ساعة ثلاث مرات في اﻷسبوع عاﻷقل صحة لك انت وعيلتك منها ومنها تمشية وترييحة لنفسيتك واتشطفي واتنقعي بموية وملح والله تدعيلي لي
وكل اسبوع مرتين او ثلاث تنقعي بالخلطة هذي
قشر رمان اغليه على النار نص ساعة وبعدين قيدك منقعه مرة من الليل تطفين النار عن قشر الرمان وتعادلين بموية فاترة في مغطس حرارة الخلطة تضيفي قشر الرمان والمرة وتتنقعي فيهم بعد التشطيف المهم اتنقعي الللين أكثر شي عشر دقائق وعادي تشطفي بالموية الدافية
وقومي سويلك كل يوم ترمس تعملي فيه قهوة القشر معروفة وحطي معاها مسمار وقرفة وزنجبيل تمسح بطنك مسح بإذن الله
ثم ياستي ابعدي عن أي أكلات تخرب وانت تعرفيها ملخية وبامية وطماطم وخيار وبطيخ
ولا تمشي حافية

بعد ين ياستي خلي عندك روتين يومي انك تدهني جسمك بزبدة كاكاو وشيا وفي خلطة تخلطيها زيت زيتون وزيت خروع تدهنين بها جسمك تشيل التشققات....
واشتري كريم من كلارنس اسمه
Clarins
total
lift minccur
بالضبط كذا اسمه ولا يتوهونك البياعات المهم هذا الكريم يشيل التكتلات اللي من اسفل جسمك الفخود والمقعد ويشددهم لكن لازم تمشيييي
واستخدميه مرة قبل النوم ومرة قبل المشي
وخليكي وااااااثقة من نفسك واهتمي بجمالك قصي واصبغي واتنتفي وحمام مغربي وتقشير وتدليع وربي سته شهور بترجعين أحسن من أول اعزمي واعقليها واتوكلي وربي يوفقك وكل ما افتكر شي يفيد راح أجي أنزل لك هوا
صحححح وقت دورتك اعتبريه بعدين زي نفاسك ولاتنسي تتتدفي مزبوط وتلبسي شراب علطول عشان مايدخلك الهواء وربي يوفقك
ادعيلي....

[السيده امل]

الحمل نعمه من الله

[أم أصيـــل]

السيده أمل شكرًا ع تفاعلك. محبتكم نينو تسلمي حبيبتي الله يسعدك دنيا وأخره أنا يالغالية. مهتمة بنفسي وكنت أتكلم عن شي صار قبل سنتين و الحمدلله أنها فترة وراحت ،،لكن التجربة بحد ذاتها كانت متعبتني ودموعي ما توقف منها حتى حملي هذا ماشاء الله مهتمة بنفسي ومدلعه عمري بس قبل الولادة تعبت نفسيآ خفت أموت بالولادة أو يصير لبنتي شي لكن الحمدلله ربي أكرمني بسلامتي وسلامة بنتي. بس مدري إشبني صار عندي رفض لفكرة الحمل والولادة ،،،. أبغى أعرف هيا فترة وتعدي وأنساها وإلا بظل. أخاف طول عمري..؟

[ام ريتان]

لا ياغالية فترة وتعدي
وبكرة راح تشتاقين يكون عندك طفل ...
والاشياء اللي شفتيها من تعب وووو ماتضيع عند رب العالمين
من اجر ....

[محبتكم نينو]

يا قلبي أسى الولادة منسييييي
بإذن الله أول ماتكبر بنتك وتشيل نفسها بتشتاقين تجيبين لك نونو صغير احمدي الله على نجاتكم تخيلي والله لايحطك بمكاني انا حملت السنة اللي فاتت وجيت على الشهر الخامس قالولي الجنين متوفي ولاااازم ولادة وطلق صناعي وبهددلة الحمدلله غير اني شفت كل شي وحسيت بكل شي وولدي الميت اللي خرج مني كااااامل زي ماهو بكيت وبكيت وكرهت نفسي قبل ما أكره الحمل والخلفة بس مرت 3 شهور بالزبط اشتقت لطفل أضمه ويعوضني فقيد روحي والعوض قبل كدة من رب العالمين، وماشاء الله لاقوة الا بالله تبارك الرحمن رغبت في الحمل وما انقضت سة شهور محاولة الا ربي كتب والله يتمم على خير فلا تخاااافي عادي راح ترجعييي تشتاقيي

[أم أصيـــل]

أم ريتان ومحبتكم نينو الله يسعدكم دنيا وأخره ويجعله بموازين حسناتكم الحمدلله ع كل حال وربي يرزقكم الذرية الصالحه

[أم أصيـــل]

محبتكم نينو يالغالية هذا الكريم طلبية والا متواجد بالسوق..؟؟،أعذريني حبيبتي أول مره أسمع فيه..

[محبتكم نينو]

ماركة كلارنس تلاقينها في معارضهم في قزاز ووجوه ودبنهامز.... وممكن تلاقي الفيرمينق كريم من الصيدلية مفعولها أبطأ صح لكن أكيد بتفيد بإذن الله والفيرمينق كريم يعني كريم شد تلاقي منه ماركة جرجنز ونيفيا وغيرهم موفقة حبيبتي

[أم أصيـــل]

محبتكم نينو الله يسعدك دنيا وأخره ويتمم حملك ع خير ماقصرتي يالغلا..تحياتي لك