ساعدوني ابي رايكم

[عآشقة الجنآن]

السلام عليكم ورحمة الله وبركاته

راح ادخل بالموضوع على طول
الحين انا في الشهر الاخير من الحمل من يوم مادخلت التاسع وحماتي معارضه فكره اني اروح بيت اهلي بعد مااولد
في البداية امي كانت ساكنة لوحدها مع اخواتي
امي عاشت مع حماتها وهي جدتي 20 سنة بعدها انفصلنا تقريبا 6 سنوات والحين رجعوا مره ثانية بحجت انهم كبروا في السن جدي وجدتي
بيت اهلي صغير 3 غرف والحين جدتي جات واخذت الصالة غرف النوم وغرف للبنات وغرف للاولاد طبعا مافي غرفه للضيوف
محتاره اروح عند امي ولا لا ؟؟
لاني احس راح اتعب امي معاي خاصة انها تهتم لجدي وجدتي
واخوات ابوي وهما عماتي مايستحوا كل وحده ساكنة في شقة كبيرة
على الاقل لو ياخذوا ابوهم وامهم الين مااخلص النفاس وارجع بيتي
حماتي تقولي ارجعي بيتك وخلي امك تجي كل يوم وتهتم فيك
صعب والله صعب اني اتعب امي كفاية اللي فيها امي تقولي تعالي عندي احسن لو تروحي بيتك مااقدر اجي لك كل يوم وهي صادقه
وفوق هذا جدتي جابت اغراضها وطلعت اغراض امي تقول انها قديمة ومكسوره
مثل الثلاجة والغسالة واشياء كثيرة غرت البيت كلها تحسب انها بيتها وانا ماادري
صحيح انها كبيرة في السن بس المفروض ماتتحكم في بيت ولدها مهما كانت امي ساكته اتقدر تقول شي والله مايخوا امي واخواتي على راحتهم وابوي ولدهم الوحيد
وش رايكم اروح بيت اهلي ولا ارجع بيتي خاصة هذا اول مولد لي ومحتاجه احد يهتم فيني
وزوجي يقولي على راحتك وين ماتروحي بوديك ؟؟!!

ودعواتكم الله يفرج على امي ويسهل علي الولادة