تاخر الدورة بدون حمل

[فوفاا]

السلام عليكم
بدش بموضوعي على طول .. انا متأخر الحمل عندي و بعد من تجي الدورة تكون بألم فضيع ما اقدر اتحمله .. رحت لدكتور بشوف مشكلتي شاف الهرمون مرتفع شوي مو مره وعطاني نص حبه للهرمون بالاسبوع ..
وكل شي عندي تمام وعطاني حميه عشان تتعدل كل هرمونات الجسم معاها.و يقوى التبويض .. اهو ما يعالج الا بالحميه..
رجعت سمعت عن الحجامه قلت يالله اسوي عشان لو فيه لخبطة او شي يتعدل معاها ..
هدا الشهر الاول ودورتي جات بدون عوار ولا شي بس كانت غزيرة بشكل مو طبيعي .
والشهر الى بعده رحت للممرخه وقلت لها عطتني ميرمية و كف مريم و بردقوش و ميليسيا انقعهم و اشربهم طول الشر حتى بدون الدورة .. وحرصت ان اشرب قرفه طول ايام الدورة وحتى الموية اشربها مثل الشاي حاره كل شي يكون ساخن.. و مرختني يومين ورى بعض و عطتنى خلطة اكل منها طول الشهر صبح و ليل ملعقه صغيرة ريحتها حبه البركة وحلبه الظاهر.. بس بصراحه كم يوم اخدت منها و بطلت لانها مره حييييل .. و استمريت على البردقوش و الميرمية ..
صح و اهي تمرخ تقول الرحم منكمش ؟؟ ما فهمت كيف .. قالت انه بسبب برد او ما كنت ادفى نفسي وقت الدورة .. قالت هدا الى مخليه متجمع و قاسي وما يوصل شي للرحم.
دورتي الشهر هدا.. مو حاسه بشي نهائيا لا عوار ببطني و لا صدري ولا اي شي.
ظهري وعظامي كلها مكسرة الجسم كله بس .. مر اول يوم ما جات سويت تحليل بول وانتو بكرامه طلع خط و الخط التاني مره خفييييييف مدري هو عادي ا و لا.
رابع يوم ما تحملت رحت سويت تحليل دم ما طلع فيه حمل والممرضه كانت تاخد الدم سألتها يبين النتيجه برابع يوم قالت يبين من 10 ايام الى 5 ايام طبعا التحليل العادي مو الرقمي
طبعا تحطمت وجلست اصيح من قلب لان كنت فرحانه بالخط الخفيف وقلت لزوجي و فرح قلت له فيه امل بس حسيته تضايق من قلت له ما فيه حمل..
انا عني نفسيا مو مره تفكيري بها لشي و يمكن اهو سبب هالتأخير للدورة لأنها كم نقطه اليوم واختفت يمكن توتري اهو مأزم الأمر .. بس تعقد كل من شافني ما حملتى ؟؟ فلانه حملت و فلانه جابت ؟؟
أبي دعوة بظهر الغيب ربي يرزقني و يرزق كل محرووومه..
وهل ممكن يكون فيه حمل و ما يبين بالدم لان تحليل الدم بيني كل شي و مضمون .